2Korintus 6:10 - Nouveau Testament en Guidar

¹⁰ Tay kiyaŋ səmən wən tattuwãh, amma mənam tatənan nek pay pakə. Məgilik va məs saheŋɗe, amma mənam tatəkpeŋget ɗii meɓɓet məs aryeɗ diiɗa, mənam tat va ko mi taya vam ɓa, amma gesiŋ nam na, mənam tat də zəga pak avamə.

Bible en Guidar

¹⁰ Mədan səmi gədəvmə ya mənam tat zəm nek pay pakə, va məssehẽŋɗe, ya mənam tat əɗɗa ɗiy diyɗa ka məsaryeɗi, va zəga tay avam ɓa, ya mənam tat də zəga pakə.

2Korintus 6:10 ပူးပေါင်းရင်းမြစ်များ

Matiye 5:12

Mənneken zukum, zukum dəsan neki vi riba diiɗa tay gukum a disiŋ vaski aɗɗaŋ sitin məs kleŋɗe en dabəŋ kikum.

Matiye 5:4

Zəzay azet ɗiiyen məzuhəmaŋ vi mambray na duniya net Maŋgəlva waɓit giti.

Luka 6:21

Wakpaŋ azokum zəzaya munokum məs maay adawda kakaŋka, vi nokum wakə baŋ ba'ə. Wakpaŋ azokum zəzaya, munokum məzu həmmaŋ kakaŋka, vi wakə masaŋ ba'ə.

Yohanna 16:22

Vaski nokum tamə bo wakəssahanən zukum kakaŋka, amma wanulukum əmpa. Asna makrokum wasan neki, ha ɗəf tay nawɓap wəmoh nenek nan ɓa.

Wəza net Masləŋɗe 16:25

Tətaŋ dəfəɗa, yaŋ Pol də Silas adawzuliyaŋ, yaŋ adaw gakdakanən Maŋgəlva də gəlya, ɗii na daŋgay meɓɓet tahəŋ wəpprəməni.

Wəza net Masləŋɗe 3:6

Piyer apsəna: Seede tahəŋ avam ɓa sam, amma wampsuk zəga ana vamə: Də sembe na Zezu Krestu məs na Nazaret, əntatə nah suko: Asili adawə.

Wəza net Masləŋɗe 5:41

Masləŋɗe agilyoŋguk suweleŋgit məzu səɓaŋ, ambataŋka, zit annekik diiɗa vi Maŋgəlva aɗiyik ka ɗii məs dəgapaŋ nawzəm saha vi iya na Zezu.

Roma 11:12

Mambray net aki sitik zəzay diiɗa sit ɗii məs Yahudiyenɗeŋ ɓa, əray net aki sitik arya sit ɗii məs Yahudiyenɗeŋ ɓa. Ya va zəgay Israyelɗe pak atubiyaŋgək na, asna zəzay nan wadayki as sawɓa.

Roma 12:15

Məneken zukum dit ɗii məs zit neki, məhəmə dit ɗii məzu həmaŋ.

Roma 15:13

Maŋgəlva Affən zəga məs kədawgaŋ, dəknah sukum makrokum də wəneke də zam an təstəssə, də wətaf məs kərəhaŋ dəndən, vi kəsoŋ gən guromɗe aza zəga məs kədawgaŋ də sembe na Əmpəs Salala.

Roma 8:32

Dərma van aka Wətən ɓa, amma appanək amtək agəlam pakə, ya yas vaski na, apsəm na zəga pak dəndən ɓa sa?

Roma 9:2

Gərəŋ nan sawɓa, makraw tay troh troh pay pak vi wənnet milmiŋgiɗu dit əlfiŋgiɗwa. Va mbaguwi kəta na, anəŋglu Maŋgəlva dəray guwə gəni, də uɗakaw də Krestu vi wənneti.

1Korintus 1:5

Də Zezu Krestuwi kərəhaŋ zəga pakə, də wəpel nani, də wəsən zəga nokum adanzləran abe abe,

2Korintus 2:4

Letər məs nəver sukum dabəŋ, də sin araw diiɗa nəver sukum də gəkgrəŋ diiɗa, makraw asawək diiɗa sawɓa. Amma nəver sukum vi kəɗumoŋ gən ɓa. Nəŋgəl ərban sukum kəsənən gən na, nəŋgəlukumək sawɓa.

2Korintus 4:15

As pak adaɗɗa vasna, vikumi vi mbəlembəle na Maŋgəlva dəgap gən azet ɗii diiɗa, əŋɗa net dənzlər gəni. Vaski kan əŋɗa net ɗii məzəɗɗaŋ soko sən Maŋgəlva, dit məzu gakdakən adanzləra.

2Korintus 4:7

Əsən məs mərahəŋka, agilik va arya məzaɓani. Amma namə, məgilik va mesteɓiɗ na dəlva, vi ko naway dula gən sembe mətiŋgin məs dəde səza Maŋgəlva, məza səzam ɓa.

2Korintus 8:9

Kəsənənək mbəlembəle məs Ɗəfdaya nam Zezu Krestu agəɗ sukum. Ko də asan məs arya zlaŋ, aɗiyək zən va məs saha vi wən nokum, vi kakpaŋgokum məs aryeɗ də saha nani.

Efesus 3:16

Intatə kaman Maŋgəlva məs də gakdak diiɗa, ka dəsɓan gən mokrokum də sembe na əmpəs nani.

Efesus 3:8

Əntə dərɓe an faɗ azet ɗii na Maŋgəlva: Yas dərəŋ kana, Maŋgəlva awəl saha akawa apsuwək tive vi nəpel gən Wən Nenek nan sit ɗii məs dəsənən Maŋgəlva ɓa, vi nərban sit gən arya na Krestu diiɗayi ka səni ɓa.

Filipi 2:17

Ya an zəŋgiləw taya zokum va mbel na sazlaga ka meŋgeslin aka wətaf nokum aba Maŋgəlva, an vini gesiŋ na zu anneki wanəsapan wənek nokum.

Filipi 4:4

Mənneken zukum də Ɗəfdaya, əntatə nah sukum əmpa mənneken zukum.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

Kolosi 3:16

Məppan labara na Krestu dəknah makrokum, mərban wənnan awlaŋ zukum, məbaah sən zukum də zəga naw səna də maɗula pakə. Məgakdakan Maŋgəlva də gəlya də wəsoko də makrokum, məyə sən gəlya an na Zabura naɗi kini də gəlya an Əmpəs apsukum.

1Tesaloniki 1:6

Kəsbanənək wədaw namə də na Ɗəfdaya. Ko kəzəmaŋgək saha diiɗa də aspak kərmanənək wənnan də wənnek məs Əmpəs Salala apsukum.

1Tesaloniki 5:16

Məneken zukum pay pakə.

1Timote 4:8

Wəɗi ki zə ɗəffa wətər wəray nan suɗikeyi, amma geslne na Maŋgəlva watər wəray ko aza zəga pakə. Wapsəm zeŋgille kakaŋka, də adəv pay məs dədazani.

1Timote 6:18

Anahsiti, dəɗɗaŋ gən mogoni, wəza dəsan gən arya neti dəsoŋ məzuvəlaŋ, də əbaahaŋ sitin ɗii meɓɓet də arya neti.

Ibriɗe 10:34

Makrokum assokumək vi məke ɗii meɓɓet a daŋgay. Yaŋ meheleŋɗe ahalən arya nokum, də as pak kəɓəsənək wənani, vi kəsənənək na apəl sukumək zəga an mogoni day pakə an məs kədawgaŋ.

Yakob 2:5

Milmiŋgiɗu na makrawa, məpak sləmokum amba wəpel nawa. Maŋgəlva awelik məs saheŋɗe na zəga na duniya dəsoŋ gən məs aryeɗ də wətaf Zezu Krestu: Vi dəsoŋ gən adəv məlĩ na Maŋgəlva va an məs anah na wapsit ɗii məs dəŋgluwəni.

1Piyer 4:13

Amma məneken zukum, vi kəsapaŋgək də Krestu adəv wəzəm saha nani, kərəhaŋ gən wənneken zukum, pay adarban zən də gakdak nani.

Hənhən 2:9

Nəsənək bonoy noko də saha noko, amma məs arya kənani, nəsənək mbrayen net ɗii məs dədaw ɗiyən zit va Yahudiyenɗe adawpeleŋ akoko, amma Yahudiyenɗeŋ ɓa, net ɗii məsbanən Satan nəŋgə.

Hənhən 21:7

Ɗii məs dədaw dayaŋ, aski nədapsiti, wanəsaw Maŋgəlva neti, wasoŋ kirtuwa.