2Korintus 4:1 - Nouveau Testament en Guidar

¹ Maŋgəlva awlak səsahmə, apanək wəzaŋ avamə. Vini kana geslne dəmna ɓa.

Bible en Guidar

¹ Sən aski, adan də ulasahã nan mərah wəzaska, makram amtə na ɓa.

2Korintus 4:1 ပူးပေါင်းရင်းမြစ်များ

Luka 18:1

Yaŋ Zezu apel sit wən məkpaŋga vi də sənən gən na say dəzuliyaŋ gən pay pakə məza wəpan ɓa.

1Korintus 3:5

Naway Apollos di? Naway Pol di? Nam məɗɗaŋ wəza na Maŋgəlva mənan ɗarə, ɗii gugiriɗ mənan ɓa, ɗii məs nabaah sukum kəsoŋ gən məs məkpaŋgokum kəsoŋ gən ɗii məs dətafən Maŋgəlva mənani. Ko naway suwalaŋgəm pak tayəɗɗa wəza nan məs Ɗəfdaya apsən naɗɗa.

1Korintus 7:25

Yo aka wənnet gorɗeŋge nan nərah dawka akan səza Ɗəfdaya ɓa, amma əntatə pel an məs nəɗumu. Ɗəfdaya apsuwək mbəlembəle gəm mogon nani Ɗəfdaya aɗiwək ka ɗəf təstəssə.

2Korintus 3:12

Vi wənna zəga məs mədawga də makram taka, ndəni mədasɓan makram dəndən.

2Korintus 3:6

Ndəni dəsərəkgəm wərban wənnan minan meleketen ko aŋga pakə, wənnan dəde səza mahenziŋ məs məverin ɓa, amma səza əmpəs ade. Dawka məverin tay ka ɗəf dəmtə gəni, amma əmpəs tay ka ɗəf atəki naw koho.

2Korintus 4:16

Vi wənnani məppana əɗum nawga zəga nan ɓa. Gesiŋ, zeŋgille anna gəɓa zəməŋ wazə, amma zeŋgille məs Maŋgəlva adapsəmə, nan tay ndəf pay pakə.

2Korintus 5:18

Zəgas pak Maŋgəlva dəɗɗa, ndəni apan wənnan avamə, ka məpel gən labara nani. Lahəŋ mənam tat va maseŋgiɗni, amma də Krestuwi aɗɗa əsler namə.

Galatiyen 6:9

Mədaw ya də wəɗɗa mogon ɓa, an məyə ɓana waməbəllə an pay nan agapka.

Efesus 3:13

Vi vaski əntatə kamokum, kəda virenən zukum vi saha an nədaw zəm də bone naw vikum əŋ ɓa: Nan bo wakpaŋ gakdak nokum.

Filipi 4:13

Wanəɓəs ko mi dəgəɗ di pakə, vi Krestu wavay sembe.

2Tesaloniki 3:13

Annokum nədawnah sukum milmiŋgiɗwa, kədawyaŋ daɗɗa mogon ɓa.

1Timote 1:13

Lahəŋ na, nəpelik mbrayen akani, nəzəm gitik saha net ɗii nani, nərretike. Amma Maŋgəlva awələk saha akawa, vi əntat də wətaf ɓa, nəsən gabba məs nədaɗɗa ɓa.

Ibriɗe 12:3

Məɗumon bonoy məs assə, va aɓəs wəkay mama net məɗɗaŋ mambray aɗɗaŋ azani. Wənnəs wabaah sukum, vi makrokum adawyokum ɓa, kapan wənnan ɓa.

1Piyer 2:10

Lahəŋka, ɗii na Maŋgəlva kənanaŋ ɓa, amma kakaŋka ɗii nan kənanaŋ: Lahəŋka, kəsənən ula saha na Maŋgəlva ɓa, amma kakaŋkana kərəhənək ula saha nani.

Hənhən 2:3

Nok na kəɓəsəka, kəzəmək saha viwa, də as pak kənzok geslne ɓa.