2Korintus 5:21 - Nouveau Testament en Guidar

²¹ Krestu dəgəɗ mambray ɓa sam. Amma Maŋgəlva aɗiyək mambray nam pak akani, vi mərah gən əsam təstəs aba Maŋgəlva də əsap nam də Krestu.

Bible en Guidar

²¹ Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

2Korintus 5:21 ပူးပေါင်းရင်းမြစ်များ

Luka 1:35

Maslay apsət na: Əmpəs Salala* wadekoko, sembe na Maŋgəlva an dəday pak wadekok va zeŋgille. Vi vaski wiyən məs kəl dawa, kaw yani na salala* gəm Wətən Maŋgəlva*.

Wəza net Masləŋɗe 3:14

Kəppanənək ɗəf məs salala məs təstəssə, yaŋ kəssohonən Pilatu dəppan sukum gən məbay gəbaya.

Roma 1:17

Vi də Labara Nenek vani Maŋgəlva arbana də wətafi ɗəf adawsan təstəs abani, daga wətəŋ nani, ha gap wəgrak nani: Va məverin adəv ɗerewel anah na: Say də wətafi ɗəf adawsan təstəs aba Maŋgəlva, ɗəf nan wasan də zeŋgille vi ətaf nani.

Roma 4:25

Maŋgəlva apanək amtəka, vi mambray namə. Asil gənək səkəti əmta, ka məsam gən təstəs aba Maŋgəlva vini.

Roma 5:19

Ɗii diiɗa akpaŋgaŋgək məɗɗaŋ mambraya, vi ɗəf taka dəŋger wəpprəm ma Maŋgəlva ɓa. Vas bo ɗii diiɗa wasoŋ təstəs aba Maŋgəlva, vi ɗəf taka apprəm ma Maŋgəlva.

1Korintus 1:30

Maŋgəlva asapokumək aza Zezu Krestu, aɗɗak Zezu Krestu ka əsən namə. De Zezu Krestuwi məkpaŋ ɗii təstəs aba Maŋgəlva, akəmək ka mə sam gən ɗii na Maŋgəlva, vi amamək səma əmta.

2Korintus 5:17

Ko naway an asapək də Krestu na, akpaŋgək ɗəf meleketeni. Zən va asan lahəŋ pak atrayka, zəga pak akpaŋgək meleketeni.

Galatiyen 3:13

Krestu akpaŋgək məray gən agəlamə, azargəmək səma wəray na ma henziŋ. Va an məverin anah na: Ko naway məlawən aka wəlaŋga məray gəni.

Efesus 5:2

Say kəɗɗanən gən də əŋgla. Muɗumon va Krestu aŋgələmə, apanək ki zən vimə, ka sazlaga mətaw wəlan aba Maŋgəlva dəfok gən nek akani.

Filipi 3:9

Say wəsap də ndən kaaka nədaw kayani. Nəkayna ɗaah təstəs aba Maŋgəlva sən kiyu də wənna ma henziŋ ɓa. Amma əntatə kay əsso təstəs aba Maŋgəlva də ətaf Krestu, asna wanəsaw təstəs aba Maŋgəlva.

Ibriɗe 4:15

Daya net məs dəlveŋge nam waɓap ula saha akamə vi wəvir namə, vi nani mərakani va nam pak dakadaka, amma nan dəgəɗ mambray ɓa.

Ibriɗe 7:26

Zezuwi məs dələv metiŋgini, də sembe nawtər səm wəray nam pakə. Salalayi*, mambray taya zan ko suɗike ɓa, awɗakək dit məɗɗaŋ mambraya, məslani a disiŋ ki disiŋ.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

1Yohanna 3:5

Kəsənənka Zezu Krestu ade a duniya na, vi kaviyan mambray nami, nan mambray taya zan ko taka ɓa.