2Korintus 6:1 - Nouveau Testament en Guidar

¹ Namə məɗɗaŋ wəza də Maŋgəlva mənani. Vini məda komokum: Kərəhaŋgək mbəlembəle na Maŋgəlva, məzi zukum adawza səvokum ɓa.

Bible en Guidar

¹ Adan mənam tat aka wəza dəndəni. Mənam tat əkkamokum ka kədappanən mbəlembəle Kərəhaŋ səza Maŋgəlvaŋ əddan fit ɓa.

2Korintus 6:1 ပူးပေါင်းရင်းမြစ်များ

Matiye 23:37

Midi, Zerusalem, Zerusalem, kəbeyək məs kleŋɗe, kəskek mesliŋɗe na Maŋgəlva dit kuneŋge. Nəgayək wəkkelet ɗii nok təl diiɗa, va gəmnda ada kelet kirtin amba perslekeni, amma kəŋgereŋ ɓa.

Wəza net Masləŋɗe 11:23

Adan Barnabas agapə, awlak va Maŋgəlva agəɗ zəzay sit ɗii veti, zən anneke, yaŋ asəɓ sit na, say dəsənən Ɗəfdaya də goŋga də makret taka.

Wəza net Masləŋɗe 14:3

Masləŋɗe avoŋgoŋguk adak sawɓa. Arbanənək wənna Ɗəfdaya məza də geslne ɓa. Ɗəfdaya bo arbanək na zəga məs adarbaŋgəŋ na gesiŋgi, də wəpsit mbəlembəle də sembe naɗɗa sokeneɗi.

Roma 12:1

Milmiŋgiɗwa, Maŋgəlva arban səmək ula saha nan akam diiɗa. Vi wənnəski, ndəni məkomokum məpsən ki zukum sən Maŋgəlva də wəgəɗ sən wəza. Aski wəpsən zəga an nenek zəni.

1Korintus 3:9

Sula gəm pak ɗii məɗɗaŋ wəza na Maŋgəlva mənani, munokumtə guli na Maŋgəlva. Də wən məkpaŋga maɓɓan bo: Munokumtə bo gəla na Maŋgəlva.

2Korintus 10:1

Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.

Galatiyen 2:21

Nəzelenna mbəlembəle na Maŋgəlva ɓa, an əsuwa təstəs aba Maŋgəlva tay də ma henziŋ na, asna wəmta na Krestu dətər wəray ɓa.

Galatiyen 3:4

An məs dəgəɗ sukuməŋ na ɗar mekeleŋ sa? Tuwãhi zəga metiŋgin vaŋ də san gən ɗar mekeleŋ.

1Tesaloniki 3:5

Vini nəɓap wəɓəsən ɓa nəslənək Timote, vi nəsən gən wən nataf nokum, nam mənah na kuzuŋ Satan arokokumək soko, vi wəza nam adawsan ɗar mekeleŋ ɓa.

Titus 2:11

Yaŋ Maŋgəlva akos ki mbəlembəle nani, vi kawkoh git ɗii pakə.

Ibriɗe 12:15

Məzi zukum ɗəf səmbokum adawmilyan dərɓe ɓa, kapan mbəlembəle na Maŋgəlva ɓa. Məzi zukum ɗəf səmbokum adawsan va gaslamba tattrah məzu ɓaya, kawzəm git saha net ɗii də muwən nan ɓa.

Ibriɗe 12:25

Vi wənnani, say məzi zukum kədawɓoŋgoŋ dapprəm ma məzu pel sukum wənnan kakaŋ ɓa. Məzu ɓoŋgoŋ dapprəm ma məzu pel wənna Maŋgəlva aka dəlva, akoh na səma kita ɓa. Ya mbari nam kandi, waməkoh kan an məpprəm ma ɗəf məzu pel daga sə disiŋ ɓaŋ sa?

Ibriɗe 4:1

Maŋgəlva anahək na wapsəm tive nawtoŋ atəki naffet nani. Say məzi səm zəmə, vi ɗəf səmbam adawbew ko taka dawtoŋ atəki naffet nan ɓa.

1Piyer 4:10

Ko naway dəzi zən aza əvəl məs Maŋgəlva apsəni, də baah sit gin ɗii meɓɓet dəndən, də wəɗɗan vaski kədaw ganən əvəl məs Maŋgəlva apsukum temtemi.