1Timote 2:6 - Nouveau Testament en Guidar

⁶ Apanək ki zəni vi kawgil git ɗii səka balam pakə. Vaski aɗɗa saydawa aka an Maŋgəlva aŋgələ də pay məs Maŋgəlva aɗiyə aŋgəl ɗii pak dəkohoŋ gəni.

Bible en Guidar

⁶ məs dəppan kizən ka zəga nawmet ɗiy pakə. Aski əpel məs dərbə də pay məs məziwgini.

1Timote 2:6 ပူးပေါင်းရင်းမြစ်များ

Matiye 20:28

Ko Wətən dəffa dəde vi ɗii dəɗɗaŋ sənəŋ gən wəza ɓa, amma vi dəgəɗ gən wəza sit ɗiiyi, apanək zeŋgillen vi kawkohgit ɗii diiɗa.

Markus 1:15

Amna: Pay agapka, məlĩ na Maŋgəlva go'oyi, məkpaŋgan wədaw nokum, mətaf Wən Neneke.

Markus 10:45

Ko Wətən Ɗəffa* dəde vi ɗii dəɗɗaŋ sənən gən wəza ɓa, amma dəgəɗ gən wəza sit ɗiiyi, azanək zeŋgillen vi kaw met ɗii diiɗa.

Yohanna 6:51

Əntə dupeŋ madarani, məs dəprik sə disiŋ. An ɗəf azəməka, wasan madaran ha faɗə. Dupeŋ məs nədapsukuməŋka gəɓa zuwi. Wanəpsən vi duniya dəsan gən madaran.

Roma 16:26

Amma kakaŋ na, wən məɗama nak arbanək zən appaka də ɗerewel net məs kleŋɗe: Va dawka məs Maŋgəlva aɗi ha faɗə, apelik wənnan viyit ɗii namba dələv pak dəsənən gən wənnani, dətafən gəni, dəpprəmən gən mani.

Roma 5:6

Gala məsam məza sembe azam naɗɗa zəga an dəslə ɓa, yaŋ Krestu amtə vimə, mənam məzu ɓoŋgoŋ aka Maŋgəlva, amtək də pay məs Maŋgəlva aɗiyə.

1Korintus 1:6

va saydawa na Krestu asan də sembe awalaŋkum.

2Korintus 5:21

Krestu dəgəɗ mambray ɓa sam. Amma Maŋgəlva aɗiyək mambray nam pak akani, vi mərah gən əsam təstəs aba Maŋgəlva də əsap nam də Krestu.

Galatiyen 1:4

Krestu appanək ki zəni vi mambray namə, vi kakoh gəm səma duniya mbraynəŋka. Vaski aɗɗa əŋgla na Maŋgəlva, Affəmə.

Galatiyen 4:4

Amma adan pay nan məs Maŋgəlva aɗi agapə, aslənək Wətəni, muwani dət gulku, aɓe sənək ma henziŋ net Yahudiyenɗe.

Efesus 1:17

inatə kaman Maŋgəlva Affən Ɗəfdaya nam Zezu Krestu, Maŋgəlva məs də gakdaka, dəpsukum gən Əmpəs nani, məs narban sukum zəga nawsənna, məs narban sukum Maŋgəlva ka kəsənən gəni.

Efesus 1:7

Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

Efesus 3:5

Adəv pay məs dətoŋgu, wən məɗamas mərbani azet ɓa, amma kakaŋ na Maŋgəlva akoluk kiyən də əmpəs nani, azet masləŋɗe nan dit məs kleŋɗe en salala*.

Efesus 5:2

Say kəɗɗanən gən də əŋgla. Muɗumon va Krestu aŋgələmə, apanək ki zən vimə, ka sazlaga mətaw wəlan aba Maŋgəlva dəfok gən nek akani.

2Tesaloniki 1:10

Wagəɗ vas pay adazan naka, an adek na vi ɗii nan wəgakdakanənni gəm wasan va sokene amaharet ɗii nan məs dətafəni vi pay nani. Nokum bo wakəsoŋ dənɗaŋ, vi kətafənək wən məs mərban sukum.

1Timote 6:15

Pay na ziya nan wasan də pay məs dəslə də wəŋgla na Maŋgəlva, məs də zəzay pakə məs Maŋgəlva arban na ndəni də sembe, ndəni məlĩ net məlĩyeŋge, Ɗəfdaya net dayeɗe.

2Timote 1:8

Wil adawdukun daɗɗa saydawa aka Ɗəfdaya ɓa, walla daɗɗa saydawa akaw innəŋ mədaŋgay vinəŋ ɓa. Say nok dərəŋ na agəm hara bonoy noko, vi labara nenek va məs Maŋgəlva apsuko.

Titus 1:3

Amma arbanək wəpel nan suwa adəv pay məs dəslə də wərban wənnani. Maŋgəlva məzukoh gəm dəpsu tive də wəɗi su wənnani ndəni nədaw pel wənnani.

Titus 2:14

Nan apanək kiyən vimə, vi kamam səka mambray nam pakə, də wəɗɗəm ɗii nan məs akpaŋget salala*, tay də kotorok na wəza mogoni.

Ibriɗe 9:12

Krestu atoŋguk adəv gəla an dəday pak də salala* təl taka taka'ə məkki ha faɗə. Dətoŋ dit mbel net məsgileɗ net gilew ɓa, dit wazliɗe megeggeɗe ɓa, amma dit mbel na ki zən atoŋgu. Vaski kan arəh səm wəkoh an məs nasan ha faɗə.

1Piyer 2:24

Krestu sən kiyən aslanək mambray namə adəv gəɓa zəni, aka wəlaŋga məzliwrihe vi məsam gən madaram klaza wən təstəssə, asna məsam gən məmtəm klaza mambraya. Vi gəla huwa nani kərəhaŋ əmbəla.

1Piyer 3:18

Vaski bo Krestu sən kiyən amtək tel taka vi mambray net ɗii pakə, wətər wəray nan agrak na ɓa ha faɗə, tay də mambray ɓa, amma amtək viyit ɗii mambrayɗe, vi kakukum aza Maŋgəlva. Ɗii abayənka, amma əmpəs Salala asil gənək də zeŋgilleni.

1Yohanna 4:10

Aski wəŋgla, mənamtə məŋglu Maŋgəlva dabəŋ ɓa, amma Maŋgəlva dəŋgələm dabəŋ, aslənək Wətəni vi də viyan səmə gən mambray namə.

Hənhən 1:5

Səza Zezu Krestu, məs dəgəɗ saydawa də goŋga. Ndəni dabəŋ kiyit ɗii mimtiti, ndəni məlĩ aket məlĩyeŋge naka dələv pakə. Aŋgəlməka, kawgil gəm sədəv mambray nam də əmta nani.

Hənhən 5:9

Yaŋ adawyaŋ gəlya meleketeni: Əstə kəgap nawgəm ɗereweləŋka. Də wəhok tampoŋ nani, vi məbay kuwi də əmta noki kəmet ɗii sən Maŋgəlva sədəv ma əlfa pak sədəv ma pakə, də zemvit ɗii temtem səmba dələv pakə.