2Korintus 6:4 - Nouveau Testament en Guidar

⁴ Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

Bible en Guidar

⁴ Addəv zəga pak mənam tat ərban dərəŋ na, məɗɗaŋ wəza na Maŋgəlva mənan də əɓəs diyɗa addəv tatwãhã, addəv vavyakə, addəv geslne.

2Korintus 6:4 ပူးပေါင်းရင်းမြစ်များ

Luka 21:19

Də wəsok zukum wakukoh gitin zeŋgillekum.

Yohanna 16:33

Nənah sukum pak vasna vi kərəhaŋ gən wəsuwa zam də ina də wəsler də ina. Wakəsaŋ bonoy a duniya, amma məsok mokrokum, nədayək ki duniya.

Wəza net Masləŋɗe 2:22

Munokum Israyelɗe, məpprəm wənnawəŋ ɗa: Zezu məs na Nazaret, masləŋ na Maŋgəlvayi, kəsənənka, vi awaloŋkumi Maŋgəlva arban sokene də sembe nani məs agəɗ də Zezu.

Wəza net Masləŋɗe 20:34

Munokum sən kikum kəsənənka nəgəɗək wəza sən kiwa, natər su wəray nawa də net ɗii məs dədasoŋ də ina.

Wəza net Masləŋɗe 9:16

In sən kiwa wanərban səna wazəm saha də wəza nawa.

Roma 14:18

Ɗəf məs dəgəɗ sən wəza sən Krestu də tive nani, wanek zə Maŋgəlva də zit ɗii pakə.

Roma 16:10

Məsɗan Apelles, ɗəf təstəs də wənna Krestu, məsɗet ɗii neŋgil ana Aristobulus da.

Roma 3:5

Ya an mambray məs mədaɗɗaŋ arbanək na Maŋgəlva tay təstəs ɓa, ya mbar mədaw nah kan di? Maŋgəlva tay təstəs ɓa, vi adaw taw kita akam sa? Əntatə sohon va ɗii ada sohoŋ.

Roma 5:8

Amma Maŋgəlva arban səmək va aŋgələmə, pay məsəm də mambray namə Krestu adek əmta mbamə.

1Korintus 3:5

Naway Apollos di? Naway Pol di? Nam məɗɗaŋ wəza na Maŋgəlva mənan ɗarə, ɗii gugiriɗ mənan ɓa, ɗii məs nabaah sukum kəsoŋ gən məs məkpaŋgokum kəsoŋ gən ɗii məs dətafən Maŋgəlva mənani. Ko naway suwalaŋgəm pak tayəɗɗa wəza nan məs Ɗəfdaya apsən naɗɗa.

1Korintus 4:1

Say muləm va məɗɗaŋ wəza na Krestu, va ɗii məs Maŋgəlva apansit wən məɗama nan aveti.

1Korintus 9:11

Mənamtat əslga zəzay na əmpəs amakrokum. Ya an məbələk zəga na duniya səzokum na, wən metiŋgini sa?

2Korintus 11:23

Məɗɗaŋ wəza na Krestu wəŋ sa? Say nəpel va ɗəf mitemin: Nədayək kiyit adəv wəza nani. Nədayək kiyit də əsok zu aza wəza nani, nədayək kiyit də ətoŋ a daŋgay. Nədayək kiyit də ərəh ərga. Nə dayək kiyit də ərəh wən tattuwãh namta.

2Korintus 11:27

Nəɓəsək əzəm saha nani də tattuwãh nani. Təl ɓəɓɓay nədaw saw naw nawrəh əleŋ ɓa, təl ɓəɓɓay may meme adawbaywəni. Təl ɓəɓay nədaw saw narah zəga nawzəm ɓa sam, səmnya azəm guwək saha, lukut naw tay ɓa bo.

2Korintus 11:9

Pay nədaw saw annokumda, ko də wərayu asan aza zəga zlaŋ, nəssoh dala aza ɗəf ko taka səmbokum ɓa. Vi milmiŋgiɗu məs dəzoŋ sə Makedoniya avayaŋgək zəga ha tər su wəray naw pakə. Nəŋgəl kəta nəsaw gən va doŋgol azokum ko də midi ɓa. Ko abeŋ pak nəŋgəl vas ɓa.

2Korintus 12:10

Vini, anəneken zu vi ədak nawa, anəneken zuwa an ɗii arawənka, akayanənək mawa, an gəkgrəŋ də əzəm saha arəwək vi wənna Krestu. Vi pay məs nəsaw mədakwa, dəpaski nədaw saw də sembe.

2Korintus 12:12

Wəzeɗe eŋkiŋ pak dərbanən awaloŋkum na, masləŋ nani, nərban sukumək əɓəs naw grakə, nəgəɗək sokeneɗi də wəza məs naɗɗa də sembe, amma sembe nawi ɓa.

2Korintus 2:17

Ɗii diiɗa tahəŋ ulanən əpel na Maŋgəlva va zəga naɗɗa terere. Nam mənam tatəɗɗan vanet ɓa, vi Maŋgəlva aslən məka. Mənam tatəpel də makram taka aba Maŋgəlva, va məɗɗaŋ wəza sən Krestu.

2Korintus 3:6

Ndəni dəsərəkgəm wərban wənnan minan meleketen ko aŋga pakə, wənnan dəde səza mahenziŋ məs məverin ɓa, amma səza əmpəs ade. Dawka məverin tay ka ɗəf dəmtə gəni, amma əmpəs tay ka ɗəf atəki naw koho.

2Korintus 4:17

Gesiŋ adəv bonoy mənani, amma tay tuwãh ɓa, anzi naɓa. Bonoy nan waki səm gakdak ana san ha faɗə, metiŋgini sawɓa.

2Korintus 4:2

Məsganək wəɗɗa məɗama də zəga na wil pakə. Məɗɗa wəza nan də kuket ɓa, məkpaŋgana əpel na Maŋgəlva ɓa'a. Amma mənam tatərban goŋga nan appaka ta'ə. Ko naway məzu kayan makran aba Maŋgəlva wanah na də goŋga mənani.

2Korintus 4:8

Mərahək tattuwãh na bonoy temtemi amma də as zlaŋ na wənnan dərɓəhəm ɓa. Təl ɓəɓɓay mədaw sam gərəŋ gərəŋgə, amma məppana wənna zəga məs mədawgaŋ ɓa.

2Korintus 7:11

Mula an va Maŋgəlva agəɗ sukum də əssahan zukum: Munokum tatəsokən zukum sawɓa, munokum tatə gayaŋ ka kəsoŋ gən salala məza də mambray azokum ɓa. Maɗulokum azlabka, munokum tat də geslne diiɗa, munokum tatəɗumoŋ akawa, munokum tat də əŋgla naɗɗa zəga mogoni, munokum tatəsokən zukum ətaw kita aka mambraya. Də as pak kərbanənək zukum na, salala kənanaŋ aza wənnani.

Kolosi 1:11

Maŋgəlva wasɓokum də gurom nani, də sembe nani, də gakdak nan metiŋgini kəɓəsən gən zəga pakə.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

1Tesaloniki 3:7

Vi vaski milmiŋgiɗwa, kəziweŋgək adəv wətaf nokum, ndəni asɓam adəv makram də tattuwãh namə də wəzəm saha nam pakə.

1Tesaloniki 5:14

Mənam tatərban sukum, munokum milmiŋgiɗmə, məhayet mətampəlɗe, məsəɓ sit ɗii məs makret məmtən, məbaah sit ɗii məverti, məɓəs wənnet ɗii pakə.

1Timote 2:15

Gil wakohoŋ də uwa kirni, amma say dəsoŋ də sembe aza wətafa, də wəŋgla, də wəsuwa an təstəssə, say dəsoŋ də wili.

1Timote 4:6

An kərbanək wənnəŋ sit milmiŋgiɗko, asna məgəɗ wəza na Krestu mogon kənani, vasna istatərban na, istatə zəm gən zeŋgillok də wəpel na Maŋgəlva də wətafa də zəga nawsən an də goŋga, an məs kərma wənnan də sembe.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

2Timote 1:8

Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

2Timote 2:24

Ɗəf məgəɗ wəza na Ɗəfdaya adawgay dit ɗii ɓa. Amma say dəsan ɗəf məŋgluwən azet ɗii pakə, məs dədawɓap wərban zəga sit ɗiiyi, məzuɓəs wənna.

2Timote 4:5

Amma nok na asok də maɗulok aza zəga pakə. Aɓəs bonoy noko, aɗɗa wəza narban labara neneke, agrak wəza noko.

Ibriɗe 12:1

Mənam tat dit ɗii məɗɗaŋ saydawa nam diiɗa, wənnet atuwəɗək kiyəm va ernene. Vini kana, say məsgan səm zəga məs dədawsan gədak azam pakə, say məsgan səm zəga naw sla na mambraya, məs dədawsap azam də gambara nani. Say məgrak səm wənzuwa nam naway nawgap dabəŋ di.

Hənhən 1:9

Əntə Zaŋ, məlmukum məs də sap də Zezu, əntatə daw də munokum adəv bonoy, də məlĩ namə də wəɓəsən pak məs taka də munokum. Məɗi wi aka mətuwəra məs adawyaŋ na Patmos, vi nədarban wənna Maŋgəlva də goŋga məs Zezu anahə.

Hənhən 3:10

Vi kəgak wəpel nawa də wəɓəsən, naw bo wanəguk sədəv pay na bonoy məs dədazan aka dələv pakə, vi kawsle ɗii naka dələv pakə.