1Timote 6:14 - Nouveau Testament en Guidar

¹⁴ Asban wənnəska, aga wənnan amakaroko məza də mbrayen akan ɓa, ha pay Ɗəfdaya nam Zezu Krestu adazani.

Bible en Guidar

¹⁴ Nok arma wənəs a mokroko məza mbərayən azan ɓa, məza nawrəh əpel akan ɓa hã gap pay Daya nam Yesu Kristu adarban zəni.

1Timote 6:14 ပူးပေါင်းရင်းမြစ်များ

1Korintus 1:8

Ndəni naw ziw gukum ha gap wəgrak nani, vi adawpeleŋ mbrayen akokum pay naziya na Ɗəfdaya nam Zezu Krestu ɓa.

Efesus 5:27

Manaka wəkpaŋget ke ɗii na Maŋgəlva va ndən də mogon nan pakə, məza də mambray ɓa, ko darnyaw awandi pak taya zet ɓa. Amma salalaŋ, lewleweŋ məza də gəla voɗoko azet ɓa.

Filipi 1:10

Vi kəgapaŋ gen na welen an mogoni, vas bo kəsoŋ gən salala*, məza də mambray ɓa, ha gap pay na Krestu adawtaw kita.

Filipi 1:6

Nəsənək fəkat Maŋgəlva dətəŋ wəza mogon amakrokum, wadaw dəndən ha gap wəgrakən də pay məs Zezu Krestu adazzani.

Filipi 2:15

Vi kəsoŋ gən salala* məza də mambray azokum ɓa, kirtin Maŋgəlva, məza də mambray azokum ɓa, aweleŋgit ɗii na duniya ɗəɗerɗe mes mbreyit naka dəlviŋki. Kəkasakaŋ gən aweleŋgit va ngərzleɗi.

Kolosi 1:22

Amma kakaŋ kana, Maŋgəlva sən kiyən azaɓanək wən nokum, də Wətəni, akpaŋgək ɗəffa, amtəka, vini kan kəkpaŋgaŋ ɗii nan təstəssə məza də mambray azokum ɓa.

Kolosi 4:17

Mənah sən Arkippas dəsok zən wəɗɗa wəza məs Ɗəfdaya apsəni.

1Tesaloniki 3:13

Vi dəsɓan gən mokrokum məza vi kəziweŋ gən aba Maŋgəlva Affəmə, də mambray ɓa salala* aba Maŋgəlva Ɗəfdaya namə, pay wəziya na Ɗəfdaya nam Zezu adazani dit maslayɗe nan məs salala.

1Tesaloniki 5:23

Maŋgəlva məs dədapsəm zamə, ndən sən kiyən də ɗikum ɗii təstəssə, dəga sukum əmpəs nokum də ma genegenekum də gəɓa zukum pakə, məza də mambray ɓa ha gap pay naziya na Ɗəfdaya nam Zezu Krestu.

2Tesaloniki 2:1

Milmiŋgiɗmə, munokum tatə ganən Ɗəfdaya nam Zezu Krestu pay adazani waməkkal azani, amma mənam tatə kamokum.

2Tesaloniki 2:8

Ɗərɓagan kana, ɗəf mbrayen nak warban zən kana. Amma Zezu Ɗəfdaya nam wabay də əmpəs na mani, wazani pay adarban zən də wəziya nani.

1Timote 6:20

Timote, arma wən məs nəpel sukəŋka. Azar səza wən məs ɗar mekeleŋ də wəbay ma net dərweŋge. Də an ɗii adawnahaŋ na ndəni wəsən an də goŋga.

2Timote 4:1

Intatə komoko aba Maŋgəlva də Zezu Krestu məs dəda taw kita aket ɗii mimtiti dit mederet pakə. Wade gesiŋ vi kawziwgin məlĩ nani. Vini kan nənah suk na:

Titus 2:13

Mənam tatə ga an mədaɗum akani, tay də nenek akan də wərban akdak na, Maŋgəlva metiŋgini, də məzukohgəm Zezu kertu.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Ibriɗe 9:28

Vaski bo Krestu apsən zeŋgillen təl taka vi kaskoɓ mambray net ɗii diiɗa səka dəlva, warban zən ma sula'ən, ya nan vi kapay mambrayi əmpa ɓa, amma vi kawkoh git ɗii məs dədawganəni.

1Piyer 1:19

Amma kərəhənək kikum də mbel na Krestu sən kiyən məs azi də tattuwãha, məs dəsan va time botol məza mbrayen azan ɓa, məza haramba azan ɓa.

1Piyer 1:7

Wəzəm saha nan ade na vi kawsla wətaf nokum, gesiŋgi sa. Vaski bo va təbəs na meleŋge məs asna ha faɗ dərəŋ ɓa məslani də offo, vaski bo wətaf nokum tay də sləman dayki təbəssa, məsla wətaf nokum na vi kawla kəkərtəh nani. Vi kərəhaŋ gən wəɗi sukum kikum də gakdaka də sləmokum pay Zezu Krestu adazani.

2Piyer 2:21

Ɗəɗaah va dəsənən tive an təstəs ɓa, ki asənənka, ya dəsbanən ɓa, apanənək ma henziŋ nan məs apsiti.

2Piyer 3:14

Vi vaski bayneŋgiɗwa, dawga pay naməŋka məsok zukum kəsoŋ gən salala, məza də mambray azokum ɓa aba Maŋgəlva, məsoŋ zay dəndəni.

2Piyer 3:2

Nəŋgəl na kəɗumonən gən wən an məs kleŋɗe salala apeleŋ lahəŋka, də dawka na Ɗəfdaya məzu koh gəmə, də əpel məs ɗii məsliŋgit azokum aki sukuməni.

1Yohanna 3:2

Bayneŋgiɗwa, kakaŋ na kirtin Maŋgəlva mənani, an va mədakpaŋ səɓan abe na məsən tagay ɓa. Amma məsənka pay Krestu adazan na, waməsam va ndəni, vi mulak va asani.

Zuda 1:24

Maŋgəlva waɓap wəgukum səza zəga pakə, kəzaŋ na ki tive ɓa, wagəm mambray nokum pakə, wakpaŋgokum salala, wakəzoŋ wizu aban adəv gakdak nan də wanekən zukum diiɗa.

Hənhən 1:7

Awla tayəzan aka slay buna, ɗii pak wawlanəni. Dit ɗii məs dəppanən wənnan pak zlaŋ wawlanəni. Ɗii naka dələv pak waskaŋ morkoyo aka wənna əziya nani. Vaski wagəɗ vaska.