1Timote 6:18 - Nouveau Testament en Guidar

¹⁸ Anahsiti, dəɗɗaŋ gən mogoni, wəza dəsan gən arya neti dəsoŋ məzuvəlaŋ, də əbaahaŋ sitin ɗii meɓɓet də arya neti.

Bible en Guidar

¹⁸ Anah siti, dəɗɗaŋ moggoni, dəssoŋ məsaryeɗ net wəzeɗe lelewɗe, dəssoŋ məzuvəla, dəbbahaŋ sitin ɗiy meɓɓet də arya neti.

1Timote 6:18 ပူးပေါင်းရင်းမြစ်များ

Matiye 5:42

An ɗəf aŋgələk zəga apsəni, an ɗəf assohək dəmən kəl ɓoŋ ɓa.

Luka 12:21

Vas adawsan sən ɗəffan məkalan arya sən kiyən, dəkpaŋ məs arya aza Maŋgəlva ɓa.

Luka 3:11

Apsit na: Ɗəffan də lukutɗe sula say duɗakan də ɗəffan məs nan tay ɓa. Ɗəffan də zəga nawzəm tamə, say dəɗɗa vaska'a.

Wəza net Masləŋɗe 10:38

Kəsəŋgənək labara na Zezu na Nazaret, məs Maŋgəlva apsən sembe na Əmpəs Salala. Abalək ko aŋga wəɗɗa wəza mogoni, ambəl gitik ɗii məs Satan adawzəm git saha pakə, vi Maŋgəlva tay dəndən.

Wəza net Masləŋɗe 11:29

Gewleɗ aɗumoŋguk ko naway wəslən zəga va arah na baah sit ɗii na Maŋgəlva a Zude.

Wəza net Masləŋɗe 9:36

Awalaŋ gəla na Zoppe, ɗak tatadaka, iya nat na Tabita, ɗak na Maŋgəlva tə. (Də manet Grekɗe na iya nat na Dorkas, va wənah na mune). Pay pak tatəɗɗa wəza mogoni, tatə baah sit məzurayɗe.

Roma 12:13

Məbaah sit milmiŋgiɗkum də arya nokum azani, mətef melekeɗ eŋgil annokum da lewlewi.

Roma 12:8

Ɗəffan məpsən dəsəɓ siti gin ɗiiyi, say dəsəɓ siti. Ɗəffan dəŋgəl uɗakan arya nan dit ɗii meɓɓeti, say duɗakan gən də makran taka. Ɗəffan dərah dəsan gən daya, say dəzi gən zən aza wəza nani. Ɗəf məzə baah sit ɗii adəv bonoy, say dəɗɗa də zən neki.

1Korintus 16:2

Pay Alat pak ko naway dəzaɓ deleɗ suɗike va an məs arahə Məzeɓet lelewi ha pay nədazawa. Asna nan wəray tay natəŋ əkkelet əmpa ɓa.

2Korintus 8:12

An kəsokənək zukum əɗi zəga nani, Maŋgəlva wataf məs kəɗiyaŋ. Maŋgəlva tay sohon an məs kərəhaŋ, zəga məs taya vokum ɓa assohon na ɓa.

2Korintus 8:9

Kəsənənək mbəlembəle məs Ɗəfdaya nam Zezu Krestu agəɗ sukum. Ko də asan məs arya zlaŋ, aɗiyək zən va məs saha vi wən nokum, vi kakpaŋgokum məs aryeɗ də saha nani.

Galatiyen 6:10

Vi vaski an mərahək pay nan na, məgəɗ səm mogon azet ɗii pakə, an dəday əmpana azet milmiŋgiɗəm en məs dətafaŋgə.

Efesus 4:28

An ɗəf məhaliay lahəŋka, adaw hal ɗaah ɓa, amma ɗəɗaah dəgəɗ wəza devan va an dəslə azani, dərah gən an məs ada baah sən məs saha.

1Timote 5:10

Say ɗak nat wəza mogon nat dərbat gəni, məs təɓay git kirtət mogoni, məzu taf melekeɗi, məzəskoɓ təlit ɗii na Maŋgəlva, məzəbaah sit ɗii adəv saha neti, təsat məgəɗ zev wəza mogon pakə.

Titus 2:14

Nan apanək kiyən vimə, vi kamam səka mambray nam pakə, də wəɗɗəm ɗii nan məs akpaŋget salala*, tay də kotorok na wəza mogoni.

Titus 3:8

Aŋki wəpel an fəkat van kana. Nəŋgələk kəsok gən də wənnəska, vi ɗii məs dətafən Maŋgəlva də ganən gən wəza mogon va adaɗɗaŋ, wənnəs mogoni, watər wəray azet ɗiiyi.

Ibriɗe 13:16

Kədasgətaŋ ki wəɗɗa mogon ɓa. Məbaah sən zukum, ndəni sazlaga an məs Maŋgəlva aŋgələ.

Yakob 2:5

Milmiŋgiɗu na makrawa, məpak sləmokum amba wəpel nawa. Maŋgəlva awelik məs saheŋɗe na zəga na duniya dəsoŋ gən məs aryeɗ də wətaf Zezu Krestu: Vi dəsoŋ gən adəv məlĩ na Maŋgəlva va an məs anah na wapsit ɗii məs dəŋgluwəni.

1Piyer 3:11

Say dəppan gən mbrayen dəgəɗ mogoni, dəkayan gən zam də gurom nan pakə.

1Yohanna 3:17

An ɗəf tay də arya avani, awlak məlmən tay də wəray na zəga, amma akpaŋganək gəɓan səni dəbaah sən ɓa, ya ɗəffəs tay də əŋgla na Maŋgəlva amakran sa?

3Yohanna 1:11

Baynaw na makrawa, kədasban wəɗɗa mambray ɓa, say asban wəɗɗa mogoni. Ɗəf məgəɗ mogon pak Wətən Maŋgəlvayi, amma məgəɗ mambray na, nan dəɓəl əsən Maŋgəlva ɓa.