2Korintus 11:3 - Nouveau Testament en Guidar

³ Kəsənək va doho ambəɗat Hawwa də kuket nani, geslne arəmwək sən maɗulokum adawray vas ɓa, vi kədapanən əŋglu Krestu də goŋga də makrokum taka ɓa.

Bible en Guidar

³ Va dohõ ambəɗat Hawwa də kuket nani, geslne tay ədu na, maɗɗulokum adawray kappan moggoni gəm salala na Kristu ɓa.

2Korintus 11:3 ပူးပေါင်းရင်းမြစ်များ

Matiye 24:24

Vi messiyaɗe məwaŋ wənna dit məs kleŋɗe məwaŋ wən wazoŋ, waɗɗaŋ sokeneɗ diiɗa vi kaw zet ɗiiyen na Maŋgəlva aweli, va waɓapəni.

Yohanna 8:44

Ibilisayi affukum, mokum aka wəɗɗa an məs affukum aŋgələ. Ndəni məbay gəbaya daga wətəŋ nani, dənah ɗaah goŋga ɓa, goŋga taya makran ɓa. An munokum tatə peleŋ hĩnyaw, zəga nan kəgəmaŋ, vi məwə hĩnyawi vi affən hĩnyawyi.

Roma 12:8

Ɗəffan məpsən dəsəɓ siti gin ɗiiyi, say dəsəɓ siti. Ɗəffan dəŋgəl uɗakan arya nan dit ɗii meɓɓeti, say duɗakan gən də makran taka. Ɗəffan dərah dəsan gən daya, say dəzi gən zən aza wəza nani. Ɗəf məzə baah sit ɗii adəv bonoy, say dəɗɗa də zən neki.

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

2Korintus 11:20

Ko naway də kayan mokum va balemɗe munokum tatə ɓəsəni, ko azəmənək zəga nokum, an armukumənək də mazaɗə, azelekumənka, avərkumənka.

2Korintus 11:29

An ɗəf awlak zən mədakən, naw bo anula zu mədakwa. An ɗəf asbərka agəɗək mambray makraw bo wasaw sawɓa.

2Korintus 2:17

Ɗii diiɗa tahəŋ ulanən əpel na Maŋgəlva va zəga naɗɗa terere. Nam mənam tatəɗɗan vanet ɓa, vi Maŋgəlva aslən məka. Mənam tatəpel də makram taka aba Maŋgəlva, va məɗɗaŋ wəza sən Krestu.

2Korintus 4:2

Məsganək wəɗɗa məɗama də zəga na wil pakə. Məɗɗa wəza nan də kuket ɓa, məkpaŋgana əpel na Maŋgəlva ɓa'a. Amma mənam tatərban goŋga nan appaka ta'ə. Ko naway məzu kayan makran aba Maŋgəlva wanah na də goŋga mənani.

Galatiyen 1:6

Nəgətək akokum sawɓa də Wən Neneki məyukum vi kəsoŋ gən madorokum də mbəlembəle na Krestu. Amma yaŋ kəppanən ləŋ go'u, kəkpaŋgaŋ aza Wən Nenek maɓɓani.

Galatiyen 2:4

Yaŋ milmiŋgiɗəm məs tepelkeɗ azoŋ awaleŋgit ɗii na Maŋgəlva də kukete, aŋglaŋ wəskəl gən awra. Ɗii net azoŋguk awalaŋgəm va ɗii mulaŋ kətiya vi kiyəm an məs mərah də wəsler nam aza Zezu Krestu. Aŋglaŋ kakpaŋgamən belemɗe na ma henziŋ.

Galatiyen 3:1

Munokum Galatiyenɗe dərweŋge kənanaŋ! Nawa dəligukum di? Nərbanək ama horokum na Zezu amtək aka məzliwrihe.

Galatiyen 4:11

Geslne duwək vikum sawɓa, vi wəza an nəgəɗ vikum adawsan awalaŋkum ɗar ɓa.

Efesus 4:14

Vi məda sam dərɓagan va kirin muzliyeɗ naw rakam də wəsən na ɗəffa va səmnya dit vovolumɗe adaw kanən bəlay. An wətaf na ɗəf dəknah ɓa, asna məɗɗaŋ vurum wambəɗanən də sokene neti.

Efesus 4:22

Vi wənnani, say muɗak də ɗəf məsvani, va wənah na wəza nokum məsvanəŋka. Va məs kəsoŋ lahəŋka, wəsim zəga məzu mbəɗanən ɗəffa də wəzzani.

Efesus 6:24

Mbəlembəle na Maŋgəlva dəsan aket ɗii məs dəŋgluwən Ɗəfdaya nam Zezu Krestu də əŋgla məs awray ɓa.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Kolosi 2:4

Nədawnah sukum vasna, vi ɗəf adaw mbəɗokum də kuket nani, walla də wəpel na man ɓa.

Kolosi 2:8

Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

1Tesaloniki 3:5

Vini nəɓap wəɓəsən ɓa nəslənək Timote, vi nəsən gən wən nataf nokum, nam mənah na kuzuŋ Satan arokokumək soko, vi wəza nam adawsan ɗar mekeleŋ ɓa.

1Timote 1:3

Daga nədawmbat a Makedoniya, nəkomokuko, kəsok gən a Efesus. Ɗii meɓɓet sədak tahəŋ wərbanən zəga temtemi. Say anah sit dəppanən gən wənnani.

1Timote 2:14

Amma Adamu dəsban wərak ɓa, amma guluk nat təsbanək ha mba gən an məs Maŋgəlva aŋgələ.

2Timote 3:13

Amma məɗɗaŋ wəza mambraya, məs vurmɗe wambataŋ abe abe pay pak də mambray neti, wambəɗetin ɗii meɓɓeti, wambəɗanən zit tusso.

Titus 1:10

Vi ɗii tahəŋ diiɗa vadaysa net bo suwalaŋgi Yahudiyenɗe məs dətubiyaŋ, məɓoŋtiŋ məzu mbəɗetin ɗiiyəŋ də wən ɗar mekeleŋ.

Ibriɗe 13:9

Kədapetin ɗii dəzokumən gən səka tive na goŋga də zəga nawsən temtem məs dəde sə ma poho ɓa. Mogoni an zeŋgillem arahək sembe adəv mbəlembəle na Maŋgəlva məza də wəsban ma henziŋ net ɗii aka zəga nawzəm ɓa. Ɗii məzəsbanən ma henziŋ nani, dərəhən wətər wəray nan ɓa.

2Piyer 3:17

Amma munokum bayneŋgiɗwa, kəsənənək wənnan dabəŋ. Məzi zukum, vi ɗii məs aɓe'eŋ sənən Maŋgəlva ɓeŋ adawtoŋ gukumən adəv mambray net kapan wədaw nokum də sembe mogonəŋ ɓa.

2Piyer 3:3

Kəsənən gən tagay na, pay wəgrak dəlva, ɗii meɓɓet wazoŋ məzə soŋ adəv əŋgla na gəɓa ziti: Wamasaŋ akokum.

1Yohanna 2:18

Kirtuwa, wəgrak dələv go'oy. Kəsənənka məzuzel na Krestu wade: Yaŋ məzuzelnən Krestu azoŋguk diiɗa, vini məsən kana wəgrak dələv go'oy.

1Yohanna 4:1

Bayneŋgiɗu na makrawa, kədatafən gu'ləŋ ɗəf məzu pel sukum na tay də əmpəsa ɓa, say məsla əmpəs nani, na Maŋgəlvayi sa, vi məs kleŋɗe məwaŋ tepelke tahəŋ diiɗa aka dəlva.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.

Hənhən 12:15

Doho nak aporuk iŋkile sə baran va məlpa, vi dəkətən gən guluk nakə.

Hənhən 12:9

Yaŋ məsgan zəga darawən kan agisbe, ndəni doho məgalən, məs adawyaŋ na Ibilisa walla Satan, məzuzet ɗii na duniya pakə. Yaŋ məsgan aka dəlva fuŋ, dit maslayɗe nan pakə.

Hənhən 20:2

Armak zəga darawən, doho an məgalən, va wənah na Ibilisa walla Satan, aynanək dəgəɗ gən wəsva dubu taka.