2Korintus 11:31 - Nouveau Testament en Guidar

³¹ Maŋgəlva Affən Ɗəfdaya nam Zezu asənənka nəwə na tepelke ɓa. Usoko nan ha faɗə!

Bible en Guidar

³¹ Maŋgəlva Afən Daya nam Yesu məs nawgəɗ sən soko pay pak asənək na, wən nədawa ɓa.

2Korintus 11:31 ပူးပေါင်းရင်းမြစ်များ

Yohanna 10:30

Ina gəm Affən taka mənanni.

Yohanna 20:17

Zezu apsət na: Kədawrəŋgu ɓa, amma doku nah sit milmiŋgiɗu na, əntatə vi nəɓəl wəpeŋ aza Affu ɓa, Affukumi ya'a, aza Maŋgəlva nawa, Maŋgəlva nokumi ya'a.

Roma 1:25

Akpaŋganənək goŋga na Maŋgəlva ka tepelke, azuliyaŋ sənənək zəga məs Maŋgəlva agəɗe, də wəgəɗ sən wəza apanənək ɗəf məs dəɗɗa zəga van dərəŋ, aslək wəgakdakan anan ha faɗə. Amin.

Roma 1:9

Pay məs nədawzuli sən Maŋgəlva pakə, əntatəɗumon wən nokum. Wən nan gesiŋgi, Maŋgəlvayi naɗɗa saydawa akawa, əntatə gəɗ sən wəza də makraw taka, ndəni wərban Labara Nenek na Wətəni.

Roma 15:6

Vaskana məgakdakan Maŋgəlva, Affən Ɗəfdaya nam Zezu Krestu, də makra taka, də ma ɗəf taka.

Roma 9:1

An nədawnah kakaŋkəŋ na, gesiŋgi. Na Krestu nani, tepelke nədawa ɓa. Əmpəs Salala* tay zəm məlĩ aka wəɗum na makrawa, ndəni məzaw ku abe nəwə na tepelke ɓa.

Roma 9:5

ndəɗaŋgəŋ dəhiŋgiɗəm madabəŋ. Ko Krestu, səza əlfa neti. Usoko sən Maŋgəlva məs dəsan metiŋ aka zəga pakə, ha faɗə. Amin.

2Korintus 1:23

Maŋgəlvayi məgəɗ saydawa nawa, də ətaw kita akawa an tepelke nədawa. Nəɓəl wəzaw a Korintus vi dəsan sukum gən ɗəɗaah tagay ɓa.

2Korintus 1:3

Məgəɗ səm soko sən Maŋgəlva Affən Ɗəfdaya nam Zezu Krestu, vi Affən məwəl sahayi, ndəni Maŋgəlva məzu ɓətgəm pay pakə.

2Korintus 11:11

Vi mi nənah vas di? Vi nəŋgəlukum ɓa sa? Awwo Maŋgəlva asənka nəŋgəlukumko!

Galatiyen 1:20

An məs nəver sukuməŋka gesiŋgi, aba Maŋgəlvayi nədawnəha tepelke nəwə ɓa.

Efesus 1:3

Usoko sən Maŋgəlva Affən Ɗəfdaya nam Zezu Krestu. Apsəmək barkeɗ zemvit temtem pak sə disiŋ də Krestu.

Efesus 3:14

Vi vaski nədaw zuli sən Maŋgəlva, ndəni Affən an də goŋga.

Kolosi 1:3

Pay pak mənam tatə zuli vikum, mənam tatəɗɗa soko sən Maŋgəlva Affən Ɗəfdaya nam Zezu Krestu.

1Tesaloniki 2:5

Kəsənənka, nam məpel sukum ɗaah wən gə gənɗət na ma ɗəf ɓa, məɗaman ɗaah wənna mam va wəŋgla nawrəh deleɗ ɓa. Vasna Maŋgəlvayi saydawa namə.

1Timote 1:11

Wəsən məs dəde səza labara neneke məs məvaya, ndəni məs dədarban gakdak na Maŋgəlva, də mogon nan pakə.

1Timote 1:17

Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.

1Timote 6:16

Ndəni katər gən məza amta ɓa, tay san atəki babara, ɗəf tay nawɓap wəzar amaŋgavan ɓa, ɗəf tay dula ɗaah ɓa, ɗəf tay nawlan ɓa'a bo. Gakdak də sembe pak nani ha faɗə. Amin.

1Piyer 1:3

Məgəɗ sən soko sən Maŋgəlva, Affən Ɗəfdaya nam Zezu Krestu. Aɗɗak mogon nan azəmə, apsəmək zeŋgille meleketeni, vi asil gən Zezu Krestu sətəki əmta asan madarani. Aknahək makram də zəga nawga an də goŋga.