1Timote 3:16 - Nouveau Testament en Guidar

¹⁶ Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

Bible en Guidar

¹⁶ An məsən sap yaŋka, məɗama na geslne na Maŋgəlva van metiŋgini: Ndən məs dərbə addəv gəɓa zə ɗəfa, məs Əmpəs arban na təstəsi, məs dərban zən azet maslayɗe, məs mətəlma aka wən nan aweleŋgit ɗiy-ɗarə, məs dəsan ka zəga nawtaf egge, məs məslan a disiŋ addəv gagdaka.

1Timote 3:16 ပူးပေါင်းရင်းမြစ်များ

Matiye 1:23

Waŋ mgbuɓɓo watəɗi daway watə wə wina, kawyani na Immanuyel, va wənah na: Maŋgəlva tay də mənamə.

Matiye 13:11

Azlan sitik na: Munokum kərəhaŋgək wəsən wən məɗama na məlĩ na Maŋgəlva, amma neti dərəhaŋ ɓa.

Matiye 28:2

Go'ləŋgə dələv aɓələk diiɗa, maslay na Ɗəfdaya aprikik daga sə disiŋ, akəɗəŋgələk gərəm sə magamasə, asanka kani.

Matiye 3:16

Aɗɗa sənək baptem. Adan Zezu egil siret iŋkile disiŋ akolko, awlak Əmpəs na Maŋgəlva aprike va mokuɗuŋgulo asanək akani.

Matiye 4:11

Dəpaski Satan apan Zezu, yaŋ maslayɗe azoŋ azani aɗɗaŋ sənənək wəza.

Markus 1:13

Wəvoŋ kaklaw poɗo awra, Satan tay rakani. Zezu tay dit sliwɗe nawra, maslayɗe bo tahəŋ wəɗɗaŋ sənən wəza.

Markus 16:19

[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

Markus 16:5

Aguloŋguk adəv gamasə. Awlanənək gawla taya dak ɗewwe dəka van dəzəŋ, aguluk tarawal babara. Ageslne'eŋke.

Luka 2:32

Təki babarəŋka ndəni dədarbok azet ɗii naka dələv pakə, wapsit gakdak sit ɗii nok Israyelɗe.

Luka 20:44

Davit ayak na Ɗəfdaya ya mbari Krestu ada kpaŋ wətən di?

Luka 22:43

[Yaŋ maslay sə disiŋ arban zən azani vi kasɓani.

Luka 24:4

Atapetik aka an məs dəgəɗə. Yaŋ ɗii sula arbanən zit azeti, tahəŋ də lukut azet məzu wiɗ diiɗa.

Luka 24:51

Daga daya adaw gəɗ sit zəzaya, awɗakək dənɗaŋ, apeŋgək a disiŋ.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

Yohanna 13:3

Zezu asənka, daga səza Maŋgəlva ade, wamil aza Maŋgəlva əmpa, Maŋgəlva apsənək sembe aka zəga pakə.

Yohanna 15:26

Məzə baah sukum wade Əmpəs an də goŋgayi məs dəde səza Affən. Wanəslən azokum an nəmbatək aza Affuwa, wagəɗ saydawa akawa.

Yohanna 16:28

Səza Affən nəde, nədek a duniya. Kakaŋ əntatə pan duniya wa nəmndaw aza Affuwa.

Yohanna 17:5

Kakaŋ kana. Əbba, avay gakdak aboko, gadak məs naw məsvan nəsaw dəndən də isi, daga məɓəli wəɗɗa dəlva fuŋ ɓa.

Yohanna 20:12

Tulek maslayɗe sula, aguloŋguk lukutɗe beberɗe tahəŋ tuŋtuŋ atəki məvoŋ gən gəbay na Zezu naka. Taka kəla za kini, taka kəla za təlni.

Yohanna 6:62

Mbari kan an kulanənək Wətən Ɗəf tay peŋ atəki məs asan far di?

Wəza net Masləŋɗe 1:19

Ɗii na Zerusalem pak apprəmənək wənnani, ndəni ayanən guli nan na: Akeldama də ma net na: Guli net mbeli.

Wəza net Masləŋɗe 10:34

Piyer atəŋgək wəpele, amna: Kakaŋ nəsənək kana, ɗii pak dakadaka həŋ aza Maŋgəlva.

Wəza net Masləŋɗe 14:27

Adan agapaŋ a Antakiya, akkeletinik kretiyenɗe pakə, anahsitinik an Maŋgəlva agəɗ dənɗaŋ pakə, va akol tive sit ɗii məs Yahudiyenɗeŋ ɓa, dətafən gən Zezu.

Wəza net Masləŋɗe 20:28

Məga zukum məga ngaɓa məs Əmpəs Salala apəl sukuməŋka. Məsoŋ məzuteɗeŋge net kretiyenɗe na Maŋgəlva, məs arah də əmta na Wətəni.

Roma 10:12

Wənnəska tay viyit ɗii pakə, zəga tay nawɗeket Yahudiyenɗe dit ɗii məs Yahudiyenɗeŋ ɓa ɓa. Vi Maŋgəlvayi Ɗəfdaya net pakə, tayəpsit mbəlembəle sit ɗii məɗɗaŋ saydawa akan pakə.

Roma 10:18

Yo say nəssohu: Israyelɗe dəpprəmən labaraŋ ɓa sa? Gesiŋ apprəmənka! Ɗerewel tay nah na: Apprəmənək wəlet masləŋɗe aka dələv pakə. Əpel net agapək aki dəlva bayman pakə.

Roma 16:25

Məgəɗ səm soko sən Maŋgəlva, ndəni də sembe naw ɗikum də sembe aza wətaf nokum, va an Labara Nenek məs nəpel sukum, wən məs nərban aka Zezu Krestu wəŋka, ndəni va an məsənə məs mərah Maŋgəlva aɗamani. Wənnəska məɗamani daga farfar laŋka.

Roma 16:26

Amma kakaŋ na, wən məɗama nak arbanək zən appaka də ɗerewel net məs kleŋɗe: Va dawka məs Maŋgəlva aɗi ha faɗə, apelik wənnan viyit ɗii namba dələv pak dəsənən gən wənnani, dətafən gəni, dəpprəmən gən mani.

Roma 3:4

Atak na ɓa sam! Maŋgəlva warban na də goŋgay, ko an ɗii pak akpaŋgaŋgək məwaŋ tepelke. Va ɗerewel anah na: Say ɗii dəsənən gən təstəs noko, də wəpel noko, wakədayki ɗəf məs dədaw yuk aka kita.

Roma 8:3

Maŋgəlva sən kiyən aɓapək wəɗɗa an ma henziŋ dəɓap wəɗɗan ɓa, vi mədakəm mənani. Aslənək Wətən də gəba zən va ɗəffa, məs dənan wərak na mambray vanet ɗii pakə. Adəv gəɓa zə ɗəffi ataw kita aka mambraya. Də vaski kan adayki mambraya.

Roma 9:5

ndəɗaŋgəŋ dəhiŋgiɗəm madabəŋ. Ko Krestu, səza əlfa neti. Usoko sən Maŋgəlva məs dəsan metiŋ aka zəga pakə, ha faɗə. Amin.

1Korintus 15:47

Adamu an dabəŋ məɗɗan də dəlva fuŋgi. Adamu ma sula'ən ha sə disiŋ ade.

1Korintus 2:7

Intatərban wən məɗama na Maŋgəlva an dəɗam ama heret ɗiiyi, Maŋgəlva azaɓan səmək ka dəsan gən gakdak nam dabəŋ ki əɗɗa dəlva fuŋ.

2Korintus 1:19

Zezu Krestu Wətən Maŋgəlva* məs mərban sukum annokumda, mənam də Silas gəm Timote, tay vaski walla awwo ɓa, say tətakay kaaka'ə ndəni vaski.

Galatiyen 2:8

Maŋgəlva aɗuwək masləŋ azet ɗii məs dəsənən Maŋgəlva ɓa pakə, va aɗɗa Piyer masləŋ azet Yahudiyenɗe.

Galatiyen 4:4

Amma adan pay nan məs Maŋgəlva aɗi agapə, aslənək Wətəni, muwani dət gulku, aɓe sənək ma henziŋ net Yahudiyenɗe.

Efesus 1:9

Arban səmək wən məɗama nani, məs aɗum daga far də wəŋgla nani. Vi kaɗɗan payan məs dəslə də Krestu,

Efesus 6:19

Məzuli viwa: Vi nəpel gən wən məs dəslə, vi nərban gən wən məɗama na Wən Nenek də zu soksoku.

Kolosi 1:23

Amma say mədoŋ abe abe də wətaf wənnani, məmpa tulkum adəvən. Kədaw ngereŋ wən maɓɓan wəzar gukum səza məs kədawgaŋ ɓa, məs kərəhaŋ pay məs kəpprəmən labara nenek ɓa. Ɗii na duniya pak apprəmənək wənna labara neneke. Yaŋ Maŋgəlva anah suwa, in Pol, nərban gən wənnani.

Kolosi 1:27

Yaŋ kan Maŋgəlva aŋgələk wərban gakdak na wən məɗama nan metiŋgin məs azaɓan viyit ɗii pakə. Wən məɗama nan vani, ndəni Krestu məs namakrokum, ndəni dəpsukum wənnawga zəga, narəh haran nokum aza gakdak na Maŋgəlva.

Kolosi 1:6

Ɗii tahəŋ wərbanən Wən Nenek amba dələv pakə, wənnan tay ki zəzay sit ɗiiyi. Vaski bo anokumda, daga pay labara na mbəlembəle na Maŋgəlva agap anokumda dabəŋ nani, daga kətəŋ gən wəsən labara nenek də goŋga.

Kolosi 2:2

Nədawgay vasna kəsoŋ gən ɓəlɓələ də wəsap adəv wəŋgla, kəkpaŋgaŋ gən ɗii məziweŋ aka goŋga pakə, dəsənən gən wən məɗama na Maŋgəlva ndəni Krestu.

2Tesaloniki 1:10

Wagəɗ vas pay adazan naka, an adek na vi ɗii nan wəgakdakanənni gəm wasan va sokene amaharet ɗii nan məs dətafəni vi pay nani. Nokum bo wakəsoŋ dənɗaŋ, vi kətafənək wən məs mərban sukum.

2Tesaloniki 2:7

Sembe naw ɓoŋgo də wən məɗama pakə, tayəɗɗaŋ wəza ko kakaŋka. Amma zəga məs dədaɗɗa, agəɗ na ɓa, say an məzutakən daɗɗa azarka, asna wagəɗə.

1Timote 3:9

Say də ganən gən goŋga də wətaf məs Maŋgəlva arbani, dermanən gən də wəɗumon də makret taka.

Ibriɗe 1:3

Wətən Maŋgəlva* tayərban təki babar na gakdak na Maŋgəlva, agilik va Maŋgəlva, tayərma dəlva də wəpel nan məs də sembe. Dərɓaga askoɓ mambray net ɗii nani, asanək a disiŋ dəka van dəzəŋ na Maŋgəlva məs də gakdak pakə.

Ibriɗe 12:2

Say wəzi səm haram aka Zezu, vi anani məsənə, ndəni dətəŋ wənna wətaf nam amakramə, dədaw daw də mənamə ha pay wəgrak nani. Aɓəsək bonoy məs məbayən dəbay də wəlawən aka wəlaŋga məzliwrihe, wil də danən də zev əmta vas ɓa, vi wənnek məs məzaɓan səni. Kakaŋ na tay tuŋgo aka mazaŋga na məlĩ nan aka va dəzəŋ na Maŋgəlva.

Ibriɗe 7:7

Wəbay ma tay ɓa, ɗəf dəgəɗ sən zəzaya, adayək ki ɗəf dərah zəzay də gakdaka.

Ibriɗe 8:1

Aŋki kan kotak na wənəŋ pakə: Mənam tat də məs dələv metiŋgin net məs dəlveŋge, məs dədawsan aka mazaŋga na məlĩ dəka va dəzəŋ na Maŋgəlva, ana disiŋ məs də sembe dəday pakə.

1Piyer 1:12

Maŋgəlva arban sitik məs kleŋɗe na, wənəs məs das kəs na, net sən kiyit awlanən na ɓa, amma wənan vikumi. Yaŋ Wən Nenek nak agapək azokum kakaŋka na. Masləŋɗe məzu pel sukumən wənnəŋka anah sukumənək wənnani. Apel sukumənək də sembe na Əmpəs Salala məs dəde sə disiŋ. Ko maslayɗe bo met tayaka wəsən wənnəŋka.

1Piyer 1:20

Maŋgəlva awelik Krestu dabəŋ ki əzəməɗ dələv pakə, amma yaŋ kan pay dədirɓe pakə, arban wənnan vikum.

1Piyer 1:21

Vi zəzay nani kərəhən ətaf Maŋgəlva, Maŋgəlva məs dəsil gən sətəki əmta, apsənək gakdaka, vi wətaf nokum də wəɗum nokum dəsan gən aza Maŋgəlva.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

1Piyer 3:22

Nan ateŋgik a disiŋ tayaka va dəzəŋ na Maŋgəlva, tay zəm məlĩ aket maslayɗe də aket gakdekɗe, dit sembeɗ na disiŋ.

1Yohanna 1:2

Daga əpeliŋ ade, arbanək zəni, mulaka. Vini mədaw pel sukum wənnani, zəga an muwəl mədarbani ndəni zeŋgille məs nasan ha faɗə, tay də Maŋgəlva daga farfarə. Ndəni kan Maŋgəlva arban səmə.

1Yohanna 3:5

Kəsənənka Zezu Krestu ade a duniya na, vi kaviyan mambray nami, nan mambray taya zan ko taka ɓa.

1Yohanna 3:8

Ɗəf məzəɗɗa mambray nan ava Satanni, Satan tayəɗɗa mambray daga wətən nani. Vini Wətən Maŋgəlva* ade vi kawzan wəza na Satan.

Hənhən 17:5

Amirbisit bo iya na wən məɗama tay məverin: Babilon metiŋgini met bərviyeɗi dit məɗɗaŋ ɗarɗar na duniya pakə.

Hənhən 17:7

Maslay nak assohowəka: Vimi kədagət di? Wanərban suk wən məɗama nat gulukəŋkə, də wənna zəga mamanya məs təpeŋ akan pakə, məs də kiyən buhul gəm mohon klaw naka.

Hənhən 7:9

Ɗərɓaga aska, nəziyək harawa, nulek ɗii diiɗa ɗəf tay naw ɓap wəŋɗet ɓa, ɗii net daga səmba dələv pakə, səza ma əlfa pakə, dit ɗii pakə, də ma temtem pakə, aziweŋgək aba mazaŋga na məlĩya gəm aba botol na Maŋgəlva, aguloŋguk lukutɗe baberɗe, dəva gugozlo aveti.