1Timote 5:17 - Nouveau Testament en Guidar

¹⁷ Ɗii gugiriɗ net kretiyenɗe məɗɗaŋ wəza mogoni, net agapaŋgək nawrəh zəga agəla iya net təɓələn sula, an dəday pak van əmpa na məzu peleŋ wənna Maŋgəlva sit ɗii də wərbansiti.

Bible en Guidar

¹⁷ Ɗiy məsɓet en mədawgənən wəza moggon na, adahək nawfaɗ sit təl sula, sasak en məzuyaŋ addəv ərbawəna gəm əɗɗa əyaka.

1Timote 5:17 ပူးပေါင်းရင်းမြစ်များ

Matiye 24:25

Nənah sukumək dabəŋg, məpprəm lewlewi.

Luka 10:7

Məsuwaŋ adəv gəla an mətaf kum pakə, məzəma məsaa an məpsukum pakə. Vi məgəɗ wəza aslək dərah gən iya nani. Kədawzaraŋ sədəv gəla aŋka, adəv gəla maɓɓan ɓa.

Luka 12:42

Ɗəfdaya azlanka: Məgəɗ wəza awani mogonəŋ di, de maɗulanəŋ di? Məs daya nan aɗi aket məɗɗaŋ wəza nani vi dəpsiti gin zəga nawzəm də pay nani.

Yohanna 4:38

Nəslən kumək wəbəl aki məs kəɗɗaŋ wəza ɓa, ɗii meɓɓet dəɗɗanəni, nokum tamə watəraŋ wəray də wəza neti.

Wəza net Masləŋɗe 11:30

Aslənənək Barnabas də Sol də zəga məs akkalaŋ sit ɗii gugiriɗ na Maŋgəlva a Zuda.

Wəza net Masləŋɗe 20:35

Zəga pak nərban sukumko say məbaah sit ɗii mədekti də zev wəzaska, məɗumon səm wənna Ɗəfdaya sən kiyən anah na: Ɗəf məs dəpsən zəga sən ɗəffa, ndəni zən nek dayki ɗəf məs dərah zəga.

Wəza net Masləŋɗe 28:10

Aɗɗaŋ səmənək gakdak də tive temtem diiɗa. Adan mədawtoŋ adəv bəlay vi kawmbata, apsəmənək zəga məs wəray nam azan aka tive na malaka pakə.

Roma 12:8

Ɗəffan məpsən dəsəɓ siti gin ɗiiyi, say dəsəɓ siti. Ɗəffan dəŋgəl uɗakan arya nan dit ɗii meɓɓeti, say duɗakan gən də makran taka. Ɗəffan dərah dəsan gən daya, say dəzi gən zən aza wəza nani. Ɗəf məzə baah sit ɗii adəv bonoy, say dəɗɗa də zən neki.

Roma 15:27

Aɗumoŋgək aka wənnan kaɗɗan də mekret taka wənnan taya zet va dewle na baah sit ɗii məsaheŋɗe də zəga, vi ɗii na Maŋgəlva Yahudiyenɗe na Zerusalem awɗakanənək zəga mogon net na Əmpəsa dit ɗii məs Yahudiyenɗeŋ ɓa, ndəni tam bo ɗii na Maŋgəlva məs Yahudiyenɗeŋ ɓa, adaw ɗakanən zəga na gəɓa zə ɗəf tam dit Yahudiyenɗe.

Roma 16:12

Məsɗat Tarifayna dət Tarifusu, milmiŋgiɗəm məɗɗaŋ wəza na Ɗəfdaya. Məsɗat Perris, məlməmə akən məs məŋgələ məgəɗ sən wəza diiɗa sən Ɗəfdaya.

1Korintus 15:10

Amma vi mbəlembəle na Maŋgəlvayi nəkpaŋ masləŋ, mbəlembəle nan məs dəsan akawəŋ tay ɗar mekeleŋ ɓa. Nəgəɗək wəza daykiyit masləŋɗe pakə, va wənah na in nəɗɗa ɓa, amma mbəlembəle na Maŋgəlva məs namakraw dəɗɗa.

1Korintus 16:16

Intatə kamokum məɓe sit ɗiiyen veski, ndəɗaŋ dit məɗɗaŋ wəza pak tahəŋ wəsokən ziti.

1Korintus 3:9

Sula gəm pak ɗii məɗɗaŋ wəza na Maŋgəlva mənani, munokumtə guli na Maŋgəlva. Də wən məkpaŋga maɓɓan bo: Munokumtə bo gəla na Maŋgəlva.

2Korintus 6:1

Namə məɗɗaŋ wəza də Maŋgəlva mənani. Vini məda komokum: Kərəhaŋgək mbəlembəle na Maŋgəlva, məzi zukum adawza səvokum ɓa.

Galatiyen 6:6

Ɗəf məzu yagan zəga say duɗakan zəga nan də ɗəf məzərban səni.

Filipi 2:16

Mərma wənna koh nokum vi nəɗɗi gən kikum pay naziya na Zezu Krestu. Vi wəza nawa, də wəzəm saha nawa, tay ɗar mekeleŋ ɓa.

Filipi 2:29

Vi vaski mətaf də zukum neki vi Ɗəfdaya, məgakdeket ɗiiyen va ndən nəska.

Filipi 4:3

Ya nok bo is məzəɗɗa wəza də inkəŋkə, əntatə kamoko: Abaahsit gil məzəɗɗaŋ wəza na Wən Nenek də inəŋki gəm Kelemaŋ dit ɗii dambərgit məɗɗaŋ wəza də ina, iya net tayadəv ɗerewel na zeŋgille.

1Timote 3:5

An ɗəf dəsən wəziw gən gəla nan mogon ɓana mbari adaw ɓap wəge kretiyenɗe na Maŋgəlva di?

1Timote 4:10

Vini kan mədaɗɗa wəza, mədawgay də wənnani, vini mədaɗi wəɗum nawrəh wəkoh aza Maŋgəlva məs madarani. Ndəni nawkoh git ɗii pakə, ɗiiyen nawkoh git day bo məs dətafən Krestu.

1Timote 4:14

Kədawzla ki an Əmpəs na Maŋgəlva apsuk daga məpel wənnet məs kleŋɗe akok dit kretiyenɗe ayukun aka wəza, də ɗii gugiriɗ net kretiyenɗe aɗiyən vet akokəŋka, kədapan wənnan ɓa.

1Timote 4:16

Azi zuko, azi zuk aza zəga məs kədarbani. An kəsbanək wəɗɗan mogoni, wakəkoh gən ki zuko, dit ɗii məzapprəmən wən nok pakə.

1Timote 4:6

An kərbanək wənnəŋ sit milmiŋgiɗko, asna məgəɗ wəza na Krestu mogon kənani, vasna istatərban na, istatə zəm gən zeŋgillok də wəpel na Maŋgəlva də wətafa də zəga nawsən an də goŋga, an məs kərma wənnan də sembe.

1Timote 5:19

Kədawtaf kita aka daya net kretiyenɗe ɓa, say də saydawa sula walla hoku, vasna wənnan wasan gesiŋ.

1Timote 5:3

Agakdeket gil net gəbayɗe, abaah siti an awrəhaŋ wəbaah səzet ɗii neŋgil annetda ɓa.

2Timote 2:6

Məzənse bo tay zəm saha diiɗa. Vini adahək na dəzəm gən zəga an dəsoɓ sə guli nan dabəŋ.

2Timote 4:2

Arban wənna Maŋgəlva zuk soksoku, ko an məs zit nek dəndən, ko an məs zit tay nek dəndən ɓa. Agil gən sit mbrayen neti, asəɓ siti də wəsɓeti, aboton sit gabban də wəɓəsən pakə.

Ibriɗe 13:17

Məpprəm met ɗii gugiriɗ nokum də wəsban tive məs adarban sukuməni. Tahəŋ wəganən zeŋgillekum məza wəfet ɓa, vi waŋɗanən wəza net sən Maŋgəlva. An munokum tatəpprəmən meti, waɗɗanən wəza nan də zit neki, an tay vas ɓana, waɗɗanən wəza net də wərwər amekreti, ya an tay vas na, kərəhaŋ na riba ko suɗike ɓa.

Ibriɗe 13:24

Məsɗet ɗii gugiriɗ nokum pak məzərban sukumən wənna Maŋgəlva, məsɗet ɗii na Maŋgəlva pakə. Milmiŋgiɗəm naka dələv na Italiya asɗokumənka.

Ibriɗe 13:7

Məɗumon wənnet ɗii gugiriɗ mərbaŋ sukumən wənna Maŋgəlva lahəŋka. Məɗumon va asoŋ laŋka, va amtaŋ, məsban wətaf neti.