1Timote 3:2 - Nouveau Testament en Guidar

² Ɗəfdaya net na, adawsan də wən akan ɓa, dəsan dət guluk taka, məzərma zəni, məs maɗulani, məs də goŋga məgəɗ zəga də tive nani, məzutaf melekeɗ annanda, məs dəsən wərba zəga sit ɗiiyi.

Bible en Guidar

² Aslək kan na, daya dəsangən məza də wən akan ɓa, dəsan guluk taka, məzərma zəni, məs maɗɗulani, məgəɗ məs dəslə, mətaf melekeɗi, məɓap ərba zəga.

1Timote 3:2 ပူးပေါင်းရင်းမြစ်များ

Luka 1:6

Sulegit pak ɗii təstəssəŋ aba Maŋgəlva. Tahəŋ wəsbanən wən məs Ɗəfdaya aɗiyə də ma henziŋ nan pak lewlewi.

Luka 2:36

Guluk maɓɓat tatə məs kleŋkə, iya nat na Hanna, wətən Fanuyel, zemvit may Asərtə. Təgalək sawɓa. Təɗiyək zil wəsva buhul daga səka goruk nata.

Roma 12:13

Məbaah sit milmiŋgiɗkum də arya nokum azani, mətef melekeɗ eŋgil annokum da lewlewi.

Filipi 2:15

Vi kəsoŋ gən salala* məza də mambray azokum ɓa, kirtin Maŋgəlva, məza də mambray azokum ɓa, aweleŋgit ɗii na duniya ɗəɗerɗe mes mbreyit naka dəlviŋki. Kəkasakaŋ gən aweleŋgit va ngərzleɗi.

1Timote 3:12

Məgəɗ wəza net kretiyenɗe pak say dəsan dət guluk taka, say dətaɗ kirtini də wəziw gən gəla nan mogoni.

1Timote 3:8

Ɗii məɗɗaŋ wəza net kretiyenɗe bo, say də soŋ ɗii də maɗulet mogoni, adasoŋ matakatakeɗ ɓa, walla məsaŋ mbazla diiɗa ɓa, walla məzəŋgla riba mbrayen ɓa.

1Timote 4:3

Tahəŋ wətekin ɗii daw ɗi gulku. Tahəŋ wətekin dawzəm zəga temtemi. Amma Maŋgəlva azəməɗ zəgas pak na viyit ɗii dətafən Krestu dit ɗii dəsənən goŋga dəzəmən gən də wəɗɗa soko sən Maŋgəlva.

1Timote 5:10

Say ɗak nat wəza mogon nat dərbat gəni, məs təɓay git kirtət mogoni, məzu taf melekeɗi, məzəskoɓ təlit ɗii na Maŋgəlva, məzəbaah sit ɗii adəv saha neti, təsat məgəɗ zev wəza mogon pakə.

1Timote 5:22

Kədawɗi vok aka ɗəf də kakara napan sən wəza aweleŋgit kretiyenɗe dəɗɗa gən ɓa, kədawsap də mambray net ɗii ɓa, aga kiko kəsok gən təstəssə.

1Timote 5:9

An ga gəbay təgap wəsva kaklaw slire ɓana, kədawver iya nat azet gil net gəbayɗe ɓa, təsat ɗak məs təɗi zil taka kaaka'ə.

2Timote 2:24

Ɗəf məgəɗ wəza na Ɗəfdaya adawgay dit ɗii ɓa. Amma say dəsan ɗəf məŋgluwən azet ɗii pakə, məs dədawɓap wərban zəga sit ɗiiyi, məzuɓəs wənna.

Titus 2:2

vaski bo mezeɗi dəziyən ziti, də ɓatɓatə, də waɓe'eŋ də wərma zit sədəv mambraya, dəsoŋ ɓəlɓəl də wətafa də wəŋgla də wəɓəsən.

Ibriɗe 13:2

Kədasgətaŋ ki wətaf melekeɗ annokumda ɓa. Ɗii meɓɓet aɗɗaŋgək vaska, ha atafinik maslayɗe eŋgil annet da, məza wəsinit na maslayɗeŋ ɓa.

Ibriɗe 3:14

Vi mənam pak məkpaŋgək ɗii na Krestu, an mərmak wənnan də makram taka məppan ɓa, va mərma wənnan daga wətəŋ nani.

1Piyer 4:7

Amma wəgrak na zəga pak go'oy, vi wənnani məzi zukum, məga də wəzuliya.

1Piyer 4:9

Mətaf zukum eŋgil annokumda va melekeɗi, məza də wərwər amban ɓa.

1Piyer 5:8

Məzi zukum, məga, vi məzuzel nokum Satan, tay va ɓolu adawhay daw kay zəga naw zəm nani.