1Timote 4:1 - Nouveau Testament en Guidar

¹ Əmpəs na Maŋgəlva anahək kotakə, gu'o aza wəgrak na dələv na ɗii meɓɓet wəppanən wətaf neti, wapprəmən ma əmpəs məs nawzet ɗii yi, də zəga nawsən na Satan.

Bible en Guidar

¹ Əmpəs na Maŋgəlva anahək kotakə, gu'o aza əgrak na dələv na ɗiy meɓɓet wappanən ətaf neti, wappanən kiyit sən əmpəs məmakan ɗəfa gəm sən əyak net tuyeŋge.

1Timote 4:1 ပူးပေါင်းရင်းမြစ်များ

Matiye 18:7

Midi dəlvəŋ arayka, vi tay əmzlagit ɗii adəv mambraya. Tay dədaw takən ɓa, amma bonoy aza ɗəffan dədawsan adəv wənnamzlagiti.

Luka 17:1

Yaŋ Zezu apsit gewleɗ nan na: Tay məs dədawgul ɗii adəv mambray pay pakə. Amma bonoy aza ɗəffan dədawki mambray vani.

Yohanna 16:13

Amma an Əmpəs Salala adeke, warban sukum wəpprəm an də goŋga pakə. Apel na aka sembe nan ɓa, amma wanah an məs apprəmə, də an məs dədazan pakə.

Wəza net Masləŋɗe 13:2

Pay maɓɓani, tahəŋ wəzuliyaŋ sənən Ɗəfdaya, tahəŋ wə see'eŋ meme, Əmpəs Salala* apsit na: Muwel su Barnabas də Sol vi wəza məs nəyesəni.

Wəza net Masləŋɗe 17:18

Ɗii məzərbaŋ zəga sit ɗii məs adawyaŋ na Epikuriyenɗe dit Sitoykoyenɗe bo, abayaŋgək ma dəndən. Ɗii meɓɓet aɓɗaŋ na: Mi məs wənnəŋ adaŋgla wənah di? Ɗii meɓɓet aɓɗaŋ na: Kuzuŋ matuya maɓɓan adaŋgla wərban soko. Adawnahaŋ vas na vi Pol adawnah wənna Zezu də wənna əsilyo net ɗii mimtiti.

Wəza net Masləŋɗe 20:23

Amma zəga taka an nəsən harana: Əmpəs Salala tay nah su na, ko aŋga pak ngiyamɗe də bonoy tay narəwa.

Wəza net Masləŋɗe 21:11

Adek azamə. Agəmək zəga naynan dadak Pol. Aynanək vani də tələn dəndəni, amna: Aŋki məs Əmpəs Salala anah suwa: Yahudiyenɗe na Zerusalem waynanən affən zəga naynan dadak ɗəffəŋka, wapanən avet ɗii məs dəsənən Maŋgəlva ɓa.

Wəza net Masləŋɗe 28:25

Yaŋ daga ada tərayaŋ, tahəŋ wəbayaŋ ma awalaŋ ziti daga dəɓəlaŋ wətərayaŋ tagay ɓa. Yaŋ Pol anah sit wən taka: An məs Əmpəs Salala anah sit dəhiŋgiɗkum də ma məs kleŋ Ezay agəɗək gesiŋ kakaŋka.

1Korintus 10:20

Amma an məs ɗii məzuliyaŋ sənən tuyeŋɗe adawtawən wəlan apsənən Maŋgəlva ɓa, say sən tuyeŋɗe.

1Korintus 11:19

Dewle uɗak dəgəɗ gən awaloŋkum vaska, vi kawsən ɗiiyen də mekret taka.

1Korintus 12:11

Amma əmpəs məs takayi pak dədaɗɗa wəza nani, tayəpsən ko naway pak va aza sembe nan va aŋgələ.

1Korintus 2:10

Amma səmi Maŋgəlva arban səm wən məɗamaŋka, də Əmpəs nani. Vi Əmpəs Salala* waɓap wəkayan gabba wəɗum na Maŋgəlva an hədək diiɗa, də an məs dəɗam pakə.

2Korintus 11:3

Kəsənək va doho ambəɗat Hawwa də kuket nani, geslne arəmwək sən maɗulokum adawray vas ɓa, vi kədapanən əŋglu Krestu də goŋga də makrokum taka ɓa.

Kolosi 2:18

Kədapetin ɗii wəkiyən mokum də wənna zuli sit maslayɗe də wəɓe gən kizit na mataktaka ɓa, vi ɗii net wənna issine asbaŋ məs arəhaŋ, yaŋ ada gakdakanən zit də tive na wəɗum na ɗəffa, də wən məs goŋgay ɓa.

2Timote 3:13

Amma məɗɗaŋ wəza mambraya, məs vurmɗe wambataŋ abe abe pay pak də mambray neti, wambəɗetin ɗii meɓɓeti, wambəɗanən zit tusso.

2Timote 4:4

Wapanən wəpprəm goŋga, wakpaŋgaŋ kaɗumoŋ aket mambeɗi də məɗama.

Yakob 3:15

Maɗula nawsən zəga zemvin aska, dəde sə disiŋ ɓa, nan səka dəlva fuŋ ade, səza wənna gəɓa zə ɗəf ade, nan səza Satan ade.

1Piyer 1:20

Maŋgəlva awelik Krestu dabəŋ ki əzəməɗ dələv pakə, amma yaŋ kan pay dədirɓe pakə, arban wənnan vikum.

2Piyer 2:1

Va məs kleŋɗe muwaŋ tepelke azoŋ aweleŋgit ɗii lahəŋka, vaski bo mərbaŋ wənna tepelke adazoŋ awaloŋkum. Wakiyaŋ zəga narba na tepelke məs nawkan atəki nawza, wazelenən Ɗəfdaya an məs dəkoh giti, vi vaski wəzza warihe.

2Piyer 3:3

Kəsənən gən tagay na, pay wəgrak dəlva, ɗii meɓɓet wazoŋ məzə soŋ adəv əŋgla na gəɓa ziti: Wamasaŋ akokum.

1Yohanna 2:18

Kirtuwa, wəgrak dələv go'oy. Kəsənənka məzuzel na Krestu wade: Yaŋ məzuzelnən Krestu azoŋguk diiɗa, vini məsən kana wəgrak dələv go'oy.

1Yohanna 4:6

Amma nam na kirtin Maŋgəlva mənani, ɗəf dəsan də Maŋgəlva wapprəm mamə. Amma ɗəffan wətən Maŋgəlvayi ɓa, apprəm na mam ɓa. Də aski mədawɗakan Əmpəs an gesiŋ, walla əmpəs məwə tepelke.

Zuda 1:18

Vi anah sukumənək na: An pay wəgrak na dələv agapək na: Ɗii net wazoŋ wamasaŋ akokum, wasbanən wəsim zəga mbrayenəŋka.

Zuda 1:4

Vi ɗii mbreyit atoŋgoŋguk awalŋmə, məzi zəm aza wənnet ɓa. Aray gənənək labara na mbəlembəle na Maŋgəlva, vi kaw zaɓan wən naɗɗa mambray neti, appanənək wənna Zezu Krestu, ndəni mərbə zəga namə də Ɗəfdaya taka vaŋka. Daga far lahəŋka, ɗerewel na Maŋgəlva arban səmək kita nan arihik ɗiiyiŋ kakaŋka.

Hənhən 13:14

Zəga mamanya nan azetik ɗii naka dələv də sokeneɗ məs agəɗ də gakdak na zəga mamanya naka. Yaŋ anah na, ɗii naka dələv pak dəɗɗaŋ gən foto na gakdak na zəga mamanya məs məɗi sən vamvi də kafahi naka, yaŋ tay madarani.

Hənhən 16:14

Tuyeŋɗe net səza Satan azoŋ, tahəŋ wəɗɗaŋ sokeneɗi. Yaŋ adoŋ azet məlĩyeŋge namba dələv pakə, akeletinke vi kaɗɗa wəlpa an metiŋgini, an məs Maŋgəlva an də sembe aka zəga pak aɗi pay nani.

Hənhən 18:2

Aslanək wəlani, amna: Aɓəslka! Walaŋ gəla metiŋ na Babilon naki dəɓəslə. Walaŋ gəla nan akpaŋgək kakaŋ kan təki nasuwa net tuyeŋɗe, dit əmpəsɗe mbreyit en temtemi, dit biŋgeɗ mbreyit ko awet di pakə, dit en naw see'* pakə tahəŋ wəssoŋ adaka.

Hənhən 18:23

Kawlani ɗaah təki babar na pitirla awalaŋ gəla nan ɓa, kapprəmi ɗaah gugoyo net məgəmaŋ gili dit məgəmaŋ zel awalaŋ gəla nan ɓa, məɗɗaŋ terere diiɗaŋ anokda kəta adayaŋgək kiyit məɗɗaŋ terere na dələv pakə, də sokene nawa tepelke, areketik ɗii naka dələv pakə də wənnani.

Hənhən 19:20

Agulunək zəga mamanya a daŋgay, gəm məs kleŋ məwə tepelke məgəɗ sokeneɗ abani. Dit sokeneɗ neti ambəɗetin ɗii məs dətafən lamba na zəga mamanya naka də məzu zuliyaŋ sənən foto nani. Zəga mamanya də məs kleŋ məwə tepelke məsgeti maderet adəv vov na offo muhurən.

Hənhən 2:11

Ko naway pak də sləman napprəm mogoni, dəpprəm an Əmpəs adawnah sit kretiyenɗe. Ɗii məs dədayaŋ ki wənnəs pak wəmta ma sula'ən arih na ɓa.

Hənhən 2:17

Ɗəf məs də sləmani dəpprəm mogoni, dəpprəm an məs Əmpəs adawnah sit kretiyenɗe: Ɗii məs dədayaŋ ki wənnəska, wanəpsit manu an məs məɗaman, də gərəm an babara. Aka gərəm nani məver iya an meleketeni, an məs ɗəf asəna ɓa, say ɗəf məs dərahə.

Hənhən 2:29

Ɗəf məs də sləman napprəma, dəpprəm mogoni, an məs Əmpəs adawnah sit kretiyenɗe.

Hənhən 2:7

Ɗəf məs də sləman pak dəpprəm lewlewi, an məs Əmpəs adawnah sit kretiyenɗe. Ɗii məs dədayaŋ ki wənnəs pak wanəpsit tive nawzəm uwa na wəlaŋga na zeŋgille, ana waleŋgit wəleŋɗe na guli na Maŋgəlva.

Hənhən 20:10

Asna Satan məs dəmbəɗetiŋka kasgani avov na offo an muhurən, atəki məs məsgan zəga mamanya də məs kleŋ məwə tepelke dabəŋ naka, wasaaŋ bonoy adak kapay də dəfəɗ pak ha faɗə.

Hənhən 20:8

Wambat wəmbəɗet ɗii meɓɓet aka dələv pakə, va wənah na: Gog də Mogog. Satan wakkeleti kawgaya, wasoŋ diiɗa va hoyoŋko a məlpa.

Hənhən 3:13

Ɗəf məs də sləman say dəpprəm an Əmpəs adawnah sit kretiyenɗe.

Hənhən 3:22

Ɗəf məs də sləmani, dəpprəm lewlewi an məs Əmpəs adawnah sit kretiyenɗe.

Hənhən 3:6

Ɗəf məs də sləman napprəma say dəpprəm mogoni, an məs Əmpəs adawnah sit kretiyenɗe.

Hənhən 9:20

Ɗii məs dəmbraŋ bo, məs dəmtaŋ də bonoy as ɓa, dəppanən wəza net wəzulisən tuyeŋɗe, də Maŋgəlva maɓɓan məɗɗan də təbəs na meleŋge, də təbəs ne deleɗi, may məɗɗan də gərəm məzaɓən mogoni, gəm məɗɗan də wəlaŋga məzaɓən pakə, zəga məzulayi ɓa bo, məzapprəmi ɓa, məzu dawi ɓa pakə.