2Korintus 11:1 - Nouveau Testament en Guidar

¹ Nəŋgəl na, kəɓəsən gən wənna dərwa nawa. Kamə əŋga məɓəsu ɗa.

Bible en Guidar

¹ Va a kəɓəsnən vadərwa naw kaka na, ya mənokum tat əɓəswən lahə.

2Korintus 11:1 ပူးပေါင်းရင်းမြစ်များ

Matiye 17:17

Zezu amna: Awlet kana munokum məs wətaf nokum tay diiɗa ɓa, məs mambrayɗe, pay gbəgbari nənzi də munokum kpak di? Məkki su wiyən vani.

Wəza net Masləŋɗe 18:14

Pol aŋgəl kawpele, amma Galliyo apsit Yahudiyenɗe na: An mambray maɓɓani, walla zəga mbrayen temme agəɗə, wanətaf uwəli nani, munokum Yahudiyenɗe.

Wəza net Masləŋɗe 26:29

Pol azlanək na: Ko gu'ləŋgə, ko məza gu'ləŋ ɓa, əntatə kaman Maŋgəlva isi dit ɗii məzapprəmən pak kəsoŋ gən va ina, amma məza mə daŋgayɗe ɓa.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

1Korintus 3:18

Ɗəf adazlaɓan zən ɓa, an ɗəf suwalaŋkum tayula zən va məsən zəga na duniya, say dəkpaŋ dərwa, vi dəsan gən məsən zəga.

1Korintus 4:10

Məkpaŋgək dərweŋge vi wənna Krestu, amma nokum məsənaŋ zəga kənanaŋ də Krestu. Nam mədakəm mənani, amma nokum guromɗe kənanaŋ. Nam məzeləm mənani, amma nokum məgakdakokumi.

1Korintus 4:8

Kakaŋ na kərəhənək zəga məs kəŋglaŋ pakə. Kəkpaŋgaŋgək məs aryeɗi, kəkpaŋgaŋgək məlĩyeŋge məza də mənam ɓa, nəŋgəl bo kəsoŋ gən məlĩyeŋge gesiŋ vi nam zlaŋ məsam gən məlĩyeŋge də munokum.

2Korintus 11:19

Munokum məsənaŋ zəga, munokum tatə ɓəsən də zukum neki, də əpprəm wənnet dərweŋge.

2Korintus 11:21

Wil tay duwən dawnahən: Adəv wəza an vaska, mədakəm mənani. Amma an ɗii meɓɓet ageslne'eŋ na daw kaɓ ɓa, naw bo nəgeslne na ɓa. Kakaŋ əntatə pel va dərwa.

2Korintus 11:4

Va an ɗəf adek annokumda, arban sukumək Krestu maban məs nərban sukumi ɓa, akəpprəmən gu ləŋgə. Akətafən əmpəs məs kərəhən səzam ɓa, akətafən labara nenek məs kəpprəmən ɗaah səmam ɓa.

2Korintus 12:11

Gesiŋ va dərwa nədaw pele, amma munokum kəɗɗaŋ suwən dewle nəpel gən vaska. Vi kəɗɗaŋ saydawa akaw va an dəslə ɓa. Vi ko əntat də zəga ɓa zlaŋ, əntat də tive naw saw dərɓeget mesliŋɗe nokum məs gugiriɗe ɓa.

2Korintus 5:13

An pay mbərən kulumənək va dərweŋge, sən Maŋgəlvayi məɗɗam vaska. Amma an mənam tat də maɗulamə, vikumi məsam də maɗulamə.

Ibriɗe 5:2

Waɓap ula saha aket ɗii məs tahəŋ də wəsən ɓa, məɗɗaŋ mambraya, vi ndən sən kini məverni aza zəga temtem diiɗa.