2Korintus 2:12 - Nouveau Testament en Guidar

¹² Nəgapək a Torowas vi karban labara nenek na Krestu adaka. Ɗəfdaya azaɓan suwək tive na wəza nan məza tuwãh ɓa.

Bible en Guidar

¹² Adan nəgap a Torowas vi karban alabara nenek na Kristu, Daya akol suwək tive.

2Korintus 2:12 ပူးပေါင်းရင်းမြစ်များ

Wəza net Masləŋɗe 14:27

Adan agapaŋ a Antakiya, akkeletinik kretiyenɗe pakə, anahsitinik an Maŋgəlva agəɗ dənɗaŋ pakə, va akol tive sit ɗii məs Yahudiyenɗeŋ ɓa, dətafən gən Zezu.

Wəza net Masləŋɗe 16:11

A Torowas na mətoŋguk adəv bəlay, məmbatək a Samotaras, vit pumpum nani, məmbatək a Neyapolis.

Wəza net Masləŋɗe 16:8

Vini kan atoŋgoŋ ki Messiya, ambataŋ a Torowas təki nawziw net bəlayɗe.

Wəza net Masləŋɗe 20:8

Pitirleɗ tahəŋ diiɗa adəv gəla ana disiŋ atəki məs mədakkal vani.

Roma 1:1

Letərəŋka Pol məs dəsan balam na Zezu Krestu wi dəver azet kretiyenɗe na Roma. Maŋgəlva ayuwəka, aɗiwək ka masləŋ nani, awelwəka ka nərban gən Labara Nenek nani.

1Korintus 16:9

Vi nərahək sembe naɗɗa wəza metiŋgin nawtər wəray aŋka, ko də məzuzelwən asoŋ aŋ diiɗa zlaŋ.

1Korintus 9:12

Ya an zəga tay nawtak ɗii dawtaf zəga səvokum ɓa, nam məday na kiyit dərəŋ ɓa sa? Amma nam mətər wəray sən zəm də gakdak nam ɓa. Məsokuk zəm aza zəga pakə, vi mədaw bas tive na labara nenek na Krestu səbokum ɓa.

1Korintus 9:14

Vaski bo, məzərbanən labara neneke. Ɗəfdaya aɗiyək wənnan na, dəzəmaŋ gən də wəza narban wənna Maŋgəlva.

1Korintus 9:16

An əntatə pel labara neneke, nəŋger na əkaɓ ɓa. Dewle nawa say nəpel gəni. Bonoy nan tayabawa an nərban wənnan ɓa.

2Korintus 10:14

An məkaɓka, asna mətoŋguk ki meŋge, gesiŋ bo məgapək annokumda də labara nenek na Krestu.

2Korintus 11:4

Va an ɗəf adek annokumda, arban sukumək Krestu maban məs nərban sukumi ɓa, akəpprəmən gu ləŋgə. Akətafən əmpəs məs kərəhən səzam ɓa, akətafən labara nenek məs kəpprəmən ɗaah səmam ɓa.

2Korintus 11:7

Naw adan nəpel sukum labara nenek na Maŋgəlva, nəssohon əya na wəza naw avokum ɓa, naw nəgəsanək zuwa, ka nokum kəsoŋ gən ɗii tektekki. Ya də aski kan nəgəɗ sukum mbrayen sa?

2Korintus 4:3

Labara Nenek məs mədarbanəŋka, gesiŋ məɗamani ɓa. Say azet ɗii məzet adawsan məɗaman kaaka'ə.

2Korintus 4:4

Net dətafən ɓa, vi Satan məs maŋgəlvak na duniya atipik maɗuleti, vi adawlanən təki babar na labara nenek ɓa. Kəti babar nan tayərban gakdak na Krestu. Ndəni Maŋgəlva sən kiyən bo, adarban zən adəv Krestu.

2Korintus 8:18

Dəndəni məslən məlməm məs ɗii na Maŋgəlva pak ada gakdakanən vi wəza na labara nenek məs adarbani.

2Korintus 9:13

An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə.

Kolosi 4:3

An munokum tatə zuliyaŋ na, məzuli viyəm tamə, vi Maŋgəlva də zaɓan su gən tive narban labara nani, nərban gən wən məɗama na Krestu. Vi wənna wən məɗama nan vani nəsaw a daŋgay.

1Tesaloniki 3:2

Məslənək Timote məlməm məgəɗ wəza na Maŋgəlva də mənam də wəpel Wən Nenek na Krestu. Məslən na dəɗikum gən adəv wətaf də wəsɓokum aka wətaf nokum,