1Timote 4:16 - Nouveau Testament en Guidar

¹⁶ Azi zuko, azi zuk aza zəga məs kədarbani. An kəsbanək wəɗɗan mogoni, wakəkoh gən ki zuko, dit ɗii məzapprəmən wən nok pakə.

Bible en Guidar

¹⁶ Azlək sləma aka zək noko gəm aka əyak noko, aziw ɓəlɓəl aket zəgeɗiski, vi də əɗɗa vaski kədawkõhgən kiyko gəm en məzəprəmkuni.

1Timote 4:16 ပူးပေါင်းရင်းမြစ်များ

Markus 13:9

Məsla zukum, vi warmukuməni, wakukumən aba kita wargukuməni adəv gəla nakkal net Yahudiyenɗe. Waziw gukumən abet ɗii gugiriɗ dit məlĩyeŋge vi iya nawa, kəɗɗaŋ gən saydawa abeti.

Luka 21:34

Məga zukum vi mokrokum adaɗum də wənna wəzəm ɓa, də wənna saa ɓa, də ula zəga na duniya ɓa, vi pay nan adazan akokum, mədəgbirzike ɓa.

Wəza net Masləŋɗe 26:22

Amma dəpaŋka, adan Maŋgəlva abaah suwəka, nəziwik karban goŋga abet ɗii pakə daga ɗii gugiriɗe ha gap azet kirni. Nənah wən maɓɓan ɓa, say an məs Moyis dit məs kleŋɗe anahaŋ na wagəɗə. Aɓɗaŋ na:

Wəza net Masləŋɗe 6:4

Nam na, məgaysən gən wəzuliya də wəpel wənna Maŋgəlva.

Roma 11:14

Kuzuŋ wanərah wəsil gən kotorok azet əlfiŋgiɗwa ka nəkohgit gən ɗii meɓɓeti.

Roma 16:17

Amma əntatə kamokum milmiŋgiɗwa, məzi zukum azet ɗii məziweŋ aka wən nawɗeket ɗiiyi naw zet ɗii məs dətafaŋ, məzu zelin zəga məs kəyaganən kəsənaŋ. Məsla zukum səzet ɗii net faraɗa.

Roma 2:7

Ɗii məzu sokən zit wəɗɗa mogoni, də gakdak nani, də zeŋgille məza amta ɓa, Maŋgəlva wapsit zeŋgille nassa ha faɗə.

1Korintus 1:21

Maŋgəlva məs dəsən zəga pakə, apsitik tive sit ɗii dəsənnən gən dəveti, amma dəŋgəmaŋ wəɗɗan vas ɓa, aɓoŋgoŋguk daw sənni. Vaski Maŋgəlva aŋgəl əkoh git ɗiiyen dətafaŋ də tive na dərwa an məs mədarbani. Va wənah na də labara namta aka wəlaŋga məzliwrihe, ko naway dətafa wakohu.

1Korintus 9:22

An əntatə saw dit ɗii məs dətafən Krestu mədekti, naw bo in əkpaŋgan zu mədakwa, vi nərihi gin dəkohoŋ gəni. Va wənah na wa nəkpaŋgan zu adəv zəga pakə, viyit ɗii pakə, vi ko də tive mi pak nərah gən əkoh git ɗii meɓɓeti.

1Korintus 9:27

Intatəpsən bonoy sən zu diiɗa ka nəɓap gən wənnani. Ya əntə nərban wənnan sit ɗiiyi, nədaw saw məza nətoŋ adak ɓaɓa.

Efesus 4:14

Vi məda sam dərɓagan va kirin muzliyeɗ naw rakam də wəsən na ɗəffa va səmnya dit vovolumɗe adaw kanən bəlay. An wətaf na ɗəf dəknah ɓa, asna məɗɗaŋ vurum wambəɗanən də sokene neti.

Kolosi 4:17

Mənah sən Arkippas dəsok zən wəɗɗa wəza məs Ɗəfdaya apsəni.

1Tesaloniki 2:16

Atak mənək dawpel sit ɗii məza Yahudiyenɗeŋ ɓa wənna kohgiti, vi kaknahanən mambray net məs adaɗɗaŋ pay pakə, amma wəda gədəv na Maŋgəlva wade aketi ha faɗə.

1Timote 1:3

Daga nədawmbat a Makedoniya, nəkomokuko, kəsok gən a Efesus. Ɗii meɓɓet sədak tahəŋ wərbanən zəga temtemi. Say anah sit dəppanən gən wənnani.

1Timote 4:15

Agay sən wəza nan zuk soksoku. Vi ko naway pak dula gən va kədadok abe abe.

1Timote 4:6

An kərbanək wənnəŋ sit milmiŋgiɗko, asna məgəɗ wəza na Krestu mogon kənani, vasna istatərban na, istatə zəm gən zeŋgillok də wəpel na Maŋgəlva də wətafa də zəga nawsən an də goŋga, an məs kərma wənnan də sembe.

2Timote 2:10

Intatə ɓəsən pak viyit ɗii məs Maŋgəlva aweli, vi net bo dərəhaŋ gən wəkoho də gakdak nasan ha faɗə də Zezu Krestu.

2Timote 3:14

Amma noko asok də goŋga aza zəga məs kəyagani, də zəga məs kətaf də zuk soksoku.

2Timote 4:2

Arban wənna Maŋgəlva zuk soksoku, ko an məs zit nek dəndən, ko an məs zit tay nek dəndən ɓa. Agil gən sit mbrayen neti, asəɓ siti də wəsɓeti, aboton sit gabban də wəɓəsən pakə.

Titus 1:9

Ɗəf məzərma wənna Maŋgəlva an məs asənə, vi dəsan gən ɗəf məs dəsən wəpel wənna Maŋgəlva, sit ɗiiyi də goŋga va an məs mərbani, də wəhãye məzu bayaŋ ma.

Titus 2:15

Wən aski kan kədarbani, asəɓsiti, ahayẽti də sembe nok grakə. Kədapan ɗəf səmbet wəzelok ɓa.

Titus 2:7

Nok bo atak zuk səza wəza mambray pakə, vi kəsok gən va ɗəf narban wəza mogoni, asok də goŋga aza zəga narba noko, asok ɓatɓat də wəsən noko.

Filemon 1:19

In Pol nəver də vawa, wanəfaɗ suko. Nəŋgəl ənah suk na əntə na koh gən zeŋgilleko.

Ibriɗe 12:15

Məzi zukum ɗəf səmbokum adawmilyan dərɓe ɓa, kapan mbəlembəle na Maŋgəlva ɓa. Məzi zukum ɗəf səmbokum adawsan va gaslamba tattrah məzu ɓaya, kawzəm git saha net ɗii də muwən nan ɓa.

Ibriɗe 13:9

Kədapetin ɗii dəzokumən gən səka tive na goŋga də zəga nawsən temtem məs dəde sə ma poho ɓa. Mogoni an zeŋgillem arahək sembe adəv mbəlembəle na Maŋgəlva məza də wəsban ma henziŋ net ɗii aka zəga nawzəm ɓa. Ɗii məzəsbanən ma henziŋ nani, dərəhən wətər wəray nan ɓa.

Yakob 5:20

say dəsəŋ gən wənnəŋka. Ko naway də mil gən ɗəf mambray səka tive na mambray nani, akoh gənək ɗəffəs səma əmta, ko mambray nan dəsan diiɗa zlaŋ, Maŋgəlva waviyan səni.