2Korintus 7:1 - Nouveau Testament en Guidar

¹ Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

Bible en Guidar

¹ Adan mənam tat də iynama vas na bayneŋgiɗwa, məbbur səm zəm səza ərnok na gəɓa zəm də an na əmpəs pakə, məsok səm zəm əssa salala gərrak addəv geslne na Maŋgəlva.

2Korintus 7:1 ပူးပေါင်းရင်းမြစ်များ

Matiye 12:33

An wəlaŋga mogoni uwa nan tam kawsan mogoni. An wəlaŋga nan mogoni ɓa uwa nan zlaŋ awsan mogon ɓa. Kawsəni wəlaŋga aza uwa nani.

Matiye 5:48

Məsoŋ məza də mambray ɓa, va Affukum na disiŋ nan tay də mambray ɓa.

Matiye 5:8

Zəzay azet ɗiiyen məs mekret bar, net wawlanən Maŋgəlva.

Wəza net Masləŋɗe 9:31

Ndəni kan kretiyenɗe naka dələv na Zude na Galile dit na Samariya pak asoŋguk zamə, məza wəzəm saha ɓa. Asɓanənək ziti, asuwaŋgək adəv geslne na Ɗəfdaya, tahəŋ wənzləraŋ aketi, vi Əmpəs Salala tay san dənɗaŋ.

Roma 5:20

Ma henziŋ ade akan na, vi mambray dəzlər gən abe abe. Amma an mambray adek akan na mbəlembəle na Maŋgəlva dədazan akan day.

1Korintus 6:20

Maŋgəlva abit kumko, afaɗək vini, vi wənnəski məgakdakan Maŋgəlva də gəɓa zukum.

2Korintus 1:20

Gesiŋ Zezuwi vaski, ndəni ki əpel na Maŋgəlva pakə. Vi wənnani mədawnah na, amin bo vi kaw gakdakan Maŋgəlva.

Efesus 2:3

Mənam pak vanet mənan lahəŋka, mənam tatəsban wəsim zəga namə. Mənam tatəsban an gəɓa zəm aŋgəl də an maɗulam aŋgələŋ pakə. Vaski kan məsam adəv wəssa nan lahəŋka, wədda gədəv na Maŋgəlva tayakam va aket ɗii pakə.

1Tesaloniki 3:13

Vi dəsɓan gən mokrokum məza vi kəziweŋ gən aba Maŋgəlva Affəmə, də mambray ɓa salala* aba Maŋgəlva Ɗəfdaya namə, pay wəziya na Ɗəfdaya nam Zezu adazani dit maslayɗe nan məs salala.

1Tesaloniki 4:7

Vi Maŋgəlva dəyəm məsam gən də mambray ɓa, amma məsam gən salala.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

Ibriɗe 12:23

Kəzoŋguk atəki wəkal net kirtin Maŋgəlva en dabəŋ, en məs məver iya net a disiŋ. Kəzoŋguk aza Maŋgəlva məs nawtaw kita aket ɗii pakə, kəzoŋguk aza zeŋgillet ɗii məs də goŋga, məs Maŋgəlva akpeŋget salala ha faɗə.

Ibriɗe 12:28

Vini kana məgəɗ səm soko sən Maŋgəlva, vi mərah gən məlĩ an aɓəl na ɓa. Məzuli sən Maŋgəlva va an aŋgələ də wəgeslne səni.

Ibriɗe 4:1

Maŋgəlva anahək na wapsəm tive nawtoŋ atəki naffet nani. Say məzi səm zəmə, vi ɗəf səmbam adawbew ko taka dawtoŋ atəki naffet nan ɓa.

Ibriɗe 6:9

Amma ko an mənam tatə pel vas zlaŋ, bayneŋgiɗu kənanaŋ, məsənək wən nokum lewlewi, kəsənənək tive nawkoh mogoni.

Yakob 4:8

Məzar aza Maŋgəlva nan bo wazar azokum. Məɗa vokum səza mambraya, məskoɓ mokrokum munokum muluvuluvuɗe.

1Piyer 1:15

Amma va Maŋgəlva məs dəyukum asan salala, nokum bo məsoŋ salala də wədaw nokum pakə.

1Piyer 1:17

An munokum tatə zuliyaŋ sən Maŋgəlva, munokum tatə yanən na əbba. An tay taw kita aket ɗiiyi awɗeket na ɓa, ko naway pak va aza wəza nan məs agəɗə. Vi vaski, adəv pay nanziya nokum aka dəlvəŋka, məpprəm mani.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

1Piyer 2:11

Bayneŋgiɗu na makrawa, melekeɗ kənanaŋ aka dəlvəŋka. Vi ni nəda komokum kədapaŋ tive sən əsim zəga na gəɓa zə ɗəf ɓa, vi tay kay tive pay pak kaw zan zeŋgillekum.

1Piyer 5:10

Amma dərɓaga saha məs kədaw zəmaŋ suɗike, Maŋgəlva Affən mbəlembəle pakə, məs dəyukum aka gakdak nan məza agrak ɓa ka kəsapaŋ gən də Zezu Krestu, wasugukum ɓəlɓəl va aka milɓe. Ndən sən kiyən waɓəlokum, wapsukum sembe.

1Yohanna 1:7

Amma an mənam tatə daw ara təki babara va Maŋgəlva sən kiyən asan atəki babara, asna məsappək awalaŋ zəmə, mbel na Wətən waviyanən mambray nam pakə.

1Yohanna 1:9

An məɗiyək marava vi mambray nam aba Maŋgəlva mərban sənəka, waməɓap wəsənən gesiŋ vi əpel nan aziwik gesiŋ waviyan səm mambray namə, waskoɓ səm an məgəɗ pakə.

1Yohanna 3:3

Ko naway məs dəŋgəl wəsuwa va Krestu, say duɗak də mambraya, va Krestu sən kiyən awɗak dəndən.