1Timote 6:20 - Nouveau Testament en Guidar

²⁰ Timote, arma wən məs nəpel sukəŋka. Azar səza wən məs ɗar mekeleŋ də wəbay ma net dərweŋge. Də an ɗii adawnahaŋ na ndəni wəsən an də goŋga.

Bible en Guidar

²⁰ Timote, arma wən an məɗi suko. Azar səza əpel məraygən wən na Maŋgəlva gəm səza əsən na uwa wəna.

1Timote 6:20 ပူးပေါင်းရင်းမြစ်များ

Wəza net Masləŋɗe 16:1

Pol ambatək a Derbe də Listira. Ɗəf na Maŋgəlva tayadaka, iya nan na, Timote, man bo Yahudiyenəktə ɗak na Maŋgəlvatə ɓa, amma affən na Grekki.

Wəza net Masləŋɗe 17:18

Ɗii məzərbaŋ zəga sit ɗii məs adawyaŋ na Epikuriyenɗe dit Sitoykoyenɗe bo, abayaŋgək ma dəndən. Ɗii meɓɓet aɓɗaŋ na: Mi məs wənnəŋ adaŋgla wənah di? Ɗii meɓɓet aɓɗaŋ na: Kuzuŋ matuya maɓɓan adaŋgla wərban soko. Adawnahaŋ vas na vi Pol adawnah wənna Zezu də wənna əsilyo net ɗii mimtiti.

Wəza net Masləŋɗe 17:21

Ɗii na Ateena dit melekeɗ məs dədasoŋ adak pakə, maɗulet pak say wəpprəm wən meleketeni, də wətawan wənnani.

Roma 1:22

Yaŋ adaw kaɓaŋ, azet na asənaŋgək zega, amma akpaŋgaŋgək dərweŋge.

Roma 3:2

Gesiŋ, tay də sləman diiɗa. Dabəŋ nani, Maŋgəlva apanək wəpel nan mogon aveti.

1Korintus 2:6

Intatərban zəga sit ɗii na Maŋgəlva məs dəsoŋ ɗii gugiriɗ də Əmpəs na Maŋgəlva. Amma əsən nan na duniyaŋki ɓa, walla sembe net ɗii məzəmaŋ məlĩn məs məɗiyit ka dəzaŋ gənəŋki ɓa.

1Korintus 3:19

Vi wəsən zəga na duniya, zəga na dərway ara Maŋgəlva, Ɗerewel amna: Maŋgəlva tayərme məsənaŋ zəga na duniya də mazaɗ na kuket net tusso.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

Kolosi 2:8

Məzi zukum ɗəf adaw mbəɗokum də zəga nawsən nan diiɗa ɓa, walla də zəga an narban ɗar mekeleŋ məs dəde səza wəɗum net ɗii kaaka ɓa'a. Zəga nani ndəni wəsən məs adawnəhaŋ na, wəsən aka wənna sembeɗ na disiŋ, aka wənna Krestuwi ɓa.

2Tesaloniki 1:4

Ha nam bo mənam tatəkaɓ aka wən nokum munokum kretiyenɗe na Maŋgəlva, vi an məs kədaw ɓəsaŋ də wətaf nokum məs kətafaŋ, ko adəv wərmama məs dəde azokum pakə, də wən tattuwãha, ya də as pak kəɓəsənka.

2Tesaloniki 2:15

Vi wənnəski kana, munokum milmiŋgiɗwa, məmpa tulkum adəvən, məɗi wən məs mərban sukum də letərəŋ akokum.

1Timote 1:11

Wəsən məs dəde səza labara neneke məs məvaya, ndəni məs dədarban gakdak na Maŋgəlva, də mogon nan pakə.

1Timote 1:2

Sən Timote wətu məs də goŋga adəv wətaf nəver səni. Maŋgəlva Affən də Ɗəfdaya nam Zezu Krestu dəpsukumən mbəlembəle də ula saha də zamə.

1Timote 1:4

Say dəppanən wəɗɗa wənnet ɗii laŋka də məɗama nani də zev ɗerewelɗe nawyan zit ɗar mekeleŋ. Vi wənnan wəbay ma adawki ɗarə, wənnan atərna wəray aza wəza na Maŋgəlva məs məsən də wətaf ɓa.

1Timote 1:6

Ɗii məɓɓet amzləhaŋgək ki tive mogoni, tahəŋ wəsbanən wənna tepelke.

1Timote 1:9

an dəsgət kiyən ɓa: Məɗɗani dawka viyit ɗii məzəɗɗaŋ an məs dəslə ɓa, say viyit məɗɗaŋ wəza mambray dit ɗii məɓoŋti, məs darawɗe, dit ɗii mbrayti, gəm ɗii məs apprəmən ma Maŋgəlva ɓa də zəga an salala* pakə, gəm ɗii məzu bayin affiŋgiti walla maymeti, dit məbayaŋ gəbaya.

1Timote 4:7

Amma wənna mamba ɗar mekeleŋ na, an va məs məduwilɗeŋge adawpeleŋ, say ataɗ zuk səzeti. Ataɗ zuk adəv geslne na Maŋgəlva.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

1Timote 6:14

Asban wənnəska, aga wənnan amakaroko məza də mbrayen akan ɓa, ha pay Ɗəfdaya nam Zezu Krestu adazani.

2Timote 2:1

Anoko wətuwa, asok zuko də mbəlembəle məs mərah də wəsap nam də Zezu Krestu.

2Timote 2:16

Azar səza wən ɗarɗarə, məs na wili, vi məɗɗaŋ wən vaska tahəŋ wəmbataŋ faraɗa də Maŋgəlva.

Titus 1:14

məza məɗumoŋ aka mamba net Yahudiyenɗe ɓa, dit ma henziŋɗe net ɗii məs na ɓoŋgitin ɗii səka goŋga ɓa.

Titus 1:4

Suki nədawver letərəŋka Titus, wətu an gesiŋ gesiŋ də wətafa. Maŋgəlva Affən, də Zezu Krestu məzukoh gəmə dəpsukun mbəlembəle də zamə.

Titus 1:9

Ɗəf məzərma wənna Maŋgəlva an məs asənə, vi dəsan gən ɗəf məs dəsən wəpel wənna Maŋgəlva, sit ɗiiyi də goŋga va an məs mərbani, də wəhãye məzu bayaŋ ma.

Titus 3:9

Amma wəbay ma net dərweŋge, də wəŋɗan wənna əlfa net dəhiŋgiɗmə, wənna wəgaya, də wəbay ma aka wənna ma henziŋ, məzi zukum azani atərna wəray ɓa wən ɗarri.

Hənhən 3:3

Aɗumon zəga məs kəyagani də zəga məs kəpprəmə, asban wənnani. Akpaŋgan makrok səza mambray noko. An kəŋger wəfɗaah ɓa, wanəde azok va mamal va mahala, məza is wəsən pay məs nəda zaw ɓa.