2Korintus 11:6 - Nouveau Testament en Guidar

⁶ Kuzuŋ əntat də maw nek ɓosoko, amma əntat də əsəna, nərban sukumək wənnam appaka ta'ə, də tive temtem pakə.

Bible en Guidar

⁶ Kuzuŋ tay məs nəsən addəv əpel ɓa, ya tay vas addəv əsən ɓa, addəv zəga pak, mərban sukumək zəga pakə.

2Korintus 11:6 ပူးပေါင်းရင်းမြစ်များ

1Korintus 1:17

Vi Krestu dəslənəw wəɗɗa baptem aket ɗii ɓa. Naw aslənəw na, nərban gən alabara neneke, nərban gən bo məza də əsən na gəɓa zə ɗəf ɓa, vi əmta na Krestu aka wəlaŋga məzliwrihe adawsan zəga ɗar ɓa.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

1Korintus 12:8

Ɗəf maɓɓani əmpəs apsənək dəpel gən də maɗula, ɗəf maɓɓan bo apsənək dəpel gən də wəsəna.

1Korintus 2:13

Wən məs nədawpeliŋka, əntatə pel an məs ɗii arbaŋ suwən ɓa, amma əntatə pel də an məs Əmpəs na Maŋgəlva arbani, vi kaw boton gabba goŋga na wən məs əmpəs apsit ɗii məs də Əmpəs na Maŋgəlva.

2Korintus 10:10

Vi ɗii meɓɓet tahəŋ ənəhaŋ na letərɗe na Pol gədakəŋ, də sembeŋ. Amma an ɗəf nan tay matak də mənam na mədakni, əpel nan pak bo ɗari.

2Korintus 12:12

Wəzeɗe eŋkiŋ pak dərbanən awaloŋkum na, masləŋ nani, nərban sukumək əɓəs naw grakə, nəgəɗək sokeneɗi də wəza məs naɗɗa də sembe, amma sembe nawi ɓa.

2Korintus 4:2

Məsganək wəɗɗa məɗama də zəga na wil pakə. Məɗɗa wəza nan də kuket ɓa, məkpaŋgana əpel na Maŋgəlva ɓa'a. Amma mənam tatərban goŋga nan appaka ta'ə. Ko naway məzu kayan makran aba Maŋgəlva wanah na də goŋga mənani.

2Korintus 5:11

Məŋgəl əpprəman sit ɗii an məs Ɗəfdaya aŋgələ. Amma pay mbərən Ɗəfdaya wassohom aka wənna wəza nam pakə, dewle say məzlan sənə gən wənnani. Nan asənmək lewlewi. Amma azam tam bo kəsənmənək də əɗum namakrokum.

2Korintus 6:6

Mənam tatərban na, məɗɗaŋ wəza na Maŋgəlva mənani də goŋga namə də əsən namə, də əbaah na Əmpəs Salala*. Də əŋgla məza də mataka taka azan ɓa.

2Korintus 7:2

Məpəl səm təki amakrokum, məgəɗ sən mbrayen sən ɗəf səmbokum ko taka ɓa, məray gən ko sən ɗəf taka səmbokum ɓa, məgəm zəga na ɗəf sembokkm də kuket ɓa'a.

Efesus 3:4

də wəŋɗan ɗerewel nani, wakəɓapən wəsənən na nəsənək wən məɗama na Krestu.