1Timote 6:4 - Nouveau Testament en Guidar

⁴ asna kizən adawɗi ɗar mekeleŋ dəsən zəga ɓa. Dərway, wəbay ma adaŋgla də wəgaya aka wənnəska. Wən məs dədazan səza wənnəs bo ndəni: Kotoroku də wəgaya, də wənnassiya də wəsuwa nan mbrayen.

Bible en Guidar

⁴ asna əɓaygən kiya atipik harani, zəga tay asən ɓa. Əbay ma adaŋgla gəm ərma mama də wənəska. An məs dədazzan səza wənəska ndəni: Kotoroku, əgaya, əra gəm əssa mbərayən,

1Timote 6:4 ပူးပေါင်းရင်းမြစ်များ

Wəza net Masləŋɗe 15:2

Pol də Barnabas abayaŋgək ma dənɗaŋ diiɗa aka wənnəs sawɓa. Vini aslereŋ də Pol gəm Barnabas dit ɗii na Antakiya meɓɓeti, dəmbataŋ gən a Zerusalem wədawtawan wənnan dit masləŋɗe gəm ɗii gugiriɗ net Kretiyenɗe.

Wəza net Masləŋɗe 18:15

Amma adan wənnan aka wəbay ma aka wəpele, də iya, gəm aka ma henziŋ nokum, say munokum sən kikum mətaw kita nani.

Wəza net Masləŋɗe 8:9

Awalaŋ gəla metiŋ vani, ɗəf maɓɓan tayadaka, iya nan na Simoŋ. Ɗii na Samariya aɗɗaŋgək gərəŋ aka wəza nani. Amna, ndəni ɗəf metiŋgini.

Roma 12:16

Məsoŋ də wəsler awalaŋ zukum, kədaw kayaŋ gakdak aweleŋgit ɗii nokum ɓa. Ɗəɗaah mətaf wəza an məs tay də gakdak ɓa, kədaw ɗiyən ki zukum na va kəsənənək zəga pakə ɓa.

Roma 13:13

Say məgəɗ səm wəza məs dəslə azamə, vi ɗii na kapay mənani, məga səm zəm səza wəsmay mbrayen də wəbay na mbazla, də wəɗɗa polkoyo, də ɗarɗarə, də zəga mbrayen pakə, məppan səm wəgaya də kotoroku.

Roma 14:1

Ɗəffan tay də wətaf nan də sembe ɓa, mərma awaloŋkum, amma kədaw zelenən wəɗum nan ɓa.

Roma 2:8

Amma ɗii məs dəɓoŋgoŋ akani, dəsbanən goŋga nan ɓa, dəppanən zit sən zəga mbrayen, Maŋgəlva waki wədda gədəv nan də tattuwãh nan pak aketi.

1Korintus 11:16

An ɗəf tay dəŋgəl əbay ma aka wənnəs də ina, asna anənah sən na: Ko mənamə, ko kretiyenɗe na Maŋgəlva, mənam tat də matuya maɓɓan ɓa.

1Korintus 11:18

Dabəŋ nan na, nəpprəmək na kuɗakaŋgək temtem munokum kretiyenɗe. Mbərən na azaw na gesiŋgi.

1Korintus 3:18

Ɗəf adazlaɓan zən ɓa, an ɗəf suwalaŋkum tayula zən va məsən zəga na duniya, say dəkpaŋ dərwa, vi dəsan gən məsən zəga.

1Korintus 3:3

Vi ədaw nokum tay va net ɗii na duniya. Adan kotorok də əgay taya waloŋkum, vasna kərbanənək zukum na, ɗii na duniya kənanaŋ ɓa sa? Yo ədaw nokum bo ana gəɓa zə ɗəf aŋgəlli.

2Korintus 11:20

Ko naway də kayan mokum va balemɗe munokum tatə ɓəsəni, ko azəmənək zəga nokum, an armukumənək də mazaɗə, azelekumənka, avərkumənka.

Galatiyen 5:15

An menokum tatə zelin zukum, menokum tatə weharan zukum, wəzəm zukum va zigeɗ nawra. Məzi zukum vi kəɗasɗəkən zukum ɓa.

Galatiyen 5:26

Kədampaŋ sənən zukum ɓa, wədda gədəva də kotoroku adaw san ɗaah awaloŋkum ɓa.

Galatiyen 6:3

An ɗəf tayə ɗum na agapka, dəgap ko mi ɓa, dərwa na zən adaw mbəɗani.

Filipi 1:15

Ɗii meɓɓet wərbanən Krestu də kotorok nawa, ɗii meɓɓet bo də wəbay ma, ɗii meɓɓet bo tahəŋ wərbanən də mogoni.

Filipi 2:14

Adəv wəza nokum kəɗɗaŋ wərwər aka Maŋgəlva ɓa, kəɗɗaŋ kuzuŋ aka aŋgla nan ɓa.

Filipi 2:3

Ko mi adaɗɗa də wəgay ɓa, walla də wekaɓ ɓa, amma də wəɓegən ki zukum də ula ɗii meɓɓet day kiko.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

2Tesaloniki 2:4

wazelen an məs ɗii adasbanən pakə, wazelen an məs ɗii adawlaŋ na Salali pakə, wasok zən vi kawray gən wənnəs pakə, wambat ha adəv gəla metiŋ naw zuliya* kawsan adak də wəɗi zən va Maŋgəlva.

1Timote 1:4

Say dəppanən wəɗɗa wənnet ɗii laŋka də məɗama nani də zev ɗerewelɗe nawyan zit ɗar mekeleŋ. Vi wənnan wəbay ma adawki ɗarə, wənnan atərna wəray aza wəza na Maŋgəlva məs məsən də wətaf ɓa.

1Timote 1:7

Tahəŋ ulanən zit va məzərbanən dawka na Maŋgəlva, amma awsənən gabba an məs adawpeleŋ ɓa, awsənsn zəga məs adawziweŋ akan də sembe ɓa.

1Timote 3:6

An ɗəf nan kakaŋ atəŋ wəsban Maŋgəlva, kədawɗinən daya ɓa. An meleketeni adəv wənnani, kuzuŋ wagakdakan zəni. Asna Satan warah tive narmani, asna Maŋgəlva wataw kita akani.

2Timote 2:14

Aɗumon wənnəska, asəɓ sit ɗii na Maŋgəlva aba Maŋgəlva, adawgayaŋ aka wən ɓa. Wəgay nan bo atər na wəray ɓa, amma waray git ɗii məpprəmaŋ goŋga.

2Timote 2:23

Kədawnger də wəssoh an na dərwa də mogoni ɓaɓa, as nan wəgay adawsil gən kaaka'ə.

2Timote 3:4

Wasoŋ məzuzəmaŋ kiyit ɗiiyi, aɗumonən na wənna wəza net ɓa, amma waɗɗaŋ ana gakdakan ziti, waŋgluwən nenek na gəɓa zit dayki Maŋgəlva.

Titus 3:9

Amma wəbay ma net dərweŋge, də wəŋɗan wənna əlfa net dəhiŋgiɗmə, wənna wəgaya, də wəbay ma aka wənna ma henziŋ, məzi zukum azani atərna wəray ɓa wən ɗarri.

Yakob 1:19

Milmiŋgiɗu na makrawa: Məɗum aka wənnəŋka, ko naway dəpak sləman wəpprəm wənnəŋka, amma adaw gəm zən wəpel də kakara ɓa, adaw gəm zən wəda gədəv ɓa'a.

2Piyer 2:12

Amma ɗiiyeŋki tahəŋ va sluɗe nawra məza tahəŋ də wəsən ɓa, məzuwaŋ vi karmet kawbeti, tahəŋ wəranən an məs dəsənən ɓa, vaski adawzaŋ vanet sluɗe nawraski.

2Piyer 2:18

Tahəŋ wəpeleŋ wənnaɗi kizit ɗarə. Tahəŋ wəɗɗaŋ wəza də wəsim zəga na gəɓa zit də mambraya, vi karme ɗii məs dəgilyoŋ səzet ɗii məɗɗaŋ mambraya.

Zuda 1:10

Amma ɗiiyiŋki, tahəŋ əpeleŋ mbrayen aka zəga məs dəsənən ɓa. Tahəŋ əsbanən əsim zəga net va zəga mamanya nawra, gesiŋgi wəsim zəga nan wazeti.

Zuda 1:16

Ɗii veti, tahəŋ wəpeleŋ wərwər aket ɗii məs dəmbraŋ, tahəŋ wəɗi sitin mambraya. Tahəŋ əsbanən wəsim zəga net mbrayenəŋka, tahəŋ əgakdakanən ziti, tahəŋ wəɗiyən kiziti, vi dərəhaŋ gən an məs aŋglaŋ.

Hənhən 3:17

Yaŋ kəmna məs arya kənani, məgəɗ wəza mogon kənani, zəga tay dəmbər suk ɓa. Amma kəsənna adəv tattuwãh də wəzəm saha kənani ɓa, məs saha kənani, zuk mekeleŋ kənani, daŋgar kənani.