1Timote 4:13 - Nouveau Testament en Guidar

¹³ Say agay də wəŋɗan sit ɗerewelɗe na Maŋgəlva də wəpelsiti, də wərban sit abet pak daw guwa.

Bible en Guidar

¹³ Dawga əzza nawa, appan kiyuk sən əŋɗan ɗerewel na Maŋgəlva, sən əsɓeti gəm sən əyaka.

1Timote 4:13 ပူးပေါင်းရင်းမြစ်များ

Yohanna 5:39

Munokum tatəŋɗetin ɗerewelɗe, munokum tat də wəɗum nawrəh zeŋgille məs nasa ha faɗ dəndən. Mbarakana ɗerewelɗe net wənnaw adawpeleŋ.

Wəza net Masləŋɗe 17:11

Ɗii na Bereya aŋglaŋgək wəpprəm wən meleketeni, net tahəŋ va ɗii na Tesalonika ɓa. Tahəŋ wəsokən zit aza wəpprəm wənnani. Pay pak tahəŋ wəkayanən wənna ɗerewel na Maŋgəlva. Vi kawsən an məs Pol adawpel na gesiŋgi sa.

Wəza net Masləŋɗe 6:4

Nam na, məgaysən gən wəzuliya də wəpel wənna Maŋgəlva.

Roma 12:8

Ɗəffan məpsən dəsəɓ siti gin ɗiiyi, say dəsəɓ siti. Ɗəffan dəŋgəl uɗakan arya nan dit ɗii meɓɓeti, say duɗakan gən də makran taka. Ɗəffan dərah dəsan gən daya, say dəzi gən zən aza wəza nani. Ɗəf məzə baah sit ɗii adəv bonoy, say dəɗɗa də zən neki.

1Korintus 14:26

Milmiŋgiɗwa, an vaski na, mbar kədaɗɗaŋ di? Pay sən kədakkalaŋ vi kawzuliya, ɗəf mbərən tay də gəlya, ɗəf mbərən də zəga narba, ɗəf mbərən wəɗɗa hənhən, ɗəf mbərən wəpel də ma məs məsəni ɓa, ɗəf mbərən wəman ma məs məpelin temtem vani, say wənnəs pak dəsan nawɓay gən wətaf net ɗii na Maŋgəlva.

1Korintus 14:3

Amma ɗəf məzu pel labara na Maŋgəlva, sit ɗii adawpelsiti kabaahsiti, dəsɓetigini.

1Korintus 14:6

Milmiŋgiɗwa, mi dədawtər sukum wəray an nədek annokumda, nəpelik də ma temtem məs məsəni ɓa di? Nəsənka, atər sukum na wəray ɓa, say an nərban sukumək goŋga na Maŋgəlva, walla an nəki sukumək əsən zəga walla nəpel sukumək labara na Maŋgəlva walla an nərban sukumək zəga.

1Timote 4:16

Azi zuko, azi zuk aza zəga məs kədarbani. An kəsbanək wəɗɗan mogoni, wakəkoh gən ki zuko, dit ɗii məzapprəmən wən nok pakə.

1Timote 4:6

An kərbanək wənnəŋ sit milmiŋgiɗko, asna məgəɗ wəza na Krestu mogon kənani, vasna istatərban na, istatə zəm gən zeŋgillok də wəpel na Maŋgəlva də wətafa də zəga nawsən an də goŋga, an məs kərma wənnan də sembe.

2Timote 3:15

Kəsənək ɗerewel na Maŋgəlva səka suɗike noko. Ndəni dədarban suk tive na kohəŋka, an mətafək Zezu Krestu, kisinik ɗii məs dəraban sukun zəga vani.

2Timote 4:2

Arban wənna Maŋgəlva zuk soksoku, ko an məs zit nek dəndən, ko an məs zit tay nek dəndən ɓa. Agil gən sit mbrayen neti, asəɓ siti də wəsɓeti, aboton sit gabban də wəɓəsən pakə.

Titus 2:15

Wən aski kan kədarbani, asəɓsiti, ahayẽti də sembe nok grakə. Kədapan ɗəf səmbet wəzelok ɓa.