1Timote 6:2 - Nouveau Testament en Guidar

² Ko naway an balam na ɗəf kretiyen ni na, adawzelen vi asan məlmən ɓa. Say dəsok zən wəgəɗ sən wəza day dərəŋ də makran taka, vi daya nanəŋ ɗəf na Maŋgəlvayi, vi wəza net dəl gən abe vi ndəɗaŋgəŋ Maŋgəlva aŋgələ. Say arban wənnəska, apel wənnan azet kretiyenɗe.

Bible en Guidar

² En məs deyeɗe net məzutafaŋgə, adawzeletin vi assoŋ məlma ɓa. Dəsokən zit əgəɗ sit wəza day dərəŋgə, vi məzutafaŋgəŋgə gəm ɗiy məs Maŋgəlva aŋgələ dədawzəmən ma wəza moggon an adaɗɗaŋgə. Arban wənəska, asɓet ɗiy aka wən nani.

1Timote 6:2 ပူးပေါင်းရင်းမြစ်များ

Matiye 23:8

Amma nokum, kəda ngəmaŋ wəyəkum na mərbaŋ zəga ɓa, vi munokum pak məlma zukum kənanaŋ, munokum tat də mərbə zəga taka.

Matiye 25:40

Məlĩ wazlan sit na: Gesiŋ nədawnah sukum, ko mi məs kəɗɗaŋ sən taka nambet milmiŋgiɗu en muzliyeɗi su kəɗɗanəni.

Matiye 6:24

Ɗəf tay naɗɗa wəza viyit ɗii gugiriɗ sula ɓa. Wazel ɗəffaŋka waŋglu ɗəf andaka, wagakdakan ɗəf aŋka, wazelen ɗəf andaka. Kəɓapaŋ na wəɗɗa wəza sən Maŋgəlva də wəgay sit wənnet deleɗ pak ɓa.

Wəza net Masləŋɗe 1:15

Daska Piyer asilik aweleŋgit milmiŋgiɗin ɗii məkkalit gap səkat də kaklaw sula neki, anahka:

Roma 11:17

Kiva wəlaŋga maɓɓan məngohni səza hereme na weleŋgit wəleŋɗe. Ndəni mətipkum agəlani va meleketekum məs dəzoŋ səza hereme nawra. Kəsapaŋgək dit dembərgit Israyelɗe, munokum tatərəhaŋ sembe səza siwere na hereme ana waleŋgit wəleŋɗe məsgilti.

Roma 8:29

Daga far lahəŋki Maŋgəlva asinik ɗii nan məs awel pakə, vi dərəhaŋ gən wəkoh vana Wətəni, vi Krestu bo dəsan gən tizi abet milmiŋgiɗin diiɗa.

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

Efesus 1:1

Letərəŋka Pol dəsləna nan bo masləŋ na Zezu Krestuwi də wəŋgla na Maŋgəlva, azet ɗii na Maŋgəlva a Efesus, təstəssəŋ aza əsap də Zezu Krestu.

Efesus 1:15

Yo nəpprəmək wənna wətaf nokum məs kətafən Zezu Ɗəfdaya namə, də wəŋgla nokum viyit ɗii na Maŋgəlva pakə.

Efesus 3:6

Aŋki wən maɗama vani, də wəsap də Zezu Krestuwi ɗii məs dəsənən Maŋgəlva ɓa asoŋ ɗii nawrəh haran net səza zəzay na Maŋgəlva dakadaka dit Yahudiyenɗe, wakpaŋgaŋ geɓa zə Krestu, warəhaŋ zam məs Maŋgəlva annah na wapsit Israyelɗe. As pak də labara nenek adaɗɗa.

Kolosi 1:2

Letər nan azet ɗii na Maŋgəlva a Kolosiyen nəsləna, milmiŋgiɗəm məzəsbanən Krestu də goŋga. Maŋgəlva Affəm dəpsukum mbəlembəle də zam nani.

Kolosi 1:4

Məpprəmək wənnawtaf nokum məs kətafən Zezu Krestu, məpprəmək bo va kəŋliwin ɗii na Maŋgəlva pakə.

Kolosi 4:1

Munokum dayeɗe mərme balemɗe nokum də goŋga va an dəslə. Məɗumoni, nokum bo munokum tat də ɗəfdaya nokum a disiŋ.

2Tesaloniki 1:3

Munokum milmiŋgiɗwa, makram aknahəh də soko, say məgəɗ gən soko sən Maŋgəlva vikum, məza wəppan gabban ɓa. Wənnan aslək vaska, vi wətaf nokum bo tay ɓay sawɓa, əŋgla na walaŋ zukum bo tay mbat abe abe.

1Timote 4:11

Asəɓ sit ɗii məs dətafaŋ də wərban sit wənnani.

1Timote 5:1

Kədaw hayãn ɗəf metiŋ də hay ɓa. An wən tay nawhayãn akan na, say apel sən va affuko. Gewleɗ bo, ahayẽt va milmiŋgiɗko.

Titus 2:1

Amma noko apel an məs dəslə də wəsən an təstəssə,

Titus 2:15

Wən aski kan kədarbani, asəɓsiti, ahayẽti də sembe nok grakə. Kədapan ɗəf səmbet wəzelok ɓa.

Titus 3:8

Aŋki wəpel an fəkat van kana. Nəŋgələk kəsok gən də wənnəska, vi ɗii məs dətafən Maŋgəlva də ganən gən wəza mogon va adaɗɗaŋ, wənnəs mogoni, watər wəray azet ɗiiyi.

Ibriɗe 3:1

Munokum milmiŋgiɗu kretiyenɗe, məs Maŋgəlva ayə nawtoŋgukum məlĩ nani, məɗumon wənna Zezu an Maŋgəlva aslən dəsan gən daya net məs dəlveŋge də wətaf an məs mədarban wənanəŋka.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

1Piyer 5:1

Kakaŋ na, intatə səɓ sit ɗii gugiriɗ net kretiyenɗe suwaloŋkum, naw bo ɗəf daya nani. Məgəɗ saydawa na wəzəm saha na Krestu nani, wanərəh haran naw aza gakdak məs Maŋgəlva adarban səmə.

2Piyer 2:10

An dəday pak na, ɗiiyen məɗumoŋ aka wəsim zəga na gəɓa ziti mbrayen, dit məzu zelenən gakdak na Maŋgəlva. Ɗii mərbaŋ zəga na tepelkeŋki, aw geslne'eŋ ɓa, tahəŋ əgakdakanən ziti, tahəŋ əzeletin ɗii məs də gakdak sə disiŋ tahəŋ əretini.

Zuda 1:8

Vaski bo, ɗii məs dətoŋgoŋ awaloŋkum neki tahəŋ dit wəsineɗ məzu kenin wəɗɗa mambray də gəɓa ziti, tahəŋ əvərenin sembe na Maŋgəlva, tahəŋ əretin ɗii məs də gakdak sə disiŋ.