2Korintus 6:7 - Nouveau Testament en Guidar

⁷ Də ərban wənnan məs də goŋga, də sembe na Maŋgəlva. Zəga naw gay namə, narge maseŋgiɗmə, nawga ki zəmə ndəni goŋga.

Bible en Guidar

⁷ də əpel an gesiŋ, də əɓap na Maŋgəlva, dit zəgeɗ na təstəs en nawgaya gəm en nawga kizəmə.

2Korintus 6:7 ပူးပေါင်းရင်းမြစ်များ

Markus 16:20

Gewleɗ adoŋko, apelinik Wən Nenek ko aŋga pakə. Ɗəfdaya agəɗək wəza dənɗaŋ, arbanək na wən məs adawpeleŋgəŋ na, gesiŋgi dit sokeneɗi.]

Wəza net Masləŋɗe 11:21

Sembe na Ɗəfdaya tay dənɗaŋ, ɗii diiɗa atafənək Ɗəfdaya tahəŋ wəsbanənni.

1Korintus 1:24

Amma azet ɗiiyen məs Maŋgəlva ayə, ko Yahudiyenɗe, ko ɗii məza Yahudiyenɗeŋ ɓa, asənənək na Zezu Krestuwi sembe na Maŋgəlva də wəsən nani.

2Korintus 13:4

Pay məs amtə aka wəlaŋga məzliwrihe, pay nani mədakni. Amma kakaŋ na madarani də sembe na Maŋgəlva. Vi wənna əsap nam də Krestu məddakəm mənani. Amma akulanən məda sam madaram dəndən vi wənna sembe na Maŋgəlva.

2Korintus 2:17

Ɗii diiɗa tahəŋ ulanən əpel na Maŋgəlva va zəga naɗɗa terere. Nam mənam tatəɗɗan vanet ɓa, vi Maŋgəlva aslən məka. Mənam tatəpel də makram taka aba Maŋgəlva, va məɗɗaŋ wəza sən Krestu.

2Korintus 4:2

Məsganək wəɗɗa məɗama də zəga na wil pakə. Məɗɗa wəza nan də kuket ɓa, məkpaŋgana əpel na Maŋgəlva ɓa'a. Amma mənam tatərban goŋga nan appaka ta'ə. Ko naway məzu kayan makran aba Maŋgəlva wanah na də goŋga mənani.

2Korintus 7:14

Nəgakdakanək zu abani, vi wən nokum nokum bo kərbaŋ suwən wil ɓa. Goŋga məpel sukum pakə. Vaski bo ko an məɗiyək kikum aba Titus zlaŋ na, goŋgayi.

Efesus 1:13

Amma nokum bo, munokum məs kəpprəmən gesiŋ na Wən Nenek naw koh nokum, adan kətafənka, Maŋgəlva aɗi sukumək lamba azokum də Əmpəs Salala* an məs aynan wənnan na, nan kənanaŋ.

Efesus 3:20

Maŋgəlva waɓap wəɗɗa an məs dədayki wəzuli namə, də an dədayki wəɗum namə, vi tayəɗɗa wəza də mənam də sembe nan metiŋgini.

Efesus 4:21

Kəpprəmənək əpel aka wənnani, ya kətafənka, mərban sukumi wən an gesiŋ, məs dəde səza Zezu.

Kolosi 1:5

Pay sən labara na Wən Nenek agap anokumda, dabəŋ mərban sukum wənna wəga zəga nani. Ndəni bo wətaf nokum də wəŋgla nokum pak kəɗiyənək aka zəga məs kədawgaŋ, məs Maŋgəlva azaɓan sukum a disiŋ.

1Tesaloniki 5:8

Amma namə ɗii na kapay mənani, məda grəŋ ɓa, say mugul səm wətaf va lukutu də wəɗup wəŋgla va petpete, də wəɗum naw koho.

2Timote 2:15

Asok zuko wən nok dərban gən zən aba Maŋgəlva na də goŋga kənani məgəɗ wəza məza wil awdukun amba wəza nan ɓa kənani, mərbə wən də goŋga məs dəslə kənani.

2Timote 4:7

Nəgayək mogon sawɓa, nəgrakək wənzuwa dabəŋ nawa, nərmak wətafa.

Ibriɗe 2:4

Maŋgəlva bo asɓanək saydawa net də wərban səm sembe nan də sokeneɗ temtemi. Yas kəmpa apsit Əmpəs Salala* sit ɗii nan va an aŋgələ. Wətən Maŋgəlva* akəmək aza wəkoho.

Yakob 1:18

Də wəŋgla nani apsəm zeŋgille gəm də wəpel nan an gesiŋ, vi təki nasuwa nam dəsan gən dayki zəga məs azəməɗ pak abani.