2Korintus 1:20 - Nouveau Testament en Guidar

²⁰ Gesiŋ Zezuwi vaski, ndəni ki əpel na Maŋgəlva pakə. Vi wənnani mədawnah na, amin bo vi kaw gakdakan Maŋgəlva.

Bible en Guidar

²⁰ Iynama na Maŋgəlva temtem pak ha'aw net addəvni. Vi dəndəni mədawnəh na Amin sən Maŋgəlva, vi gagdak nani.

2Korintus 1:20 ပူးပေါင်းရင်းမြစ်များ

Matiye 6:13

Ataɗmə vi Satan ada mbəɗamə, kapan wətaf nam ɓa. Amma agil gəm səva Satan. Vi məlĩ van noki də sembe də gakdaka, ha faɗə. Amin.

Luka 2:14

Gakdak aza Maŋgəlva na disiŋ, zam adek aka dəlva hagap azet ɗiiyen aŋgələ, gəm məs dəŋgluwən Maŋgəlva veti.

Yohanna 1:17

Maŋgəlva apsənək ma henziŋ ava Moyis, amma mbəlembəle nani də gegesiŋ nani arbanək də Zezu Krestu.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Yohanna 3:5

Zezu azlan sənəka: Gesiŋ nədawnah suko: An ɗəf duwə dit iŋkile gəm də Əmpəs ɓa, aɓap na wətoŋ məlĩ na Maŋgəlva ɓa.

Roma 11:36

Maŋgəlva azəməɗək zəga pakə, səzani zəga pak ade azani adaw milyoŋ pakə bo. Gakdak pak na Maŋgəlvayi ha faɗə. Amin!

Roma 6:23

Vi riba na mambray ndəni əmta, amma mbəlembəle məs Maŋgəlva adapsəmə, ndəni zeŋgille na suwa ha faɗə məs mərah də wəsler nam də Zezu Krestu Ɗəfdaya namə.

1Korintus 14:16

Amma an istatə gəɗ sən soko sən Maŋgəlva də əmpəs na, mbarmbari ɗəf məs na waloŋkum pay nakkal adaw sənən nawzlan Amin amba soko nan di? Vi dəsən va məpelin ɓa.

2Korintus 4:15

As pak adaɗɗa vasna, vikumi vi mbəlembəle na Maŋgəlva dəgap gən azet ɗii diiɗa, əŋɗa net dənzlər gəni. Vaski kan əŋɗa net ɗii məzəɗɗaŋ soko sən Maŋgəlva, dit məzu gakdakən adanzləra.

2Korintus 4:6

Daga far laŋka, Maŋgəlva anahək na: Say təki babar dəkasak ara guzliyo. Maŋgəlva vani, ndəni dəppan təki babar nan əkasak amakramə. Vi məsən gən gakdak na Maŋgəlva məs darban təki babar aka Krestu.

Galatiyen 3:22

Amma ɗerewel amna: Mambray tay zəm məlĩ aket ɗii na duniya pakə, vi wən məs Maŋgəlva aynan dəsan gən sit ɗiiyen dətafaŋ, vi atafənən Zezu Krestu.

Efesus 1:6

Mə gakdakan səm mbəlembəle nan məs məsam gərəŋ akani, məs andol səm də Wətən an tabuwa nani.

Efesus 2:7

Vaski kan adarban mbəlembəle nan məs dədayki zəga pak də metiŋgini. Duniya məs dədazan pak wawla mogon nan məs agəɗ səm də Zezu Krestu.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

2Tesaloniki 1:10

Wagəɗ vas pay adazan naka, an adek na vi ɗii nan wəgakdakanənni gəm wasan va sokene amaharet ɗii nan məs dətafəni vi pay nani. Nokum bo wakəsoŋ dənɗaŋ, vi kətafənək wən məs mərban sukum.

Ibriɗe 11:13

Ɗiiyis pak amtaŋgək də wətaf Maŋgəlva. Amma dərəhən an məs Maŋgəlva anah na wapsit naka ɓa, amma awlanənək zəga nani asɗanənək zəga nan səka faraɗa, wil didenən dasoŋ aka dələv net ɗii va malekeɗ a duniya ɓa.

Ibriɗe 13:8

Zezu Krestu məs dəsan na ɗəfɗaŋga də dəpaŋka wasan ha faɗə.

Ibriɗe 7:6

Malkisadaka bo nan zev Lewiyi ɓa, amma atafək klaw zəga səva Abraham, agəɗ sənək zəzay sən ɗəf məs dərah wən minan na Maŋgəlva.

1Piyer 1:12

Maŋgəlva arban sitik məs kleŋɗe na, wənəs məs das kəs na, net sən kiyit awlanən na ɓa, amma wənan vikumi. Yaŋ Wən Nenek nak agapək azokum kakaŋka na. Masləŋɗe məzu pel sukumən wənnəŋka anah sukumənək wənnani. Apel sukumənək də sembe na Əmpəs Salala məs dəde sə disiŋ. Ko maslayɗe bo met tayaka wəsən wənnəŋka.

1Yohanna 5:11

Apprəm saydawa na Maŋgəlva kana: Apsəmək zeŋgille nasuwa ha faɗə, zeŋgille van səza Wətən ade.

Hənhən 3:14

Aver wənnəŋ aza maslay net kretiyenɗe na Lawdikiya: Wən məs Amin məgəɗ saydawa də təstəssə də goŋga, ndəni slalway zəga məs Maŋgəlva azəməɗə, ndəni adawnah na:

Hənhən 7:12

yaŋ adawnahaŋ na: Amin, zəzay də gakdaka, də wəsəna də wəɗɗa soko, də wəɗi kiyən də sembe, də gurom pak na Maŋgəlva nami pay pakə ha faɗə. Amin.