2Korintus 3:7 - Nouveau Testament en Guidar

⁷ Dawka nani məverin də mamasin aket zigeɗ naw ver net kuneŋge. Pay nan dəpaska gakdak na Maŋgəlva arbanək zəni. Aba Moyis akasakə, ha kirtit Israyelɗe dəɓapən əɓəs ula əkasak nan ɓa. Nan dərəŋ wakgrakə. An wəza na dawka məzuki əmta tay də gakdak vaska.

Bible en Guidar

⁷ Ya an wəza namta məverin dəver aket gərmeŋge tay də gagdaka hã mə Israyelɗe awɓap əzinən heret aka hara Moyis ɓa sən əwiɗ na haran məs anzi na ɓa dərəŋ na,

2Korintus 3:7 ပူးပေါင်းရင်းမြစ်များ

Wəza net Masləŋɗe 6:15

Məzu səɓaŋ məs dəsoŋ adak pak aziyənək heret aka Etiyen, awlanənək haran agilik va maslay.

Roma 10:4

Səza Krestu ade na, wənna ma henziŋ amtəka. Vi ko naway məs dətafa, wasan ɗəf təstəs aba Maŋgəlva.

Roma 4:15

Zəga tay ma henziŋ adaw ki sit ɗii ɓa, say wəda gədəv na Maŋgəlva kaaka'ə, Va dawka tay ɓa wəzlaɓ bo wasan ɓa.

Roma 5:20

Ma henziŋ ade akan na, vi mambray dəzlər gən abe abe. Amma an mambray adek akan na mbəlembəle na Maŋgəlva dədazan akan day.

Roma 7:10

Yaŋ naw nəmtəka, ma henziŋ ade bo vi karban tive nawkohyi, amma yaŋ akisu əmta.

Roma 7:22

Makraw neki də ma henziŋ na Maŋgəlva sawɓa, amma gəɓa zu tayəsban ma henziŋ maɓɓani.

Roma 7:5

Gala mədasban wəɗum na gəɓa zəmə, əsim zəga adayək ki zəmə, agulmək adəv mambraya. Ma henziŋ asil gənək əsim zəga azamə, yaŋ mədaɗɗa an naw kisəm əmta.

1Korintus 13:10

An suɗike vanəs bo wazə an goŋga arbanək zən pakə.

2Korintus 3:3

Gesiŋ munokumtə letər na Krestu, mənamtə məvere. Məverni də iŋkile titir naw ver ɓa, amma də Əmpəs na Maŋgəlva madaran məverin. Məverni aket zigeɗ naw ver net kuneŋge ɓa, amma amekret ɗii məverni.

2Korintus 3:6

Ndəni dəsərəkgəm wərban wənnan minan meleketen ko aŋga pakə, wənnan dəde səza mahenziŋ məs məverin ɓa, amma səza əmpəs ade. Dawka məverin tay ka ɗəf dəmtə gəni, amma əmpəs tay ka ɗəf atəki naw koho.

2Korintus 3:8

Asna wəza na əmpəs məzuki əkoh wadayki as pak də gakdaka.

Galatiyen 3:10

Məzu ɗiyin zit va məsbaŋ ma henziŋ pak məray gitiŋ. Vi məverni na, ko naway məs asban ma henziŋ va məverin pak ɓa, məray gəni.

Galatiyen 3:21

Vasna ma henziŋ na, məzu zel na wən minan na Maŋgəlvayi sa? Tay vas ɓa! An məkini ma henziŋ vi dəɓay gənəgən zeŋgilleyi na, asna ɗəf wasan təstəs aba Maŋgəlva də ma henziŋ.

Ibriɗe 12:18

Nokum kəzoŋ vannet Israyelɗe ɓa, va zəga məs kəɓapaŋ na wərəŋgən də vokum ɓa, vannet aka gərəm na Sina də offo mərmani, walla də guzliyo, walla də slay buna,

Ibriɗe 3:3

Mərkə gəla adayək ki gəla də gakdaka. Vaski bo Zezu adayək ki Moyis də gakdaka.

Ibriɗe 9:4

Adəvən bo təki nawzla tursan nan də meleŋge də akoti na wən minani məsərət kiyən də meleŋge. Adəv akoti van bo, tasaw na meleŋge tayadak də manu adəvən, gəm zleŋge məndəfən na Aron, gəm kalaɓɗe sula məs məver wən minan aketi.