1Timote 3:15 - Nouveau Testament en Guidar

¹⁵ Amma an nərah tive nawmbat ɓa, letər nawəŋ warban suk an kədaɗɗa adəv gəla na Maŋgəlva, va wənah na: Awaleŋgit kretiyenɗe na Maŋgəlva məs madereti. Ndəni kan dədəka də goŋga məɗi gabbani.

Bible en Guidar

¹⁵ Də as pakə, an nəliyək na, kəsəngən va mbar kəssok addəv Gəla na Maŋgəlva di, va ənəh na ɗiy na Maŋgəlva madarani, məs dəsan dədəka gəm gabba gegesiŋ.

1Timote 3:15 ပူးပေါင်းရင်းမြစ်များ

Matiye 16:16

Simoŋ Piyer azlansənəka: Əstə Messiya Wətən Maŋgəlva* madarani

Matiye 18:18

Gesiŋ nədawnah sukum: An məs kəslereŋ akan aka dəlva fuŋ ɓa, kawsleri akan a disiŋ ɓa'a. An məs kəslereŋ akan aka dəlva fuŋ, kaw sleri akan a disiŋ nge'e.

Yohanna 1:17

Maŋgəlva apsənək ma henziŋ ava Moyis, amma mbəlembəle nani də gegesiŋ nani arbanək də Zezu Krestu.

Yohanna 14:6

Zezu azlansən na: Əntə tive an də goŋga də zeŋgille. Ɗəf tay nawrəh wəmbat aza Affu də tive maɓɓan ɓa say də ina.

Yohanna 18:37

Pilatu assohonəka: Amma də as pak məlĩ kanan sa? Zezu azlanəka: Vaski məlĩ nani. Məwəwi nəde adəv dəlvəŋka, vi kaɗɗa saydawa an də goŋga. Ko naway dəŋgəl goŋga, wapprəm an məs nədawpele.

Yohanna 6:69

Kakaŋ mətafəka, məsənkuko, əstə Salala* məs dəde səza Maŋgəlva.

Wəza net Masləŋɗe 1:2

ha gap pay an ateŋ a disiŋ. Daga dəɓəl wəteŋ a disiŋ ɓa, asəɓ sitik masləŋɗe en məs awel də sembe na Əmpəs Salala*.

Wəza net Masləŋɗe 14:15

Bayneŋgəɗmə mədəray kədaɗɗaŋ vaŋ di? Nam bo ɗii mənan va munokum! Nam məde ahəŋ na, vi kawnah sukum labara neneki, vi kəppanən gən matuya an ɗar mekeleŋgəŋka, kətafən gən Maŋgəlva məs də zeŋgille. Ndəni dəzəməɗ disiŋ də dəlva fuŋ dit məlpeŋge, də zəga nadəvən pakə.

Roma 3:2

Gesiŋ, tay də sləman diiɗa. Dabəŋ nani, Maŋgəlva apanək wəpel nan mogon aveti.

Roma 9:26

Akəti məs mənah lahəŋ na: Ɗii naw kənanaŋ ɓa. Adakki mənah sit na: Kirtin Maŋgəlva madaran kənanaŋ.

1Korintus 10:32

Kəda teppetin ɗii ɓa, ko Yahudiyenɗe ko Grekɗe, ko kretiyenɗe na Maŋgəlva.

1Korintus 3:16

Munokumtə gəla metiŋ naw zuliya* sən Maŋgəlva, kəsənən na Əmpəs na Maŋgəlva taya makrokum ɓa sa?

2Korintus 3:3

Gesiŋ munokumtə letər na Krestu, mənamtə məvere. Məverni də iŋkile titir naw ver ɓa, amma də Əmpəs na Maŋgəlva madaran məverin. Məverni aket zigeɗ naw ver net kuneŋge ɓa, amma amekret ɗii məverni.

2Korintus 6:16

Mi də sapan gəla metiŋ na zuli də tuya di? Gesiŋ gəla metiŋ na zuli madaran na Maŋgəlva mənani, vi Maŋgəlva anahək na: Wanəsaw aweleŋti, kawsaw dənɗaŋ. Wanəsaw ka Maŋgəlva neti, net bo wasoŋ ka ɗii nawa.

2Korintus 6:7

Də ərban wənnan məs də goŋga, də sembe na Maŋgəlva. Zəga naw gay namə, narge maseŋgiɗmə, nawga ki zəmə ndəni goŋga.

Galatiyen 2:9

Zak də Piyer gəm Zaŋ ndəɗaŋgəŋ ɗii gugiriɗe, adan asənən na Maŋgəlva avay suwək mbəlembəle də wəza temme, yaŋ armanən vet də Barnabas gəm ina wərban wəslere, məmbatək wəɗɗa wəza azet ɗii məs dəsənən Maŋgəlva ɓa, net bo ambataŋgək azet Yahudiyenɗe.

Galatiyen 3:1

Munokum Galatiyenɗe dərweŋge kənanaŋ! Nawa dəligukum di? Nərbanək ama horokum na Zezu amtək aka məzliwrihe.

Efesus 4:21

Kəpprəmənək əpel aka wənnani, ya kətafənka, mərban sukumi wən an gesiŋ, məs dəde səza Zezu.

Kolosi 1:5

Pay sən labara na Wən Nenek agap anokumda, dabəŋ mərban sukum wənna wəga zəga nani. Ndəni bo wətaf nokum də wəŋgla nokum pak kəɗiyənək aka zəga məs kədawgaŋ, məs Maŋgəlva azaɓan sukum a disiŋ.

1Tesaloniki 1:9

Vi ndəɗaŋ sən kiti apelinik wənnam va kətaf mən annokumda, va kəkpaŋgaŋ aza Maŋgəlva də wəppan tuya, yaŋ kədasbanən Maŋgəlva an madaran gesiŋ gesiŋ.

1Timote 3:14

Suki nəver letərəŋka, amma əntatəɗum nawmbat annokda go'u.

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

1Timote 3:2

Ɗəfdaya net na, adawsan də wən akan ɓa, dəsan dət guluk taka, məzərma zəni, məs maɗulani, məs də goŋga məgəɗ zəga də tive nani, məzutaf melekeɗ annanda, məs dəsən wərba zəga sit ɗiiyi.

1Timote 3:5

An ɗəf dəsən wəziw gən gəla nan mogon ɓana mbari adaw ɓap wəge kretiyenɗe na Maŋgəlva di?

1Timote 4:10

Vini kan mədaɗɗa wəza, mədawgay də wənnani, vini mədaɗi wəɗum nawrəh wəkoh aza Maŋgəlva məs madarani. Ndəni nawkoh git ɗii pakə, ɗiiyen nawkoh git day bo məs dətafən Krestu.

1Timote 6:16

Ndəni katər gən məza amta ɓa, tay san atəki babara, ɗəf tay nawɓap wəzar amaŋgavan ɓa, ɗəf tay dula ɗaah ɓa, ɗəf tay nawlan ɓa'a bo. Gakdak də sembe pak nani ha faɗə. Amin.

2Timote 2:19

Amma Maŋgəlva atəŋgək gabban də sembe, aziwik mogon sawɓa. Apprəm məs məverin aka wənnani: Ɗəfdaya asinik ɗii nani. Ko naway dədaɗɗa saydawa aka iya na Ɗəfdaya, say dəppan wəɗɗa mambraya.

2Timote 2:20

Tasawiɗ dit mesteɓeɗ temtem tahəŋ adəv gəla, metiŋgini. Meɓɓeti na təbəs net deleɗi, meɓɓeti na təbəs na meleŋge, meɓɓet bo na wəlaŋga, meɓɓet tamə na dəlva. Məɗɗeti vi dəsoŋ gən zəga na sləma, meɓɓet bo vi kaɗɗa zəga ɗarɗarə walla kesgeti.

Ibriɗe 10:21

Daya net məs dəlveŋge nam tayi, ndəni ɗəf metiŋgin eŋgil ana Maŋgəlva da.

Ibriɗe 12:22

Amma nokum kəzoŋguk aka gərəm na Siyon, ha awalaŋ gəla na Maŋgəlva madarani, va wənah na, Zerusalem na disiŋ, dit maslayɗe nan məs ɗəf aɓapna wəŋɗet ɓa, vi diiɗa neti.

Ibriɗe 3:12

Milmiŋgiɗwa məzi zukum, vi ko ɗəf taka səmbokum adawsan də makran mbrayen məza də wətaf ɓa, kapan Maŋgəlva məs də Zeŋgille ɓa.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

1Piyer 2:5

Məde, məkpaŋ gərəm madarokum, karka gəla nasuwa na Əmpəs Salala də munokum. Məppan Zezu Krestu amakrokum dəpsukum gən sembe nakpaŋ məs dəlvəŋge en salala, napsən zəga an dəslə sən Maŋgəlva.

1Piyer 4:17

Vi pay agapka, Maŋgəlva wataw kita aket ɗii nan dabəŋ. Adan atəŋgək akam dabəŋ, mbari adaw san dit ɗii məs dətafən Wən Nenek na Maŋgəlva ɓa di?

Hənhən 7:2

Nulak maslay maɓɓan dazan səmba pay nampum, də tampoŋ na Maŋgəlva məs madaran avani ahayək də wəlan dayadaya sit maslayɗe poɗo məs məpsit sembe nawzəm gən saha na dəlva də pe'e.