2Korintus 4:14 - Nouveau Testament en Guidar

¹⁴ Maŋgəlva asil gənək Ɗəfdaya nam Zezu səkəti əmta. Məsənka wasil gəm anam tama'a, də Zezu səkəti əmta, waziw gəm də munokum pak abani.

Bible en Guidar

¹⁴ Məsənək na məs dəsilgən Daya Yesu səka əmta wasilgəmə'e də Yesu, waziwgəm də munokum pak azani.

2Korintus 4:14 ပူးပေါင်းရင်းမြစ်များ

Luka 21:36

Vi vaski məfɗaahə, məzuli pay pakə, vi kərəhaŋ gən sembe nawkoh səmet zigeɗ dədazoŋgis pakə, kə ziwəŋgin aba Wətən Ɗəffa.

Wəza net Masləŋɗe 2:24

Amma yaŋ Maŋgəlva asil gən sətəki net ɗii mimtiti, yaŋ akoh gən səma wəssiya na əmta, vi əmta tay də sembe narman ɓa.

Wəza net Masləŋɗe 2:32

Zezu wəŋka Maŋgəlva asil gənək səzet ɗii mimtiti, mənam pak mənam tatəɗɗa saydawa aka wənnani.

Roma 8:11

Maŋgəlva asil gənək Krestu səkəti əmta. An Əmpəs nan taya makrokum, asna wandəf gən sukum gəɓa zukum məs dəmtə də Əmpəs nani.

1Korintus 6:14

Maŋgəlva asil gənək Ɗəfdaya sətəki əmta, nam bo wasil gəm sətəki əmta də sembe nani.

2Korintus 11:2

Intat də kotorok nokum amakraw va Maŋgəlva asan dəndən. Munokum tat va waŋ gorku, məs tinan wənnan sən ɗəf taka naw ɗiyən ka zilta, ndəni Krestu. Nəŋgəl kawkət sənət goruk məs təstəssə.

Efesus 5:27

Manaka wəkpaŋget ke ɗii na Maŋgəlva va ndən də mogon nan pakə, məza də mambray ɓa, ko darnyaw awandi pak taya zet ɓa. Amma salalaŋ, lewleweŋ məza də gəla voɗoko azet ɓa.

Kolosi 1:22

Amma kakaŋ kana, Maŋgəlva sən kiyən azaɓanək wən nokum, də Wətəni, akpaŋgək ɗəffa, amtəka, vini kan kəkpaŋgaŋ ɗii nan təstəssə məza də mambray azokum ɓa.

Kolosi 1:28

Ndəni kan mədawpel wənna Krestu wəŋ sit ɗii pakə. Mənam tatəsakan sit wənnani, də wərban sit wənnan də zəga nawsən pak məs Maŋgəlva apsəmə, vi məziw giti gən aba Maŋgəlva ko naway pak va ɗəf metiŋgin adəv wəsap də Krestu.

1Tesaloniki 4:14

Vi mətafək na Zezu amtəka asilke. Vaski bo ɗiiyen məs dəmtaŋ də Zezu, Maŋgəlva wasil git sətəki əmta də Zezu də zeŋgilleti.

Yakob 5:15

An wəkaməŋ asapək də wətafa, wambəl gən məs gbəgba'a, Ɗəfdaya wapsən sembe waviyan sən mambray nan an agəɗəŋka.

Zuda 1:24

Maŋgəlva waɓap wəgukum səza zəga pakə, kəzaŋ na ki tive ɓa, wagəm mambray nokum pakə, wakpaŋgokum salala, wakəzoŋ wizu aban adəv gakdak nan də wanekən zukum diiɗa.