2Korintus 5:1 - Nouveau Testament en Guidar

¹ Məsənka, an gəla nam kakaŋkəŋka, va wənah na gəɓa zə ɗəf məs dəlva fuŋ an aɓəslka, gəla nam maɓɓan taya disiŋ. Maŋgəlva sən kiyən dərka. Gəla nan wasan ha faɗə.

Bible en Guidar

¹ Vi məsənka, an gəla nam naka dələv məs gizlirke ɗarəŋ arayka, mənam tat də an Maŋgəlva arkə, gəla məs mərkan də va ɗəfi ɓa, nan tay faɗ a disiŋ.

2Korintus 5:1 ပူးပေါင်းရင်းမြစ်များ

Markus 14:58

Məpprəmək anahək na: Wanəɓzlu gəla metiŋ naw zuliya* məs ɗii arkaŋ də veti, pay hoku wanərka maɓɓani məza də vet ɗii ɓa.

Wəza net Masləŋɗe 7:48

Amma Maŋgəlva daya na disiŋ awsan adəv gəla mərkan də vet ɗii ɓa, va məs kleŋ anah na:

1Korintus 3:9

Sula gəm pak ɗii məɗɗaŋ wəza na Maŋgəlva mənani, munokumtə guli na Maŋgəlva. Də wən məkpaŋga maɓɓan bo: Munokumtə bo gəla na Maŋgəlva.

2Korintus 4:7

Əsən məs mərahəŋka, agilik va arya məzaɓani. Amma namə, məgilik va mesteɓiɗ na dəlva, vi ko naway dula gən sembe mətiŋgin məs dəde səza Maŋgəlva, məza səzam ɓa.

2Korintus 5:4

Daga mədaw sam madaram adəv gəɓa zəm na dəlvəŋka, mənam tatənɗəsa mənam tatəzəm saha. Mawnger əgbuk gəɓa zəm annamtaŋ ɓa, ya mamaka ugul gəɓa zəm an nawsan ha faɗə, dəsɗəkə gən an namta.

Kolosi 2:11

Də əsap dəni mərəh zev wəskəl awra maɓɓani. Amma wəskəl awra nan də wərəŋ gən gəɓa zə ɗəffi ɓa, amma wəskəl awra məs dəde səza Krestu. Wəskəl awra nan tay va wəskoɓ mambray məs də sembe aka gəɓa zukum.

2Timote 1:12

Vini nədawssaa bonoyəŋka. Amma bonoy nan geslne duna sən ɓa, vi nəsənək an məs nətafə gesiŋgi də sembeyi nawga məs avayə, ha gap pay na kita adazani.

Ibriɗe 11:10

Abraham tayəga walaŋ gəla metiŋ məs Maŋgəlva averi, arkə gəla məs məɗi gabban mogoni nasan ha faɗə.

Ibriɗe 9:11

Amma kakaŋka na Krestu adeke. Ndəni daya net məs dəlveŋge aka zəga mogon məs dəde səm kakaŋka. Tayəɗɗa wəza adəv gəla na gabaga nalma* an dədayki an lahəŋ də metiŋgin də mogoni. Də vet ɗii məɗɗa gəla nan ɓa, va anah na, səka dəlvəŋki ɓa.

Ibriɗe 9:24

Vi Krestu dətoŋ atəki salala məs məɗɗan də vet ɗii ɓa, va wənəh na foto ɗar mekeleŋ. Amma atoŋguk a disiŋ, aziwik aba Maŋgəlva kakaŋ vimə.

1Piyer 1:4

Məneken səm zəm vi zəga naw zəm gəla, an məs Maŋgəlva aɗi sit ɗii nani, zəga nan aŋgənna ɓa, haramba arma azan ɓa, awrayɓa, wasan ha faɗə. Maŋgəlva azaɓan a disiŋ na vikum.

2Piyer 3:11

Adan zigeɗ pak wazaŋ vaska, kəsənənək va kədasoŋ. Say məsoŋ adəv salala, məsban Maŋgəlva də goŋga.

1Yohanna 3:14

Məsənka məzarək səza əmta mətoŋguk adəv zeŋgille. Məsən vasna, vi məŋglu milmiŋgiɗmi. Ɗəf məzel məlməni, nan dəɓəl wəzar sətəki namta ɓa.

1Yohanna 3:19

Vaŋki mədaw sənən na mənam tata dəv goŋga, məgeslne na dawziw aba Maŋgəlva ɓa.

1Yohanna 3:2

Bayneŋgiɗwa, kakaŋ na kirtin Maŋgəlva mənani, an va mədakpaŋ səɓan abe na məsən tagay ɓa. Amma məsənka pay Krestu adazan na, waməsam va ndəni, vi mulak va asani.