2Korintus 12:19 - Nouveau Testament en Guidar

¹⁹ Kuzuŋ munokum tatə nahaŋ vas daga far soko, ndəni mədaŋgla əskoɓ kiyəm abokum. Wən nan tay vas ɓa sam! Mənam tatə pel aba Maŋgəlva va ɗii na Krestu. Milmiŋgiɗəm na makramə, mədawpel vas pak na, vi kawɓay gukum adəv ətaf nokum.

Bible en Guidar

¹⁹ Kuzuŋ munokum tat əɗɗum far na, kiyəm mədawpəl abokum soko. Aba Maŋgəlva, addəv Kristu mədawpele, zəgeɗis pak milmiŋgiɗu na makrawa, vi kawɓaygukumi.

2Korintus 12:19 ပူးပေါင်းရင်းမြစ်များ

Roma 12:19

Bayneŋgiɗwa, an ɗəf agəɗ sukumək mambraya, kədamndagan sənən də mambray ɓa, amma məppan əda gədəv na Maŋgəlva akani, vi ɗerewel anahək na: Əntə məmpəl ki piɗe na mambraya, naw wanətaw kita aketi. Vaski Ɗəfdaya anahə.

Roma 14:19

Vi vaski məsok səm zəmə məsam gən zamə, məbaah səm sən zəmə.

Roma 15:2

Ko naway say dəgəɗ an məs nanneken zə meggeni. An vaski kan dədawɓay git ɗii pak adəv wətafa.

Roma 9:1

An nədawnah kakaŋkəŋ na, gesiŋgi. Na Krestu nani, tepelke nədawa ɓa. Əmpəs Salala* tay zəm məlĩ aka wəɗum na makrawa, ndəni məzaw ku abe nəwə na tepelke ɓa.

1Korintus 10:14

Vini kana, bayneŋgiɗwa, məzar səzet məzuliyaŋ sənən tuya.

1Korintus 10:33

Məɗɗa vanaw nədaɗɗani. Intatə sok zu əɗɗa an nanek zit ɗii pak də zəga pakə. Naw nawkay an natər su wəray ɓa, say an natər wəray sit ɗiiyi vi dəkohoŋ gəni.

1Korintus 14:26

Milmiŋgiɗwa, an vaski na, mbar kədaɗɗaŋ di? Pay sən kədakkalaŋ vi kawzuliya, ɗəf mbərən tay də gəlya, ɗəf mbərən də zəga narba, ɗəf mbərən wəɗɗa hənhən, ɗəf mbərən wəpel də ma məs məsəni ɓa, ɗəf mbərən wəman ma məs məpelin temtem vani, say wənnəs pak dəsan nawɓay gən wətaf net ɗii na Maŋgəlva.

2Korintus 10:8

Wən tay wil adawdanən akan ɓa, ko an əntatə ɗi ki zu də sembe məs Ɗəfdaya apsəmə. Amma mərah sembe nan vi kawray gukum ɓa, vi kaw zoɓokumi.

2Korintus 11:10

Vi goŋga na Krestu ana makrawa, ndəni nənah sukum na: Ɗəf tay ko taka aweleŋgit ɗii naka dələv na Akaya pak naw moh su gakdak nawəŋ ɓa.

2Korintus 11:31

Maŋgəlva Affən Ɗəfdaya nam Zezu asənənka nəwə na tepelke ɓa. Usoko nan ha faɗə!

2Korintus 12:15

Azaw anaw sən kiyu na, zu neki də əsgan zəga naw pak də zək naw pakə, vi kabaah sukum. Akə gəsanən əŋgla məs kəŋgəluwən vi nəŋgulukum diiɗa sa?

2Korintus 13:10

Pay nədawver sukum wənnəs pakə, faraɗa nan tagayɗa. Vi an nədeke, nəŋgəl əhoyokum də sembe məs Ɗəfdaya avayəŋ ɓa. Nərah sembe nan vi kawray gukum ɓa, amma vi kawɓay gukum adəv ətaf nokum.

2Korintus 2:17

Ɗii diiɗa tahəŋ ulanən əpel na Maŋgəlva va zəga naɗɗa terere. Nam mənam tatəɗɗan vanet ɓa, vi Maŋgəlva aslən məka. Mənam tatəpel də makram taka aba Maŋgəlva, va məɗɗaŋ wəza sən Krestu.

2Korintus 3:1

Wən nam tayərban na, mənam tatə məssa əgakdakan zəmə sa? Walla wərayəm tayaza wənnan va ɗii sə waloŋkəm adaw slənaŋ sukumən ɗerewel ka kəsən mən gən sa, walla mətafək wəɗɗa zevən vas azokum sa?

2Korintus 7:1

Bayneŋgiɗwa əpel na Maŋgəlvas pak aslək vimə. Vini kakaŋ na say məgasəm zəmə məsam gən salala*, məppan səm zəga məs nawray gən gəɓa zəm də məs nawray gən əmpəsa. Say məsam gən salala grakə, məsam səm də geslne na Maŋgəlva.

Filipi 4:1

Munokum milmiŋgiɗu bayneŋgiɗwa, vi vaski məsap vas də Ɗəfdaya, əntatə ɗum na məsa ulukum sawɓa, munokumtə wənnek nawa, munokumtə mətər kiya nawa.

1Tesaloniki 5:11

Vi vaski məɓɓəlan zukum də wənnəska, va kədaɗɗaŋ laŋka.

Ibriɗe 6:9

Amma ko an mənam tatə pel vas zlaŋ, bayneŋgiɗu kənanaŋ, məsənək wən nokum lewlewi, kəsənənək tive nawkoh mogoni.