2Korintus 10:5 - Nouveau Testament en Guidar

⁵ Mənam tatəbzlu an məs ɗii ada gakdakanən zit dəndən mba gən əsən ana Maŋgəlva. Mənam tatə kpaŋgan əɗum net də əsgan a daŋgay, vi dəsbanən gən Krestu.

Bible en Guidar

⁵ gəm zəga məzutak əsən Maŋgəlva pakə. Mənam tat ərma əɗɗum pak kawkiyən dəɓe' səngən Kristu.

2Korintus 10:5 ပူးပေါင်းရင်းမြစ်များ

Matiye 15:19

Vi sə makra ɗəffi, wəɗum mbreyit adawgilyoŋ, tahəŋ wəmbəɗanən dəbay gən gəbaya, dəgəɗ gən mana'a ɗarɗarə wəhala, uwa wənna wəpel mbrayen azet ɗiiyi.

Luka 1:51

Aɗɗek wəzeɗe diiɗa də sembe na vanni, andolik məzu gakdakanən zit də wəɗum net pakə.

Roma 1:21

Asənənək Maŋgəlva, amma də gakdakanən va an dəslə ɓa, dəɗɗaŋ sənən soko ɓa. Vi wənnani kana, wəɗum net akpaŋgək dərwa, makret mbrayeni aknahək də guzliyo.

Roma 1:5

Vi wənnani, Maŋgəlva avay tive nəkpaŋ gən masləŋ nani, vi nəka gən Labara Nenek nan sit ɗii namba dələv pakə, dətafən gəni, dəpprəmən gən ma Maŋgəlva də wə gakdakan iya na Krestu.

Roma 16:26

Amma kakaŋ na, wən məɗama nak arbanək zən appaka də ɗerewel net məs kleŋɗe: Va dawka məs Maŋgəlva aɗi ha faɗə, apelik wənnan viyit ɗii namba dələv pak dəsənən gən wənnani, dətafən gəni, dəpprəmən gən mani.

Roma 7:23

Ma henziŋ nan tay gay də ma henziŋ an maɗulaw aŋgələ, yaŋ kan akpaŋgaw balam na mambraya, yaŋ kan ma henziŋ na mambray aska wəlla gəɓa zuwa.

1Korintus 1:19

Va məverin laŋka: Wanəzan wəsən net məsənaŋ zəga, wanəkpaŋgan zəga nawsən net zəga ɗarə.

1Korintus 3:19

Vi wəsən zəga na duniya, zəga na dərway ara Maŋgəlva, Ɗerewel amna: Maŋgəlva tayərme məsənaŋ zəga na duniya də mazaɗ na kuket net tusso.

2Korintus 11:20

Ko naway də kayan mokum va balemɗe munokum tatə ɓəsəni, ko azəmənək zəga nokum, an armukumənək də mazaɗə, azelekumənka, avərkumənka.

2Korintus 9:13

An zəga məs kəɗiyaŋ arbanək goŋga nokum, asna wagakdakanən Maŋgəlva, vi kəsbanənək saydawa na labara nenek na Krestu, kuɗakanənək zəga nokum dənɗaŋ dit ɗii pakə.

Filipi 4:7

Zam na Maŋgəlva dədayki zəga pak məs ɗəf adawɓap wəsəna, dəga makrokum də əmpəs nokum adəv Zezu Krestu.

2Tesaloniki 2:4

wazelen an məs ɗii adasbanən pakə, wazelen an məs ɗii adawlaŋ na Salali pakə, wasok zən vi kawray gən wənnəs pakə, wambat ha adəv gəla metiŋ naw zuliya* kawsan adak də wəɗi zən va Maŋgəlva.

2Tesaloniki 2:8

Ɗərɓagan kana, ɗəf mbrayen nak warban zən kana. Amma Zezu Ɗəfdaya nam wabay də əmpəs na mani, wazani pay adarban zən də wəziya nani.

Ibriɗe 4:12

Wəpel na Maŋgəlva madarani, də sembeyi. Adayək ki kafahi ko awandi pakə məs man sula gən nawtaw zəga. Nan wataw ha gap amet sleŋsleŋɗe də afunufunu. Va wənah na Zeŋgille də Əmpəsa. Nan bo tay taw kita aka wəsim zəga də wəɗum na makret ɗiiyi.

Ibriɗe 5:9

Adan Zezu agrak bonoy nan temtem də wəza nan pakə, akpaŋgək affən wəkoh an ha faɗə vi ko naway an məs dəpprəm mani.

1Piyer 1:2

Kəkpaŋgaŋgək muwelkum vi wənna əŋgla na Maŋgəlva Affən. Əmpəs nan aɗukumko kəsoŋ gən məzəsbanən Zezu Krestu, vi mbel nan dəskoɓ kumən gəni. Mbəlembəle də zam dənzlər sukum.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.