2Korintus 3:12 - Nouveau Testament en Guidar

¹² Vi wənna zəga məs mədawga də makram taka, ndəni mədasɓan makram dəndən.

Bible en Guidar

¹² Adan kan mənam tat də əga vaska, mənam tat əziw ɓəlɓələ.

2Korintus 3:12 ပူးပေါင်းရင်းမြစ်များ

Yohanna 10:24

Yahudiyenɗe akaraŋgək kini, apsənən na: Dewɗe kədaw boton səm gəkgrəŋ nam aka wən nok di? An əstə Messiya* na anah səm təstəs kpak ɗa.

Yohanna 16:25

Zezu asbanək wəpel əmpa: Wənnəs pak də wən məkpaŋga nənah sukum. Pay maɓɓan wade asna nəpel sukum na ɗaah də wən məkpaŋga ɓa, amma wanənah sukum wənna Affən kotakə.

Yohanna 16:29

Gewleɗ nan aɓɗaŋ na: Awla, kakaŋ na istatə pel kotakə məza də wən məkpaŋa ɓa.

Wəza net Masləŋɗe 14:3

Masləŋɗe avoŋgoŋguk adak sawɓa. Arbanənək wənna Ɗəfdaya məza də geslne ɓa. Ɗəfdaya bo arbanək na zəga məs adarbaŋgəŋ na gesiŋgi, də wəpsit mbəlembəle də sembe naɗɗa sokeneɗi.

Wəza net Masləŋɗe 4:13

Ɗii məzu slireŋ net Yahudiyenɗe agətaŋgək sawɓa, awlanən Piyer də Zaŋ də geslne'eŋ ɓa sam, maay sap kana ɗii məs də gakdakəŋ ɓa, də sənaŋ zəga ɓa. Adan asənən na ɗii məs dəsoŋ də Zezu wəŋ,

Wəza net Masləŋɗe 9:27

Yaŋ Barnabas agəma, akak azet ɗii na Maŋgəlva, anah sitik va Sol awla Ɗəfdaya aka tive də an məs Ɗəfdaya apelsəni, va Sol arban wənna Zezu a Damas, məza də geslne ɓa.

Wəza net Masləŋɗe 9:29

Tay pel əmpa, tay bay ma dit Yahudiyenɗe məzu peleŋ met Grekɗe, amma neti, akayaŋgək tive kawbayni.

1Korintus 14:19

Amma adəv gəla nakkala dit ɗii na Maŋgəlva na, ɗəɗaah nəpel də wən ta' ta' sle an məs məsənən nawɓay git ɗii maɓɓet dəndən, ki in əpel də wən temtem məs məsəni ɓa uzine klaw.

2Korintus 10:1

Yo in Pol, mawaka əpel sukum wənna zəknaw kakaŋka, ɗii meɓɓet tahəŋ ənəhaŋ na: Naslən zu daga nəsaw awaloŋkum ɓa, amma də sembe nan akokum, daga nəsaw faraɗa də munokum. Intatə komokum də əpprəma də mogon məs Krestu agəɗə.

2Korintus 3:11

Wən məs minan məsvan dərəŋ, arbanək gakdak na Maŋgəlva, sokko an meleketen nawsan ha faɗ sa.

2Korintus 4:13

Ɗerewel amna: Nətafək Ɗəfdaya vini nənahə ətaf nan səza Əmpəs na Maŋgəlva ade, nam bo də əmpəs nani mərah ətafa. Mənam tatə taf Ɗəfdaya, vini məppan ərban labara nenek ɓa.

2Korintus 7:4

Məsənkumək grak lewlewi, mənam tatəɗi kikum diiɗa, adəv bonoy nam pakə, məknahək də ərma makramə də əneken zəmə.

Filipi 1:14

Milməŋgiɗu diiɗa məs dəŋgluwən Ɗəfdaya adan awluwən a daŋgay asɓanənək ziti, tahəŋ wəmbataŋ abe abe, ha wəpelin wənna Maŋgəlva məza də geslne ɓa.

Filipi 1:20

An məs nədawga aziwke, nəsənək Maŋgəlva arbə suna wil aka wəza naw ɓa. Amma va pay pakə, vaski bo kakaŋka'a an məs nəsən agraka, nəsənka wanəgakdakan Krestu ko də zeŋgillewa, walla də əmta nawa.

Kolosi 4:4

Məkkaman Maŋgəlva dəbaah su gən nərban gən wənnan kotakə, va an dəslə.

1Tesaloniki 2:2

Kəsənənka məzəm gəmi saha a Filipi daga məɓəl wəgap annokumda a Tesaloniki ɓa. Aramənka kəsənək wənnani. Amma Maŋgəlva asɓaməka vi məpel sukum gən labara neneke, an məs dəde səzani, ko də wən ɗarɗar asil zlaŋ.

1Timote 3:13

An aɗɗanənək wəza net mogoni, warəhaŋ təki net mogoni, waɓapən wəpel bo də makret taka aka wənna wətaf an mərah də wəsap nam də Zezu Krestu.

Filemon 1:8

Vi vaski nəgəɗ wəza də sembe məs Krestu avayəŋ ɓa. Wanəɓap wənah suk an məs dəslə,