1Timote 4:8 - Nouveau Testament en Guidar

⁸ Wəɗi ki zə ɗəffa wətər wəray nan suɗikeyi, amma geslne na Maŋgəlva watər wəray ko aza zəga pakə. Wapsəm zeŋgille kakaŋka, də adəv pay məs dədazani.

Bible en Guidar

⁸ Vi əsərəkgən zə ɗəfa ətərwəray nan siɗikke yi, ya geslne na Maŋgəlva na, tay ətərwəray aza zəga pakə. Tay də iynama na zeŋgile kakaŋka, gəm an nazzani.

1Timote 4:8 ပူးပေါင်းရင်းမြစ်များ

Matiye 12:32

Ko məs dəpel mbrayen aka Wətən Ɗəffa* warah wəviyan mbrayen nani, amma məs dəzelen Əmpəs Salala, arah na wəviyan mambray nan ɓa sam. Ko pay an kakaŋka, ko pay an dədazani.

Matiye 19:29

Ko mədəŋgaŋ dəpanən gəla neti milmiŋgiɗit mezeŋgilleketi, dit muguluŋgiti dit migilti dit kirtiti gəm gulyeŋɗe neti viwa, warəhən təl səkatə, warəhaŋ zeŋgille məza agrak na ɓa'e.

Matiye 6:33

Məgaysən məlĩ na Maŋgəlva dabəŋ də əŋgla nani, asna wapsukum an dəmbər pakə. Kədawkayaŋ vi pumpum ɓa, vi pumpum wasən kini, tattuwãh an də dazan pay pak məkki sən pay nani.

Markus 10:30

Fəkat warah riba təɓələn səkatə adəv pay an nanziya an kakaŋka, gəleɗe, milmiŋgiɗin, maay mani, kirni, gulyo, dəwərma mama pakə. Pay wənziya an dədazani warəh zeŋgillen məza agrak na ɓa.

Luka 5:38

Amma aslək na, wəzi mbazla məza dəhəs ɓa adəv kenekene meleketeni.

Roma 8:28

Məsənka an ɗəf aŋgluwək Maŋgəlva, asna zəga məs Maŋgəlva agəɗ pak wasan zəga mogon azani, an məs Maŋgəlva aɗum sən də əŋgla nani.

1Korintus 3:22

Ya ko Pol, ko Apollos, walla Piyer, walla duniya, walla zeŋgille, walla əmta, də ənziya an kakaŋka də an nawmbat abe pak nokumi,

1Korintus 8:8

Ya zəga nawzəm azaɓan na wənnam aba Maŋgəlva ɓa. An məzəm ɓa gakdak nam amndan na dərɓe ɓa, an məzəmka, gakdak nam anzlərna akan ɓa.

1Timote 4:7

Amma wənna mamba ɗar mekeleŋ na, an va məs məduwilɗeŋge adawpeleŋ, say ataɗ zuk səzeti. Ataɗ zuk adəv geslne na Maŋgəlva.

1Timote 6:3

An ɗəf akəyək wən maɓɓani, an wənnan dəsap də goŋga na Ɗəfdaya nam Zezu Krestu arban səməŋ ɓa,

1Timote 6:5

Də wəgay məza meŋge nan ɓa. Maɗulet ɗii net azəka, goŋga bo azək sə ma hereti. Azet na wəsban Maŋgəlva ndəni tive nawrəh arya.

1Timote 6:6

Gesiŋ wəsban Maŋgəlva zəga na ribayi an ɗəf nan asokuk zən aza wisim zəga.

2Timote 3:5

Keret ɗii na məzəsbanən Maŋgəlva naməŋ, amma tahəŋ wəzelenən gakdak nani. Azar səzet ɗiiyen veski.

Titus 3:8

Aŋki wəpel an fəkat van kana. Nəŋgələk kəsok gən də wənnəska, vi ɗii məs dətafən Maŋgəlva də ganən gən wəza mogon va adaɗɗaŋ, wənnəs mogoni, watər wəray azet ɗiiyi.

Ibriɗe 13:9

Kədapetin ɗii dəzokumən gən səka tive na goŋga də zəga nawsən temtem məs dəde sə ma poho ɓa. Mogoni an zeŋgillem arahək sembe adəv mbəlembəle na Maŋgəlva məza də wəsban ma henziŋ net ɗii aka zəga nawzəm ɓa. Ɗii məzəsbanən ma henziŋ nani, dərəhən wətər wəray nan ɓa.

1Yohanna 2:25

Awla an məs Krestu aynan na wapsəmə, ndəni zeŋgille nasuwa ha faɗə.

Hənhən 3:12

Ɗəf məs dədayə wanəɗɗa dəsan gən ka dədəka nadəv gəla metiŋ naw zuliya* na Maŋgəlva nawa, agil na əmpa ɓa. Wanəver iya na Maŋgəlva naw akani, də iya na walaŋ gəla na Maŋgəlva nawa də iya na Zerusalem meleketeni məs dədaw priken sə disiŋ sə maŋgava Maŋgəlva nawa. Wanəver iya naw meleketen akani.

Hənhən 3:21

Ɗii məs dədayaŋ ki wənnəska, wanəpsit tive nasuwa aka mazaŋga na məlĩ naw amaŋga vawa, va nawəŋka nədayək kini, nəsawək də Affuwa aka mazaŋga na məlĩ nani.