1Timote 6:16 - Nouveau Testament en Guidar

¹⁶ Ndəni katər gən məza amta ɓa, tay san atəki babara, ɗəf tay nawɓap wəzar amaŋgavan ɓa, ɗəf tay dula ɗaah ɓa, ɗəf tay nawlan ɓa'a bo. Gakdak də sembe pak nani ha faɗə. Amin.

Bible en Guidar

¹⁶ Ndəni takərgən məza amta ɓa, tay addəv əkeɗeɗe məs ɗəf aɓap əgap azan ɓa, ɗəf tay dula ɓa, ɗəf tay nawɓap ulan ɓa'a. Gagdak də əzəm məlĩ nani hã faɗə. Amin.

1Timote 6:16 ပူးပေါင်းရင်းမြစ်များ

Yohanna 1:18

Ɗəf tay dula ɗaah Maŋgəlva ɓa. Amma Wətən məs taka, an dəsan də Affən, ndəni dərban səm Maŋgəlva.

Yohanna 14:9

Zezu apsən na: Filip nənziyək də munokum diiɗa, yaŋ kəmna kəsənu ɓa? Ko naway duluwa, awlak Affuwa. Vi mi kənah na arban səm Affuko di?

Yohanna 6:46

Amma as bo tay va wənah na, ɗəf awlak Maŋgəlva ɓa, say məs dəde səza Maŋgəlva, ndən katər gən dula Maŋgəlva.

Yohanna 8:58

Zezu azlansitike: Gesiŋ nədawnah sukum: Daga məwani Abraham ɓa, əntatə.

Efesus 3:21

Gakdak sən Maŋgəlva məs nadev wəkkal net ɗii na Maŋgəlva də wəza na Zezu Krestu, də wənziya nan pak də pay pakə. Amin.

Filipi 4:20

Gakdak na Maŋgəlva Affəni ha faɗə. Amin.

Kolosi 1:15

Krestu tayərban səm Maŋgəlva məs awlanən ɓa, vi Krestu van agilik va ndəni. Ndəni Tizi na zəga məs Maŋgəlva azəməɗ pakə.

1Timote 1:17

Maŋgəlvayi məlĩ an ha faɗə, məza amta ɓa, məs kaw ɓappi ulan ɓa, ndəni Maŋgəlva tətaka katər gəni. Məs dəsan də gakdak ha faɗə. Amin.

Ibriɗe 13:8

Zezu Krestu məs dəsan na ɗəfɗaŋga də dəpaŋka wasan ha faɗə.

Yakob 1:17

Əvəl mogoni də an Maŋgəlva adapsəmə, pak sə disiŋ ade, zəga nan səza Maŋgəlva ade, məs dəzəmiɗ zigeɗ məzu kasakaŋ pak a disiŋ. Maŋgəlva nan akpaŋ na ɓa, va zigeɗis ada kpaŋgaŋ wəpanən guzli ɓa.

1Yohanna 1:5

Aŋki labara an məs məpprəm səza Zezu Krestu, annani mədarban sukum: Maŋgəlvayi təki babara, guzli taya zan ko suɗike ɓa.

1Yohanna 1:7

Amma an mənam tatə daw ara təki babara va Maŋgəlva sən kiyən asan atəki babara, asna məsappək awalaŋ zəmə, mbel na Wətən waviyanən mambray nam pakə.

1Yohanna 4:12

Ɗəf tay dula ɗaah Maŋgəlva ɓa. Amma an məŋglumək zəmə, asna Maŋgəlva wasan də mənamə, wəŋgla nan bo wagəɗ wəza amakram an məs aŋgəl pakə.

Zuda 1:25

Ndəni Maŋgəlva taka, ndəni dəkoh gəm də Zezu Krestu Ɗəfdaya namə. Gakdak pak nani, də daya daga far farə, vaski dəpaŋka, wasan ha faɗə. Amin.

Hənhən 1:6

Aɗɗəmək məlĩyeŋge məs dəlveŋge, ka məgəɗ gən wəza vi Maŋgəlva. Affən gakdak də sembe pak dəsan na Zezu Krestu ha faɗə. Amin.

Hənhən 1:8

Ɗəfdaya Maŋgəlva amna: Amin. Əntə A, əntə Z. Ɗəf məs kakaŋka, məs laŋka'a, də məs dədazani.

Hənhən 21:3

Nəpprəmək wəla ɗəf də sembe aka mazaŋga na məlĩya, yaŋ adawnah na: Kəti nasuwa na Maŋgəlva aweleŋgit ɗiiyi! Wasan dənɗaŋ wasoŋ ka ɗii nani, Maŋgəlva sən kiyən wasan dənɗaŋ, wasan Maŋgəlva neti.

Hənhən 22:5

Dəfəɗ taya dak ɓa, wəray tay na pitirla adak ɓa, walla na pay ɓa, vi Ɗəfdaya Maŋgəlva sən kiyən wasan təki babar neti. Wazəmaŋ məlĩ ha dudan.

Hənhən 4:11

Aw Ɗəfdaya namə Maŋgəlva namə, əstə kəgap nawtaf gakdak də wəɗi kiyuk də sembe. Vi əstə kəzməɗ zəga pakə, də əŋgla naki zəga pak asan madarani.

Hənhən 7:12

yaŋ adawnahaŋ na: Amin, zəzay də gakdaka, də wəsəna də wəɗɗa soko, də wəɗi kiyən də sembe, də gurom pak na Maŋgəlva nami pay pakə ha faɗə. Amin.