1Timote 2:8 - Nouveau Testament en Guidar

⁸ Nəŋgəl na ɗii mazeŋgilleket dəzuliyaŋ gən adəv gəla nakkal ko aŋga pakə, də wəslan vet a disiŋ də makret an də goŋga, məza də wəda gədəv ɓa, məza də wəgay ɓa.

Bible en Guidar

⁸ Nəŋgəl kan na, a təki pak ɗiy mezeŋleket dəkkamaŋ də əslan vet salala a disiŋ, məza də ədagədəv ɓa, məza də əgay ɓa.

1Timote 2:8 ပူးပေါင်းရင်းမြစ်များ

Matiye 21:21

Zezu azlansitike: Gesiŋ nəda nah sukum: An munokum tat də wətafa, məza kuzuŋ ɓa, wakəɓapaŋ wəɗɗaŋ say an va nəgəɗ sən sukoyo kakayi ɓa, amma an dayki aska. An va kənahaŋgək sən gərməŋ na azar saŋka, doko pe'e, wagəɗə.

Matiye 5:44

Amma naw əntatə nah sukum: Miŋglu məzuzel kumoni, məkaman Maŋgəlva viyit məzərmaŋ mama azokum.

Matiye 6:12

Aviyan səm mambray namə, va mədah viyan sit ɗiiyen məɗɗaŋ mambray azamə.

Luka 23:34

Zezu amna: Affuwa, aviyansiti, vi dəsəŋgən məs adaɗɗaŋ ɓa. Awɗakanənək lukut nan awaleŋgit də wəska saasa.

Luka 24:50

Yaŋ, Zezu agil suwalaŋ gəla metiŋ, akek kla Baytaniya. Aslanək van sula gəni, agəɗ sitik zəzaya.

Yohanna 4:21

Zezu apsət na: Ɗakə, arma an məs nədawnah suko: Pay nan wade, an məs kədaw zuliyaŋ sənən Maŋgəlva aka gərməŋki ɓa, ko a Zerusalem mi ɓa'a.

Wəza net Masləŋɗe 10:2

Ɗəf dətaf Maŋgəlvayi, də gəla nan pakə, tahəŋ wəzuliyaŋ sənən Maŋgəlva pay pakə. Pay pak tayəbaah sit Yahudiyenɗe məs sahaŋɗe, apan wəzuli sən Maŋgəlva ɓa.

Wəza net Masləŋɗe 10:31

Apsu na: Korneliyus, Maŋgəlva apprəmək wəzuli noko, dəsgət ki wəza mogon nok ɓa.

Wəza net Masləŋɗe 10:4

Awlak maslay də geslne, yaŋ assohon na: Aw mi dəgəɗ di Ɗəfdaya nawa? Maslay azlansənək na: Maŋgəlva apprəmək wəzuli noko, awlak wəza nokəŋ mogonəŋka, dəsgət kiyuk ɓa.

Wəza net Masləŋɗe 21:5

Amma adan wəvoŋ buhul nak atoŋgu, məsilik wəmbata. Ndəɗaŋ dit gil neti dit kirin pak alhamənka, ha ama poho na walaŋ gəla nani. Məkdukuk takpram ama busgum na məlpa metiŋgi, məzulika.

Wəza net Masləŋɗe 7:60

Akdukuk takprani, anahək də wəlan dayadaya amna: Ɗəfdaya aviyansit mambray neti, dərɓaga anah vaska, amtəka. Sol bo zən neki də wəbay Etiyen.

1Korintus 1:2

Məslənək letər nan azet ɗii na Maŋgəlva a Korintus, məsɗetik ɗii na Maŋgəlva nadak pakə ɗiiyen salala* də Krestu, azet ɗiiyen məyet dəsoŋ gən salala, ɗii na Maŋgəlva də wəsap də Zezu Krestu, azet ɗiiyen məzuyanən iya na Daya nam Zezu Krestu, Ɗəfdaya namə gəm neti.

1Korintus 7:7

Nəŋgəl kətana ɗii pak dəsoŋ gən vanawa, amma ko naway pak də an məs Maŋgəlva apsəni. Ɗəf mbərən Maŋgəlva apsənək vaska, ɗəf mbərən bo temme.

2Korintus 2:14

Soko sən Maŋgəlva, vi zəzay na Krestuwi pay pak tay ku malaka nawa an nawday kini. Vaski adaɗɗa səmə, ka mərban gən labara nan ko aŋga pakə, zəga məs mərbanəŋ tay əknah adəv dəlva va məŋgən zəga mogoni.

Filipi 1:12

Milmiŋgiɗwa, nəŋgəl kəsənən gəni, an məs dəgəɗ azawa, vi dəɓay gənə gən Wən Nenekki.

1Tesaloniki 1:8

Vi səzokumi wəpel na Ɗəfdaya appasə a Makedoniya də Akayayi kaaka ɓa, amma ambatək bal sən dəlvəŋ pakə, labara na wətaf nokum məs kətafən Maŋgəlva atrayək atəki pakə ha wəray tay məpel gən əmpa ɓa.

1Timote 5:14

Vi wən vas kəŋka, naw nəŋgəl na ɗəɗaah gil zemvit vas dəkayaŋ zel əmpa'a dəwaŋ gən kirni, dəgayaŋ gən də wərma gəla neti, vi məzu zelmən adawrəhaŋ tive nawpel mbrayen akam ɓa.

Titus 3:8

Aŋki wəpel an fəkat van kana. Nəŋgələk kəsok gən də wənnəska, vi ɗii məs dətafən Maŋgəlva də ganən gən wəza mogon va adaɗɗaŋ, wənnəs mogoni, watər wəray azet ɗiiyi.

Ibriɗe 10:22

Vini kana say məzar səm aza Maŋgəlva də makram an də goŋga, də wətaf an də sembe, makram an salala səza mambraya, gəɓa zəm bo məslayni dit iŋkile məs salala.

Yakob 4:8

Məzar aza Maŋgəlva nan bo wazar azokum. Məɗa vokum səza mambraya, məskoɓ mokrokum munokum muluvuluvuɗe.

1Piyer 3:7

Nokum munokum zel bo, məsoŋ dit gil nokum də wəsinit na tahəŋ də sembe va nokum ɓa, məgekdeketi, vi net bo Maŋgəlva wapsit əkoho, va apsukum, Məgəɗ vaska vi wəzuli nokum adattap ɓa.