2Korintus 5:14 - Nouveau Testament en Guidar

¹⁴ Krestu arban səmək əŋgla nani, əŋgla nan vani ndəni dasan ka wəza nam pakə. Gesiŋ məsənək na, an ɗəf taka amtək agəlet ɗii pakə,

Bible en Guidar

¹⁴ Vi əŋgla na Kristu tay əhumsukmə, mənam məs məsən gesiŋ na: Ɗəf taka amtək a gəlet ɗiy pakə, vas kan na hara əmta net ɗiy pak addəvni.

2Korintus 5:14 ပူးပေါင်းရင်းမြစ်များ

Matiye 20:28

Ko Wətən dəffa dəde vi ɗii dəɗɗaŋ sənəŋ gən wəza ɓa, amma vi dəgəɗ gən wəza sit ɗiiyi, apanək zeŋgillen vi kawkohgit ɗii diiɗa.

Luka 15:24

vi wiyən məs dəmtə kəta naka amma asilke, məzani laŋka amma mərahni. Atəŋgaŋgək wənneken ziti.

Luka 15:32

Aslək mə parə gən zəmə, məneken gən zəmə, vi mulmukuŋka, amtək kəta asilke, azək kəta, ya mərahni.

Luka 24:29

Ayanənək də wənah na: Asok də mənamə, vi pay tay ɓa, dəfɗi kana. Atoŋko kawsan dənɗaŋ.

Yohanna 1:29

Yaŋ vit pumpum nani, Zaŋ awlak Zezu dazan azani, amna: Andaki botol na Maŋgəlva naw gəm mambray na dəlva.

Yohanna 11:25

Zezu apsət na: Əntə wəsilya səka əmta, nawsil git ɗii məs dəmtaŋ dəsoŋ gən madereti. Ko naway dətafwa wasan madarani, ko an amtəka.

Yohanna 5:25

Gesiŋ nədawnah sukum: Pay nan wade, agəɗək səkay kana, ha ɗii məmtit wapprəmən wəla Wətən Maŋgəlva*, ɗiiyen dəpprəmən pak wasoŋ medereti.

Wəza net Masləŋɗe 18:5

Adan Silas də Timote azoŋ sə Makedoniya, Pol apanək wərmah gəla na gabaga, vi karban wənna Maŋgəlva pay pakə. Arban sitik Yahudiyenɗe na Zezuwi Messiya*.

Roma 2:2

Məsənka kita məs Maŋgəlva adataw aket ɗii məɗɗaŋ zəv wəza vaskəŋka, kita nan də goŋgay.

Roma 5:15

Wən an Adam aray gənəŋ asləna də əvəl na Maŋgəlva na mekeleŋgəŋ məs avəl də ɗəffəŋ ɓa. Gesiŋ ɗii diiɗa amtaŋgək vi mambray na ɗəf taka. Amma mbəlembəle na Maŋgəlva dəday kiyən əmpa də diiɗa, vaski kan avəlsit ɗii diiɗa vi wənna ɗəf taka ndəni Zezu Krestu.

Roma 6:13

Kədapanən mambray dəɗɗe gin zigeɗ naza zukum ɓa, ka zigeɗ naɗɗa wəza na mambray ɓa. Amma məpsən zukum sən Maŋgəlva dərəŋ, vi kəgulyoŋguk səza əmta, kətoŋgoŋguk atəki nawkoho. Məppan Maŋgəlva dəgəɗ wəza dit zigeɗ naza gəɓa zukum, va zigeɗ naɗɗa wəza an təstəssə.

Roma 6:6

Məsənka, ɗəffan na dəvəm məsam dabəŋ dəndən na, amtək də Krestu aka wəlaŋga məzliwrihe, vi gəɓa zəm an də mambray dəzə gən kuɗupu, va wənah na an məs mambray aday kiyən, vi mədaw sam balemɗe na mambray əmpa ɓa.

1Korintus 16:22

An ɗəf dəŋglu Ɗəfdaya də makran taka ɓa, wasan məray gəni! Maranata - Ɗəfdaya nam ade!

1Korintus 2:14

Ɗəf an tay də Əmpəs na Maŋgəlva ɓa, aɓap na ətaf wən an gesiŋ məs Əmpəs na Maŋgəlva adarban ɓa. Aza ɗəf nan na zəga na dərway, aɓəsna əpprəm gabba wənnan ɓa, say Əmpəs na Maŋgəlva dədarban sən ɗəffa, dəpprəm gən gabbani.

2Korintus 3:7

Dawka nani məverin də mamasin aket zigeɗ naw ver net kuneŋge. Pay nan dəpaska gakdak na Maŋgəlva arbanək zəni. Aba Moyis akasakə, ha kirtit Israyelɗe dəɓapən əɓəs ula əkasak nan ɓa. Nan dərəŋ wakgrakə. An wəza na dawka məzuki əmta tay də gakdak vaska.

2Korintus 3:9

Wəza nan məzuka ɗii əsbər git adəv kita dərəŋ tay də gakdaka, mbək məzuki əsuwa təstəs aba Maŋgəlva sit ɗii dərəŋ sa.

Galatiyen 2:20

vi nədaw saw madaraw sən kiyu ɓa, amma Zezu də ɗiyu madarawa. Zeŋgille ana gəɓa zu nəsaw dəndən kakaŋka, əntatə saw də wətaf aza Wətən Maŋgəlva*, an məs dəŋgəluwa, appanək zeŋgillen viwa.

Efesus 6:24

Mbəlembəle na Maŋgəlva dəsan aket ɗii məs dəŋgluwən Ɗəfdaya nam Zezu Krestu də əŋgla məs awray ɓa.

Kolosi 2:13

Laŋka Maŋgəlva tayulukum va məmtukum, vi wənna mambray nokum, vi Krestu dəɓəl wəskəlkum awra tagay ɓa. Amma kakaŋ na Maŋgəlva aməs kəmbəl gukum, sap də Krestu aviyan sukumək mambray nokum pakə.

Kolosi 3:3

Ya kəmtaŋka zeŋgillekum bo məɗamani də Krestu aza Maŋgəlva.

1Timote 2:6

Apanək ki zəni vi kawgil git ɗii səka balam pakə. Vaski aɗɗa saydawa aka an Maŋgəlva aŋgələ də pay məs Maŋgəlva aɗiyə aŋgəl ɗii pak dəkohoŋ gəni.

1Timote 5:6

Amma guluk na gəbay məza kay wəsuwa adəv nenek na duniya, nat məmtətə, ko vi təsat madarat zlaŋ.

Titus 3:3

Vi nam bo lahəŋ na mənam tat zigeɗ dəɗerɗe, mawɓe' sit ɗii ɓa, məray gənən wənna, balemɗe na wəsim zəga temtem mənani, an naneken zə ɗəffa, məs darawɗe mənani məsimeŋ zəga mənani, tahəŋ wəzelmə, mənam tatə zeleti.

Ibriɗe 2:9

Amma mulak va Maŋgəlva agəsan Zezu amba tilit maslayɗe pay suɗike, vi Zezu amtək viyit ɗii pakə, dəndən ni kan merah mbəlembəle na Maŋgəlva, kakaŋ na Zezu arahək gakdak də wəɗi kini, vi bonoy məs assə də əmta nani.

Ibriɗe 6:10

Maŋgəlva məs də goŋgayi, asgət na ki wəza nokum ɓa, walla wənna əŋgla nokum məs kərbaŋ sənən də wəbaah sit ɗii məs dətafaŋ, milmiŋgiɗ kuməŋ, munokum tatəbaahaŋsit kakaŋka'a.

1Piyer 1:8

Kəŋgluwənka ko kulanən ɓa, kətafənka ko kulanən kakaŋ ɓa. Vini kəda nekenən zukum də wənnek diiɗa, məs kawɓapi əpel wənnan ɓa.

1Yohanna 5:19

Məsənka nam na Maŋgəlva menani, ɗiiyen dəpaŋ egge pak net ava Satan nəŋ.