2Korintus 4:15 - Nouveau Testament en Guidar

¹⁵ As pak adaɗɗa vasna, vikumi vi mbəlembəle na Maŋgəlva dəgap gən azet ɗii diiɗa, əŋɗa net dənzlər gəni. Vaski kan əŋɗa net ɗii məzəɗɗaŋ soko sən Maŋgəlva, dit məzu gakdakən adanzləra.

Bible en Guidar

¹⁵ Vi zəgeɗis pak vikuməŋ ka mbəlembəle dəɓaygəni, dənzlərgənəgən əɗɗa soko net ɗiy diyɗa sən gagdak na Maŋgəlva.

2Korintus 4:15 ပူးပေါင်းရင်းမြစ်များ

Roma 8:28

Məsənka an ɗəf aŋgluwək Maŋgəlva, asna zəga məs Maŋgəlva agəɗ pak wasan zəga mogon azani, an məs Maŋgəlva aɗum sən də əŋgla nani.

1Korintus 9:19

Naw balam nan ɓa, na ɗəf nan ɓa bo. Amma nəɗɗak zu va balam net ɗii pak vi nərah gən vadaysa net sən Krestu.

2Korintus 1:11

Nokum bo, munokum tatə baah səmən də əzuli nokum. Ɗii diiɗa tahəŋ əzuliyaŋ vimə, Maŋgəlva bo wapprəmsiti, wagəɗ səm mogoni, vi ɗii diiɗa dəɗɗaŋ gən soko sən Maŋgəlva vimə.

2Korintus 8:19

Ɗii na Maŋgəlva awelinka ka dəlham gən pay məs mədawka zəga məs məkkalan nak a Zuda. Mədaɗɗa wəza nan na, ka gakdakan Ɗəfdaya, də ərban əɗum nan nabaah sit ɗii meɓɓeti.

Galatiyen 1:24

Agakdakanənək Maŋgəlva viwa.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

1Timote 1:14

Amma Ɗəfdaya nam agul suwək mbəlembəle nan diiɗa sawɓa, avay suwək wətafa də wəŋgla məs dəde də wəsap nam də Zezu Krestu.

2Timote 2:10

Intatə ɓəsən pak viyit ɗii məs Maŋgəlva aweli, vi net bo dərəhaŋ gən wəkoho də gakdak nasan ha faɗə də Zezu Krestu.

1Piyer 2:9

Amma nokum munokumtə əlfa an muwelin, munokumtə məs dəlvəŋge na məlĩya, ɗii yen salala, na Maŋgəlva kənanaŋ. Agil gukumək səra guzliyo, akukumək ara təki babar nan nagət akani. Awel kumuko ka kəpelin gən wənna wəza nan məs mogonəŋka.

1Piyer 4:11

An ɗəf wapeli, say dəpel wənna Maŋgəlva. Ɗəf maɓɓan məgəɗ wəza sən ɗəffa, dəɗɗa də sembe məs Maŋgəlva apsənəŋka, an məs kədaɗɗaŋ pak say dəsan naw gakdakan Maŋgəlva də Zezu Krestu. Sembe pak nani də gakdaka ha faɗə. Amin.