2Korintus 5:18 - Nouveau Testament en Guidar

¹⁸ Zəgas pak Maŋgəlva dəɗɗa, ndəni apan wənnan avamə, ka məpel gən labara nani. Lahəŋ mənam tat va maseŋgiɗni, amma də Krestuwi aɗɗa əsler namə.

Bible en Guidar

¹⁸ Zəgeɗ pak səza Maŋgəlva azzoŋgu, ndəni dəslerem dəndə zək nan də Kristu gəm apsəm wəza nawslergit ɗiyi.

2Korintus 5:18 ပူးပေါင်းရင်းမြစ်များ

Luka 10:5

Gəla məs kəl toŋgoŋ pakə, mənah tagay na zam wasan adəv gəlaŋka.

Luka 24:47

vi dərbanən gən wənna tubi na viyan mambray dərbə gən azet ɗii pak də iya nani, dətəŋ daga sə Zerusalem.

Yohanna 3:16

Maŋgəlva aŋgluwək duniya sawɓa. Vini apsən Wətən an taka nani. Ko naway dətaf Wətənəŋka, azə naɓa, amma warah wəkoh an nassa ha faɗə.

Yohanna 3:27

Zaŋ azlanəka: Ɗəf tay nawrəh ko mi ɓa say an Maŋgəlva dəpsəni.

Wəza net Masləŋɗe 10:36

Kəsəŋ gənək wən məs asləŋ sit ɗii na Israyel, arban sitik labara nenek ziti, va wənah na zam adek də Zezu Krestu Ɗəfdaya net ɗii pakə.

Roma 11:36

Maŋgəlva azəməɗək zəga pakə, səzani zəga pak ade azani adaw milyoŋ pakə bo. Gakdak pak na Maŋgəlvayi ha faɗə. Amin!

Roma 5:1

Maŋgəlva akpaŋgamək təstəs abani, vi mətaf wənnani. Kakaŋ na, məslerik slorɗok dəndən vi wənna Ɗəfdaya nam Zezu Krestu.

1Korintus 1:30

Maŋgəlva asapokumək aza Zezu Krestu, aɗɗak Zezu Krestu ka əsən namə. De Zezu Krestuwi məkpaŋ ɗii təstəs aba Maŋgəlva, akəmək ka mə sam gən ɗii na Maŋgəlva, vi amamək səma əmta.

1Korintus 11:12

Va guluk təde səza ɗəf mizilin, vaski bo ɗəf mizilin dət guluk muwani. Amma ndəɗaŋ sulegit pak səza Maŋgəlva məs dəɗɗa zəga pak azoŋ.

1Korintus 12:6

Sembe naɗɗa wəza nan tay temtemi, amma Maŋgəlva məs takayi dədapsən ko naway va aza sembe nani.

1Korintus 3:5

Naway Apollos di? Naway Pol di? Nam məɗɗaŋ wəza na Maŋgəlva mənan ɗarə, ɗii gugiriɗ mənan ɓa, ɗii məs nabaah sukum kəsoŋ gən məs məkpaŋgokum kəsoŋ gən ɗii məs dətafən Maŋgəlva mənani. Ko naway suwalaŋgəm pak tayəɗɗa wəza nan məs Ɗəfdaya apsən naɗɗa.

1Korintus 8:6

Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.

Kolosi 1:22

Amma kakaŋ kana, Maŋgəlva sən kiyən azaɓanək wən nokum, də Wətəni, akpaŋgək ɗəffa, amtəka, vini kan kəkpaŋgaŋ ɗii nan təstəssə məza də mambray azokum ɓa.

Ibriɗe 2:17

Dewle say dəgil gən va milmiŋgiɗni adəv zəga pakə, vi dəsan gən daya net məs dəlveŋge, an də goŋga də ula saha adəv wəza nan pak aba Maŋgəlva, vi ɗii dərəhaŋ gən wəviyan mambray neti.

Yakob 1:17

Əvəl mogoni də an Maŋgəlva adapsəmə, pak sə disiŋ ade, zəga nan səza Maŋgəlva ade, məs dəzəmiɗ zigeɗ məzu kasakaŋ pak a disiŋ. Maŋgəlva nan akpaŋ na ɓa, va zigeɗis ada kpaŋgaŋ wəpanən guzli ɓa.

1Yohanna 2:2

Zezu Krestuwi dəmtə vimə vi Maŋgəlva də viyan səmə gən mambray namə, vi mambray nami kaaka ɓa, amma də mambray net ɗii naka dələv pakə.

1Yohanna 4:10

Aski wəŋgla, mənamtə məŋglu Maŋgəlva dabəŋ ɓa, amma Maŋgəlva dəŋgələm dabəŋ, aslənək Wətəni vi də viyan səmə gən mambray namə.