2Korintus 12:10 - Nouveau Testament en Guidar

¹⁰ Vini, anəneken zu vi ədak nawa, anəneken zuwa an ɗii arawənka, akayanənək mawa, an gəkgrəŋ də əzəm saha arəwək vi wənna Krestu. Vi pay məs nəsaw mədakwa, dəpaski nədaw saw də sembe.

Bible en Guidar

¹⁰ Vini, nədannek də əddak temtemi, də əra, də vavyakə, də əsərma temtemi gəm əzəmsahã temtem vi wən na Kristu. Vi pay məs nəsaw məddakwa, daski nədawsaw də əɓapa.

2Korintus 12:10 ပူးပေါင်းရင်းမြစ်များ

Luka 6:22

Wakpaŋ azokum zəzaya, an ɗii azel kumənko, andol kumənko, arokumənko azelekumənko vi wənna Wətən Ɗəffa*.

Yohanna 15:21

Waɗɗaŋ sukumən vas pak vi wənnawa. Vi dəsənən ɗəf də slənu ɓa.

Wəza net Masləŋɗe 5:41

Masləŋɗe agilyoŋguk suweleŋgit məzu səɓaŋ, ambataŋka, zit annekik diiɗa vi Maŋgəlva aɗiyik ka ɗii məs dəgapaŋ nawzəm saha vi iya na Zezu.

Roma 5:3

An dəday van əmpa bo, mənam tatə neken zəm ko adəv wən tattuwãha, məsənka wən tattuwãh warban sən ɗəf dəɓəs gəni.

1Korintus 4:10

Məkpaŋgək dərweŋge vi wənna Krestu, amma nokum məsənaŋ zəga kənanaŋ də Krestu. Nam mədakəm mənani, amma nokum guromɗe kənanaŋ. Nam məzeləm mənani, amma nokum məgakdakokumi.

2Korintus 1:4

Ko wən tattuwãh dərəhəmə, nan tay əsɓam pay pakə. Vini nam bo waməɓap əsɓet ɗii nadəv bone temtemi, va də əsəɓan Maŋgəlva apsəmə.

2Korintus 10:18

Ɗəf wasan ɗəf təstəssə an Ɗəfdaya akaɓ gənəka, tay na say an akaɓ ka ɓa.

2Korintus 12:9

Amma yaŋ azlan su na: Mbəlembəle naw watər suk wəray nok pakə. Pay kəsok məddako, dəpaski sembe naw adaɗɗaŋ wəza də is day. Kakaŋ na anəɓəs ədak naw də ənek nawa, əntatə kaɓ dənɗaŋ vi sembe na Krestu dəsoŋ gən də ina.

2Korintus 13:4

Pay məs amtə aka wəlaŋga məzliwrihe, pay nani mədakni. Amma kakaŋ na madarani də sembe na Maŋgəlva. Vi wənna əsap nam də Krestu məddakəm mənani. Amma akulanən məda sam madaram dəndən vi wənna sembe na Maŋgəlva.

2Korintus 13:9

Zəm nenekeɓ ɓa an mədakəm mənani, amma nokum də sembe kənanaŋ. Vini mədakaman Maŋgəlva, ka kəsoŋ gən təstəs grakə.

2Korintus 4:17

Gesiŋ adəv bonoy mənani, amma tay tuwãh ɓa, anzi naɓa. Bonoy nan waki səm gakdak ana san ha faɗə, metiŋgini sawɓa.

2Korintus 4:5

Nam mərbana wənna gəɓa zəm ɓa, say wənna Zezu Krestu, ndəni Ɗəfdaya, nam mənam tatərbana məɗɗaŋ wəza nokum mənan vi Zezu.

2Korintus 5:15

asana ndəɗaŋ pak tahəŋ va məmtiti. Amtək viti, vini zeŋgillet na neti əmpa ɓa. Amma wasoŋ maderet kanani, ndən məs dəmtə viti, məsil gəni səkəti əmta viti.

2Korintus 5:20

Vini mənamtə metiveɗ na Krestu, də mami Maŋgəlva adawpel sukum. Vi wənna Krestu mənam tatə komokum, mətaf bayna məs Maŋgəlva adaɗɗa də munokum.

2Korintus 6:4

Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

2Korintus 7:4

Məsənkumək grak lewlewi, mənam tatəɗi kikum diiɗa, adəv bonoy nam pakə, məknahək də ərma makramə də əneken zəmə.

Efesus 6:10

Abeŋ na, musok zukum aza əsap nokum də Ɗəfdaya, məppan sembe nan metiŋginəŋ dəsɓokum.

Filipi 1:29

Maŋgəlva apsəmək wəŋgla naɗɗa weza sən Krestu, vi wətafəni kaka ɓa, amma də wəzəm saha vi wənnani.

Kolosi 1:24

Kakaŋ na zu neki də bonoy naw vikum, kəsənənka Krestu asək bonoy də gəɓa zəni, va wənah na kretiyenɗe nani, dewle say dəsə gən bonoy vaska əzəm saha nan pak vikumi ndəni haran naw aza bonoy nani.

2Tesaloniki 1:4

Ha nam bo mənam tatəkaɓ aka wən nokum munokum kretiyenɗe na Maŋgəlva, vi an məs kədaw ɓəsaŋ də wətaf nokum məs kətafaŋ, ko adəv wərmama məs dəde azokum pakə, də wən tattuwãha, ya də as pak kəɓəsənka.

2Timote 3:11

Bonoy naw də wəzəm saha nawa, kəsənək məs dərəhu a Antakiya də Ikoniya də a Listira, saha an tattuwãh nəzəm adakəŋka. Amma də as pak Ɗəfdaya kohguwəka.

Yakob 1:2

Milmiŋgiɗwa, məneken zukum diiɗa an wən tattuwãha temtem arəh kumuko.

Hənhən 2:3

Nok na kəɓəsəka, kəzəmək saha viwa, də as pak kənzok geslne ɓa.