2Korintus 13:7 - Nouveau Testament en Guidar

⁷ Mənam tatə kaman Maŋgəlva vi kədaɗɗaŋ mambray ɓa. Nam məŋgəl goŋga nam duwəl gən ɓa, amma nam məŋgəl na kəɗɗaŋ gən an dəslə, ko an mənam van zlaŋ məddakəm mənani.

Bible en Guidar

⁷ Əŋgla nam aba Maŋgəlva na, kədaɗɗaŋ mbərayən ɓa. Məde vi karban təstəs nam ɓa, vi kəɗɗaŋgən moggoni, də məsam məddakəm pakə.

2Korintus 13:7 ပူးပေါင်းရင်းမြစ်များ

Matiye 6:13

Ataɗmə vi Satan ada mbəɗamə, kapan wətaf nam ɓa. Amma agil gəm səva Satan. Vi məlĩ van noki də sembe də gakdaka, ha faɗə. Amin.

Yohanna 17:15

Nəkomok na vi kəgil giti gən sə duniyayi ɓa, amma vi kəkoh giti gən səva ɗəf mbrayenəŋka.

Roma 1:28

Adan dəŋglaŋ wəsən Maŋgəlva ɓa. Vini Maŋgəlva apet dəɗɗanən gən wəɗum mbrayen neti, dəɗɗanən gən an məza tay lew ɓa.

Roma 12:17

An ɗəf agəɗ sukumək mambraya, kədamndagan sənən də mambray ɓa. Məkay tive ka kəɗɗaŋ gən wəza mogon azet ɗii pakə.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

Roma 16:10

Məsɗan Apelles, ɗəf təstəs də wənna Krestu, məsɗet ɗii neŋgil ana Aristobulus da.

1Korintus 11:19

Dewle uɗak dəgəɗ gən awaloŋkum vaska, vi kawsən ɗiiyen də mekret taka.

2Korintus 10:10

Vi ɗii meɓɓet tahəŋ ənəhaŋ na letərɗe na Pol gədakəŋ, də sembeŋ. Amma an ɗəf nan tay matak də mənam na mədakni, əpel nan pak bo ɗari.

2Korintus 10:18

Ɗəf wasan ɗəf təstəssə an Ɗəfdaya akaɓ gənəka, tay na say an akaɓ ka ɓa.

2Korintus 13:6

Amma nəɗumuk na akəsən mən na, məsbər ɓa.

2Korintus 13:8

Məɓap na əɗɗa zəga məs nawtak goŋga na Maŋgəlva ɓa, say dərəŋ na wa məɓap wəɗɗa wəza dəl gən abe dərəŋ.

2Korintus 13:9

Zəm nenekeɓ ɓa an mədakəm mənani, amma nokum də sembe kənanaŋ. Vini mədakaman Maŋgəlva, ka kəsoŋ gən təstəs grakə.

2Korintus 6:4

Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

2Korintus 8:21

Məŋgəl məgəɗ gən wəza mogoni, məza ama hara Ɗəfdaya kaaka ɓa, amma də ama heret ɗiiyi.

Filipi 4:8

Milmiŋgiɗwa, aŋki məs dəmbərə: Məzi zukum aza an mogoni, məs dəgap naw gakdakani, zəga an də goŋga məs dəslə, məs salala*, məs dəgap naŋgla də wə gakdakani.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

1Timote 2:2

Məzuli viyit məlĩyeŋge dit məs sembe ko ɗii awedi pakə, vi məsam gən də zamə, məza wən ɗarɗar ɓa, say də geslne na Maŋgəlva, də wədaw mogoni.

2Timote 2:15

Asok zuko wən nok dərban gən zən aba Maŋgəlva na də goŋga kənani məgəɗ wəza məza wil awdukun amba wəza nan ɓa kənani, mərbə wən də goŋga məs dəslə kənani.

2Timote 4:18

Gesiŋ, Ɗəfdaya wakoh gu səza mambray pakə, wagap gu azam adəv məlĩ nan a disiŋ. Gakdak nani pay pakə ha faɗə. Amin.

Yakob 1:12

Zəzay aza ko naway məs dəɓəs wən tattuwãha, an asanək də sembe aɓəsəka, warah zəŋgille va an Maŋgəlva anah na wapsit ɗii məs dəŋgluwəni.

1Piyer 2:12

Wədaw nokum dəsan mogon aweleŋgit ɗii məs dəsənən Maŋgəlva ɓeŋki, an aɗikumənək va məɗɗaŋ mambraya, an tahəŋ ulanən wəza mogon nokum, wagakdakanən Maŋgəlva pay adazani.