2Korintus 13:5 - Nouveau Testament en Guidar

⁵ Mula zukum kanɗa. Munokum tat də sembe aza wətaf sa? Say məsən wənnan sən kikum. Kəsənənək na Zezu Krestu tay də munokum sa? An tay vas ɓana, nokum kəsbəraŋka.

Bible en Guidar

⁵ Mənokum sən kikum mula, addəv ətaf kənanən sa? Mənokum sən kikum məkosoni. Awaniɓa, nokum kəsənənək na Yesu Kristu tay addəvkum ɓa sa? An tay vas ɓa na, təstəs kənanən ɓa.

2Korintus 13:5 ပူးပေါင်းရင်းမြစ်များ

Yohanna 14:23

Zezu azlan sənəka: Ko naway dəŋgəluwa, aɓe sənək wəpel nawa, Affu waŋgluwa. Affuwa ina, waməde waməsam dəndən.

Yohanna 15:4

Məsoŋ adəv wəsler də ina, asna naw bo wanəsaw adəv wəsler də munokum. Kiva wəlaŋga na mbazla awə na kirtin ɓa say an asapək də wəlaŋga na mbazla. Vaski nokum bo, kətəraŋ na wəray ɓa, say an kəsapaŋgək də ina.

Yohanna 17:23

Intatəɗɗa wəza amekreti, nok tamə istatəɗɗa wəza a makrawa, vi vaski adasoŋ taka gesiŋ. Ndəni duniya adawsənən na, is kəslənwa, kəŋgluwik va kəŋgluwa.

Yohanna 17:26

Nərbokuk siti, wanəsban wərboksiti, vi wəŋgla məs kəŋgəluwəŋ dəknah gən amekreti, naw bo nəknah gən amekreti.

Yohanna 6:56

Ko naway dəzəm gəɓa zuwa, də sə mbel zuwa wasap də ina, naw bo wanəsap dəndən.

Yohanna 6:6

Anah vas na vi kapprəm an Filip adawzlani, vi asənək an adaɗɗa.

Roma 1:28

Adan dəŋglaŋ wəsən Maŋgəlva ɓa. Vini Maŋgəlva apet dəɗɗanən gən wəɗum mbrayen neti, dəɗɗanən gən an məza tay lew ɓa.

Roma 8:10

An Krestu tayəɗɗa wəza amakrokum, asna gəɓa zukum wamtə vi wənna mambraya, amma Əmpəs na Maŋgəlva wapsukum zeŋgille vi təstəs kənanaŋ aba Maŋgəlva.

1Korintus 11:28

Vini kana say ko naway dula zəni, an wazəm waya də əsaa zəga sədəvət huloŋ nani.

1Korintus 11:31

An məziyək zəmə, Maŋgəlva ataw na kita akam ɓa.

1Korintus 3:16

Munokumtə gəla metiŋ naw zuliya* sən Maŋgəlva, kəsənən na Əmpəs na Maŋgəlva taya makrokum ɓa sa?

1Korintus 6:15

Kəsənən na gəɓa zukum zəgeɗ na zə Krestu wəŋ ɓa sa? Kəŋglaŋ kana kaw gəm gəɓa zə Krestu kakpaŋgan zət bivrak sa? Agəɗ na ɓa!

1Korintus 6:19

Kəsənən na gəbazukum na ndəni gəla metiŋ naw zuliya* sən Maŋgəlva, ndəni nasuwa na Əmpəs Salala, əmpəs vani, ndəni amakrokum məs Maŋgəlva apsukum ɓa sa? Munokum tat kana zukum tusso əmpa ɓa, amma kana Maŋgəlva kənanaŋ.

1Korintus 6:2

Kəsənən na ɗii na Maŋgəlvaŋ nawtaw kita aka duniya ɓa sa? Ya an munokum tə na taw kita aka duniya na, kəɓapən na wətaw kita aka wən suɗike ɓa sa?

1Korintus 9:24

Kəsənənka ɗii diiɗa dədanzoŋ na naway dabəŋ di, amma say ɗəf taka kaaka dədawrəh zəga məɗiyən vi ɗəffan dənzan dəday kiyit ɗiiyi. Vaski nokum bo məsok zukum mənzoŋ kərəhaŋ gən zəga nani.

1Korintus 9:27

Intatəpsən bonoy sən zu diiɗa ka nəɓap gən wənnani. Ya əntə nərban wənnan sit ɗiiyi, nədaw saw məza nətoŋ adak ɓaɓa.

2Korintus 6:16

Mi də sapan gəla metiŋ na zuli də tuya di? Gesiŋ gəla metiŋ na zuli madaran na Maŋgəlva mənani, vi Maŋgəlva anahək na: Wanəsaw aweleŋti, kawsaw dənɗaŋ. Wanəsaw ka Maŋgəlva neti, net bo wasoŋ ka ɗii nawa.

Galatiyen 2:20

vi nədaw saw madaraw sən kiyu ɓa, amma Zezu də ɗiyu madarawa. Zeŋgille ana gəɓa zu nəsaw dəndən kakaŋka, əntatə saw də wətaf aza Wətən Maŋgəlva*, an məs dəŋgəluwa, appanək zeŋgillen viwa.

Galatiyen 4:19

Kirtu məmeɗeŋɗe kənanaŋ, nəzəmək saha aka batamkum va ɗak tədawzəm saha dawa, vi Krestu dəsan gən amokrokum.

Galatiyen 6:4

Amma say ko naway dəsla wəza nani, an mogoni asna warah wəgakdakan an məs agəɗ dəvani. Waray tay də slagən də wəza na ɗəf ɓa.

Efesus 3:17

Vi Krestu dəsan gən amokrokum an məs kəŋglaŋ də wətafa. Intatə kamani kəsoŋ gən də siwerkum kərəh adəv wəŋgla.

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

Kolosi 2:19

Apanənək wəsler də Krestu məs dəsan ma həŋkən zəni. Zən van bo ndəni kretiyenɗe məs dətafəni. Vi wənna ma həŋkəni ma sleŋslen pak asler də bələtə, yaŋ adawɓaya va Maŋgəlva aŋgələ.

Kolosi 2:7

Say məmpa siwerkum azani, va wəlaŋga adampa siwerin aka dəlva fuŋ, məɗi zeŋgillekum azani, məsɓan wətaf nokum, məɗi zəga məs kəyaganən akokum, məgəɗ soko sən Maŋgəlva pay pakə.

1Timote 2:15

Gil wakohoŋ də uwa kirni, amma say dəsoŋ də sembe aza wətafa, də wəŋgla, də wəsuwa an təstəssə, say dəsoŋ də wili.

2Timote 3:8

Va maay Zannes də Zamberes atakən Moyis. Vaski ɗiiyiŋ bo adawtakən goŋga. Maɗulet arayka, ɗii ɗarəŋ adəv wətaf neti.

Titus 1:13

Ya saydawa nan gesiŋgi. Vi vaski ahayẽt də sembe, vi dəsoŋ gən də wətaf an təstəssə,

Titus 1:16

Tahəŋ wəɗɗaŋ saydawa na asənənək Maŋgəlva, amma wəza net tayərban na, azlabaŋgək səzani, daryawɗeŋ məɓoŋgitiŋ, dəgapaŋ naɗɗaŋ wəza mogon ko taka ɓa.

Titus 2:2

vaski bo mezeɗi dəziyən ziti, də ɓatɓatə, də waɓe'eŋ də wərma zit sədəv mambraya, dəsoŋ ɓəlɓəl də wətafa də wəŋgla də wəɓəsən.

Ibriɗe 12:15

Məzi zukum ɗəf səmbokum adawmilyan dərɓe ɓa, kapan mbəlembəle na Maŋgəlva ɓa. Məzi zukum ɗəf səmbokum adawsan va gaslamba tattrah məzu ɓaya, kawzəm git saha net ɗii də muwən nan ɓa.

Ibriɗe 4:1

Maŋgəlva anahək na wapsəm tive nawtoŋ atəki naffet nani. Say məzi səm zəmə, vi ɗəf səmbam adawbew ko taka dawtoŋ atəki naffet nan ɓa.

Ibriɗe 6:8

Amma an tayə gilgin gedirgeɗ kaaka də kemvile, atər na wəray ɓa. Anzi naɓa, Maŋgəlva waray gən də wənzlan ngawsa.

Yakob 4:4

Munokum məɓoŋkum aka Maŋgəlva, kəsənən na an kəɗɗaŋgək bayna na duniya na məzuzeleŋ na Maŋgəlva kənanaŋ ɓa sa? Ɗəf məs dəŋgəl wəsban wənna duniya na wakpaŋ məzuzel na Maŋgəlva.

1Piyer 5:9

Məsoŋ ɓəlɓəl də wətaf nokum, məɓoŋ akani, vi kəsənənka ɗii na Maŋgəlva va munokum tahəŋ wəzəmaŋ saha aka dələv pakə.

Hənhən 2:5

Aɗumon əza məs kəzə ki tive, apan mambray noko, adaw va məs kədaw dabəŋ. An kəzaɓan makrok ɓana, wanəzawrəhko, wanəgəm zəga naɗi pitirla nok sə gəlani say an kətubika.