2Korintus 4:7 - Nouveau Testament en Guidar

⁷ Əsən məs mərahəŋka, agilik va arya məzaɓani. Amma namə, məgilik va mesteɓiɗ na dəlva, vi ko naway dula gən sembe mətiŋgin məs dəde səza Maŋgəlva, məza səzam ɓa.

Bible en Guidar

⁷ Ya mənam tat də əzaɓ na sləmas addivit mesteɓeɗ na dəlva, vi əɓap mətiŋgəs dəsangən səza Maŋgəlva, məza səzam ɓa.

2Korintus 4:7 ပူးပေါင်းရင်းမြစ်များ

Matiye 13:44

Məlĩ na Maŋgəlva agilik va arya məɗaman adəv gulyo. Ɗəf arəhəka, aɗamanək əmpa, zən annekək diiɗa, ambatka, avələk zəga nan pak vi kalbəh guli nani.

Matiye 13:52

Yaŋ Zezu anah sit na: Vi vaski ko naway məsən zəga na ma henziŋ məzu ɓesən məlĩ na Maŋgəlva, agilik va affən gəla, məzu gilgit zigeɗ meleketeti gəm zigeɗ məsvet səki wəzaɓ zəga nani.

Yohanna 16:33

Nənah sukum pak vasna vi kərəhaŋ gən wəsuwa zam də ina də wəsler də ina. Wakəsaŋ bonoy a duniya, amma məsok mokrokum, nədayək ki duniya.

1Korintus 1:28

Maŋgəlva awelik an duniya adawla va zəga ɗarə, an nawzeleni an adawla mekeleŋ ɗar arani, vi kawzan an duniya adawla va zəga tekteki.

2Korintus 10:10

Vi ɗii meɓɓet tahəŋ ənəhaŋ na letərɗe na Pol gədakəŋ, də sembeŋ. Amma an ɗəf nan tay matak də mənam na mədakni, əpel nan pak bo ɗari.

2Korintus 13:4

Pay məs amtə aka wəlaŋga məzliwrihe, pay nani mədakni. Amma kakaŋ na madarani də sembe na Maŋgəlva. Vi wənna əsap nam də Krestu məddakəm mənani. Amma akulanən məda sam madaram dəndən vi wənna sembe na Maŋgəlva.

2Korintus 4:1

Maŋgəlva awlak səsahmə, apanək wəzaŋ avamə. Vini kana geslne dəmna ɓa.

2Korintus 5:1

Məsənka, an gəla nam kakaŋkəŋka, va wənah na gəɓa zə ɗəf məs dəlva fuŋ an aɓəslka, gəla nam maɓɓan taya disiŋ. Maŋgəlva sən kiyən dərka. Gəla nan wasan ha faɗə.

2Korintus 6:10

Tay kiyaŋ səmən wən tattuwãh, amma mənam tatənan nek pay pakə. Məgilik va məs saheŋɗe, amma mənam tatəkpeŋget ɗii meɓɓet məs aryeɗ diiɗa, mənam tat va ko mi taya vam ɓa, amma gesiŋ nam na, mənam tat də zəga pak avamə.

Efesus 2:5

nam bo, ko məmtəm mənan vi mambray namə, ambəl gəmək də Krestu də mbəlembəle kədaw kohoŋ.

Efesus 3:8

Əntə dərɓe an faɗ azet ɗii na Maŋgəlva: Yas dərəŋ kana, Maŋgəlva awəl saha akawa apsuwək tive vi nəpel gən Wən Nenek nan sit ɗii məs dəsənən Maŋgəlva ɓa, vi nərban sit gən arya na Krestu diiɗayi ka səni ɓa.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

Kolosi 2:12

Adan kərəhaŋgək baptem, kəkpaŋgaŋgək va məndəkkum də Krestu. Dəndəni kədawsilyoŋ sətəki əmta də zeŋgille meleketeni, vi kətafən sembe na Maŋgəlva məs asil gən Krestu sətəki əmta.

Kolosi 2:3

An məs ɗəf adawɓap wəsənən aka Maŋgəlva warəh aza Krestu pakə.

1Tesaloniki 1:5

Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

1Tesaloniki 4:4

Ko naway dəsən gən va adawsan dət guluk nan də təstəssə də wəɗikita.

2Timote 2:20

Tasawiɗ dit mesteɓeɗ temtem tahəŋ adəv gəla, metiŋgini. Meɓɓeti na təbəs net deleɗi, meɓɓeti na təbəs na meleŋge, meɓɓet bo na wəlaŋga, meɓɓet tamə na dəlva. Məɗɗeti vi dəsoŋ gən zəga na sləma, meɓɓet bo vi kaɗɗa zəga ɗarɗarə walla kesgeti.