2Korintus 7:11 - Nouveau Testament en Guidar

¹¹ Mula an va Maŋgəlva agəɗ sukum də əssahan zukum: Munokum tatəsokən zukum sawɓa, munokum tatə gayaŋ ka kəsoŋ gən salala məza də mambray azokum ɓa. Maɗulokum azlabka, munokum tat də geslne diiɗa, munokum tatəɗumoŋ akawa, munokum tat də əŋgla naɗɗa zəga mogoni, munokum tatəsokən zukum ətaw kita aka mambraya. Də as pak kərbanənək zukum na, salala kənanaŋ aza wənnani.

Bible en Guidar

¹¹ Mula zəga an əssahan zə ɗəf va Maŋgəlva aŋgəl agəɗ azokum: Va wəza an agəɗ azokum kəsokən zukum, əvvuyon mambraya, zukum tay nek də mbərayən ɓa, geslne, əŋgla vakvakə, kotoroku, əzga'a! Addəv zəga pak mənokum zək nokum kərbanənək na saksak kənanaŋgə.

2Korintus 7:11 ပူးပေါင်းရင်းမြစ်များ

Markus 3:5

Zezu awlek na gədəfən nawda, makra ɓəɓəl net asanəka. Yaŋ anahsən ɗəf məs van məmtən naka: Appar voko. Apparək vani. Van abəlka.

Yohanna 2:17

Gewleɗ nan aɗumonənək an məverin adəv ɗerewel: Wəŋgla na gəla noko, aw Maŋgəlva, tay zləw amakraw va offo.

Wəza net Masləŋɗe 17:16

Pol tay ga Silas də Timote a Ateena. Adan awla walaŋ gəla nan aknahək də matuya, gədəvən adək sawɓa.

Roma 11:20

Gesiŋ, ya amma məŋgohən na, vi dəŋgereŋ ətaf ɓa yi. Nokum bo məntepekum na, vi kətafaŋgi, vi vaski kədaw kaɓaŋ ɓa, say məgeslne'i.

Roma 14:18

Ɗəf məs dəgəɗ sən wəza sən Krestu də tive nani, wanek zə Maŋgəlva də zit ɗii pakə.

Roma 3:5

Ya an mambray məs mədaɗɗaŋ arbanək na Maŋgəlva tay təstəs ɓa, ya mbar mədaw nah kan di? Maŋgəlva tay təstəs ɓa, vi adaw taw kita akam sa? Əntatə sohon va ɗii ada sohoŋ.

1Korintus 12:25

Vi dəŋgəl əgay dəgəɗ gən awalaŋ gəɓa zən ɓa, amma dəsoŋ gən də əbaah sən ziti.

1Korintus 5:13

Va ɗerewel anah na: Mərɓahan ɗəf məs daraw suwalaŋkum.

1Korintus 5:2

Yaŋ bo ka kəda gakdakanən zukum kana! Ya dərəŋ na, məsok zukum əhəm də wənnani ɗəf məgəɗ wən vaska dəgil gən sərokum.

2Korintus 13:7

Mənam tatə kaman Maŋgəlva vi kədaɗɗaŋ mambray ɓa. Nam məŋgəl goŋga nam duwəl gən ɓa, amma nam məŋgəl na kəɗɗaŋ gən an dəslə, ko an mənam van zlaŋ məddakəm mənani.

2Korintus 2:6

Ɗii vadaysa sə waloŋkum atawənək kita aka ɗəf nani, məkki kana.

2Korintus 6:4

Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

2Korintus 7:1

Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

2Korintus 7:7

Əziya nani dəɓət gəm kaaka ɓa, amma anah səmək wən nokum kəɓət gənənka. Munokum tatəɗumoŋ naw luwa də əɗumon məs dəgəɗə, munokum tatə sokən zukum aza əbaah suwa. Ndəni kan annek zu diiɗa.

2Korintus 7:9

Amma kakaŋ na, zu neki. Gesiŋ nəneken na zu də zukum məs kəssahanən ɓa, amma vi wəssahan zukum apsukumək tive na kpaŋgan ədaw nokum. Maŋgəlva aɗɗa əssahan zukum na dəsan gən ka mogon nokum, nam məgəɗ mbrayen azokum ɓa.

2Korintus 9:2

Nəsənka munokum tat də əŋgla nabaahsiti. Nəɗiyək kikum abet ɗii na Maŋgəlva a Makedoniya bo, nənahək na: Milmiŋgiɗəm na Akaya tahəŋ əkalanən zəga nan daga dəbyaŋga. Zukum məs kəsokoŋgəŋ afɗehetik ɗii diiɗa suwaleŋti.

Efesus 4:26

An gədəvkum adəka, məzi zukum azani, kədaɗɗaŋ mambray ɓa, pay ada təpa aka wəda gədəv nokum ɓa.

Efesus 5:11

Kədaw sapaŋ dit məɗɗaŋ wəza ɗəɗar na guzliyəŋ ɓa, ətər wəray nan tay ɓa, amma mərban wəza nokum appaka.

Filipi 2:12

Bayneŋgiɗwa, pay nəsaw anokumda na, munokum tatəpprəmən mawa pay pakə. Ya adan kakaŋ faraɗa nan də munokum, məpprəm mawa. Məɗɗa wəza nawkoh nokum də geslne də wəkkere.

1Tesaloniki 4:6

Ɗəf adawgəɗ sən mbrayen sən məlmən ɓa, kədaw gəɗ sən matakataka də terere ɓa, vi Ɗəfdaya wataw kita aket ɗii məɗɗaŋ zev mambray vaska, va mənah sukum dabəŋ, yaŋ mənah sukumək əmpa.

1Timote 5:20

Məzəɗɗaŋ mambray pak say a hayyet karet kretiyenɗe pakə, vi ɗii məs dəppaŋ də geslne'eŋ gəni.

2Timote 2:15

Asok zuko wən nok dərban gən zən aba Maŋgəlva na də goŋga kənani məgəɗ wəza məza wil awdukun amba wəza nan ɓa kənani, mərbə wən də goŋga məs dəslə kənani.

Titus 3:8

Aŋki wəpel an fəkat van kana. Nəŋgələk kəsok gən də wənnəska, vi ɗii məs dətafən Maŋgəlva də ganən gən wəza mogon va adaɗɗaŋ, wənnəs mogoni, watər wəray azet ɗiiyi.

Ibriɗe 4:1

Maŋgəlva anahək na wapsəm tive nawtoŋ atəki naffet nani. Say məzi səm zəmə, vi ɗəf səmbam adawbew ko taka dawtoŋ atəki naffet nan ɓa.

Yakob 3:17

Amma maɗula an nawsən zəga məs dəde sə disiŋ, nan salalayi. Nan tay ki zamə də ɓatɓatə, dəbayna, awɗeket ɗii ɓa, awa tepelke aket ɗii ɓa.

1Piyer 1:17

An munokum tatə zuliyaŋ sən Maŋgəlva, munokum tatə yanən na əbba. An tay taw kita aket ɗiiyi awɗeket na ɓa, ko naway pak va aza wəza nan məs agəɗə. Vi vaski, adəv pay nanziya nokum aka dəlvəŋka, məpprəm mani.

1Piyer 2:2

Məsoŋ va kirin muwet kakaŋka, adaŋglaŋ momvo, məŋglu əpel na Maŋgəlva an də goŋga, vi kəɓayaŋ gən dəndən kəkohoŋ gən dəndəni, kənanənək nenek na Ɗəfdaya.

Zuda 1:23

Migilgit sədəv offo, məkoh giti. Muwəl saha aket ɗii məzəsbanən wəsim zəga neti, amma məga zukum vi mambray net adaw rumkum ɓa.

Hənhən 3:19

Ɗii məs nəŋgəl pak əntatə hayeti, əntat əsgaa siti. Vini asok də əŋgla nan wəzluk amkrok va offo, apan mambray noko.