1Timote 4:6 - Nouveau Testament en Guidar

⁶ An kərbanək wənnəŋ sit milmiŋgiɗko, asna məgəɗ wəza na Krestu mogon kənani, vasna istatərban na, istatə zəm gən zeŋgillok də wəpel na Maŋgəlva də wətafa də zəga nawsən an də goŋga, an məs kərma wənnan də sembe.

Bible en Guidar

⁶ Darbet zəgeɗis sit milmiŋgiɗuk na, wakəsok məgəɗ wəza na Yesu Kristu moggoko, məs məzəmguk də əpel na ətafa gəm də əyak moggon məs kəzbə lewlewi.

1Timote 4:6 ပူးပေါင်းရင်းမြစ်များ

Matiye 13:52

Yaŋ Zezu anah sit na: Vi vaski ko naway məsən zəga na ma henziŋ məzu ɓesən məlĩ na Maŋgəlva, agilik va affən gəla, məzu gilgit zigeɗ meleketeti gəm zigeɗ məsvet səki wəzaɓ zəga nani.

Luka 1:3

Vi vaski naw nulak lewi naw tam nəsok zuwa wəkayan wənnan pak daga wətəŋ nani vi nərban sukgən də mabərki ziti, ɗəf gakdak Tewfilu.

Wəza net Masləŋɗe 1:15

Daska Piyer asilik aweleŋgit milmiŋgiɗin ɗii məkkalit gap səkat də kaklaw sula neki, anahka:

Wəza net Masləŋɗe 20:31

Asna, say məga məɗumon wəsva hoku məs nəgəɗ kapay də dəfəɗ pak əntatə səɓ sukum taka taka pak dit sin arawa.

Wəza net Masləŋɗe 20:35

Zəga pak nərban sukumko say məbaah sit ɗii mədekti də zev wəzaska, məɗumon səm wənna Ɗəfdaya sən kiyən anah na: Ɗəf məs dəpsən zəga sən ɗəffa, ndəni zən nek dayki ɗəf məs dərah zəga.

Roma 15:15

Amma nəver sukumək letər nawəs vaska vi ka ɗumon sukum mogon məs Maŋgəlva avayə,

1Korintus 4:17

Ndəni nəslən Timote wətu na makrawa, ɗəf təstəssi də wənna Ɗəfdaya. Warban sukum wənna zeŋgille kum məs kərəhaŋ də Zezu Krestu, wən vani, ndəni məs nədarban sit kretiyenɗe atəki temtem pakə.

2Korintus 11:23

Məɗɗaŋ wəza na Krestu wəŋ sa? Say nəpel va ɗəf mitemin: Nədayək kiyit adəv wəza nani. Nədayək kiyit də əsok zu aza wəza nani, nədayək kiyit də ətoŋ a daŋgay. Nədayək kiyit də ərəh ərga. Nə dayək kiyit də ərəh wən tattuwãh namta.

2Korintus 3:6

Ndəni dəsərəkgəm wərban wənnan minan meleketen ko aŋga pakə, wənnan dəde səza mahenziŋ məs məverin ɓa, amma səza əmpəs ade. Dawka məverin tay ka ɗəf dəmtə gəni, amma əmpəs tay ka ɗəf atəki naw koho.

2Korintus 6:4

Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

Efesus 6:21

Tikikus məlməm məs məŋgələ, məgəɗ wəza na Ɗəfdayayi də goŋgayi aza zəga pakə, wannah sukum va nəsawa də an va nədaɗɗa.

Filipi 2:20

Vi əntat də ɗəf maɓɓan məs maɗulan dəsler də ina, məs naɗum aka wən nokum zən soksok va Timote ɓa.

Filipi 2:22

Kəsənənka va an Timote agəɗə, aɗɗak va wiyən adaɗɗa wəza sən affəni, vaski agəɗ su wəza vi Wən Neneke.

Filipi 3:16

Say məsok səm zəmə də wəsban tive an məs məsban laŋka ha gap dəpaŋka.

Kolosi 2:19

Apanənək wəsler də Krestu məs dəsan ma həŋkən zəni. Zən van bo ndəni kretiyenɗe məs dətafəni. Vi wənna ma həŋkəni ma sleŋslen pak asler də bələtə, yaŋ adawɓaya va Maŋgəlva aŋgələ.

Kolosi 3:16

Məppan labara na Krestu dəknah makrokum, mərban wənnan awlaŋ zukum, məbaah sən zukum də zəga naw səna də maɗula pakə. Məgakdakan Maŋgəlva də gəlya də wəsoko də makrokum, məyə sən gəlya an na Zabura naɗi kini də gəlya an Əmpəs apsukum.

Kolosi 4:7

Vasna Tikikus wa nah sukum labara naw pakə. Nəŋgluwək sawɓa, vi tayəɗɗa wəza sən Ɗəfdaya sap də ina, də goŋgay aza wəza nani.

1Tesaloniki 3:2

Məslənək Timote məlməm məgəɗ wəza na Maŋgəlva də mənam də wəpel Wən Nenek na Krestu. Məslən na dəɗikum gən adəv wətaf də wəsɓokum aka wətaf nokum,

1Timote 1:10

Viyit məɗɗaŋ mana'a, dit məvunoŋ dit zel tusso, viyit məvəlaŋ balemɗe, dit məwaŋ tepelke, dit məsuwayaŋ də tepelke, dit məɗɗaŋ ko mi məs dəsap də goŋga ɓa.

1Timote 4:16

Azi zuko, azi zuk aza zəga məs kədarbani. An kəsbanək wəɗɗan mogoni, wakəkoh gən ki zuko, dit ɗii məzapprəmən wən nok pakə.

1Timote 6:3

An ɗəf akəyək wən maɓɓani, an wənnan dəsap də goŋga na Ɗəfdaya nam Zezu Krestu arban səməŋ ɓa,

2Timote 1:6

Ndəni kan nədaɗum akoko, say azi zuk aza zəga məs Maŋgəlva apsuko, məs kərah pay nəɗi vaw akoko.

2Timote 3:10

Amma noko, kəsbanək wəsən nawa də wədaw nawa, də an nədaɗum səni, də wətaf nawa, də an nədawga də wəŋgla nawa, də an nədaw ɓəsa.

2Timote 4:3

Vi aba wəgrak na dəlva, angereŋ na wəpprəm wən an təstəs ɓa. Amma waweleŋ ɗəffan narban sit zəga an məs dəslə də əŋgla neti, vi kapprəm an məs nek aslmeti.

Titus 2:1

Amma noko apel an məs dəslə də wəsən an təstəssə,

1Piyer 2:2

Məsoŋ va kirin muwet kakaŋka, adaŋglaŋ momvo, məŋglu əpel na Maŋgəlva an də goŋga, vi kəɓayaŋ gən dəndən kəkohoŋ gən dəndəni, kənanənək nenek na Ɗəfdaya.

2Yohanna 1:9

Ɗəf məs asban an məs Krestu adarban ɓa, ɗəf məs dəmzla səza wənnani wəsler nan tay də Maŋgəlva ɓa. Amma ɗəf məs dədasban zəga məs Krestu arbani: nan wəsler də Affəni gəm də Wətən pakə.

Zuda 1:5

Kəsənənək wənnəŋ pakə, amma nəŋgəl əɗumon sukum va Ɗəfdaya akoh git ɗii na Israyel sə Misra. Amma dərɓaga aska azzetik ɗii meɓɓet vi dəpprəmən man ɓa.