1Timote 2:5 - Nouveau Testament en Guidar

⁵ Vi Maŋgəlva takayi, ɗəf maɓɓan tayaka walaŋgəm də Maŋgəlva, ɗəf takayi, ndəni Zezu Krestu.

Bible en Guidar

⁵ Vi Maŋgəlva taka yi kaka'ə, metive pak taka yi kaka' a walaŋ Maŋgəlva dit ɗiyi, ɗəf adawyaŋ na, Yesu Kristu,

1Timote 2:5 ပူးပေါင်းရင်းမြစ်များ

Matiye 1:1

Ma əlfa na Zezu Krestu, wətən Davitti*, wətən Abraham:

Matiye 1:23

Waŋ mgbuɓɓo watəɗi daway watə wə wina, kawyani na Immanuyel, va wənah na: Maŋgəlva tay də mənamə.

Luka 14:22

Gawla asilke ambatka amilke, amna: Ɗəfdaya an məs kəɗi su wənnan nak agəɗka, amma təki apəlkəmpa'e.

Yohanna 1:14

Wəpel nak akpaŋgək ɗəffa məs də gəɓa zəni, asanək awalaŋgəmə. Mulak gakdak nani, ndəni gakdak va Wətən məs taka arah aza Affəni. Dəndəni Maŋgəlva arban mbəlembəle nani də gegesiŋ nan pakə.

Yohanna 17:3

Aŋki zeŋgille məza agrak ɓa, asənkunko istə Maŋgəlva taka təstəssə, asənənək Zezu Krestuwi masləŋ noko.

Wəza net Masləŋɗe 4:12

Dəndəni kaaka mədawrəh wəkoho, vi ɗəf maɓɓan tay a duniya ɓa sam, məs Maŋgəlva apsəm mərah gən wəkoh dəndən ɓa.

Roma 1:3

Kakaŋ na aɗɗak wəkoh nak də Wətəni, ndəni Zezu Krestu Ɗəfdaya namə. Muwani Zezu Krestu adəv ma əlfa na məlĩ Davitti. Amma Əmpəs Salala* na Maŋgəlva arbanək wənnan appaka ta'ə, ndəni Wətən Maŋgəlva*, daga pay asil gən suweleŋgit ɗii mimtit də sembe nani.

Roma 10:12

Wənnəska tay viyit ɗii pakə, zəga tay nawɗeket Yahudiyenɗe dit ɗii məs Yahudiyenɗeŋ ɓa ɓa. Vi Maŋgəlvayi Ɗəfdaya net pakə, tayəpsit mbəlembəle sit ɗii məɗɗaŋ saydawa akan pakə.

1Korintus 8:4

Yaŋ kəssohoŋ na, ɗəf wazəm slu mətaw wəlan ama tuya sa? Məsənka tuya na zəga mogoni a duniya ɓa, zəga maɓɓan tay nasban ɓa say Maŋgəlva kaaka'ə.

1Korintus 8:6

Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.

Galatiyen 3:20

Amma metive van tay vi ɗəf taka ɓa, amma Maŋgəlva nan takayi.

Efesus 4:6

Maŋgəlva takayi, ndəni Affit ɗii pakə, məs dəzəm məlĩ aket ɗii pakə, tay daw dənɗaŋ pay pakə, tay san dənɗaŋ pay pakə.

1Timote 6:13

Aba Maŋgəlva məs dəɗi zəga pak madarani, də Zezu Krestu məs dəgəɗ saydawa aka wənna taf mogon aba Pontiyu Pilatu, ndəni nədawɗi suk wənnani.

Ibriɗe 12:24

Kəzoŋguk aza Zezu məs dinan labara meleketeni, də azet mbel məkso'it məs dərbanən zəga mogon dayki mbel na Abel.

Ibriɗe 7:25

Vi vaski waɓap wəkoh git ɗii məs akə aza Maŋgəlva kakaŋka də an nawmbat abe ha faɗə, vi tay san madaran ha faɗə wakaman Maŋgəlva viti.

Ibriɗe 8:6

Amma kakaŋ na Zezu arehək wəza na məs dələv day kiyən neti. Vaski bo wən məs minan akawalaŋ Maŋgəlva dit ɗiiyi, adayək ki an laŋka də sləmani, Maŋgəlva aziw gənək də wənnaman də sembe dayki laŋka.

Ibriɗe 9:15

Ndəni kan Krestu asan məzinan wən meleketeni, vi ɗii məs məyet dərəhaŋ gən zəzay məs nawsan ha faɗə an məs Maŋgəlva anah na, wapsit ɗii nani. Vi ɗəf takayi dəmtə, vi kamet ɗii səka mambray net məs aɗɗaŋ daga asoŋ də wən minan məsvani.

1Yohanna 2:1

Kirtuwa wənnəŋ nədwver sukuməŋka, vi kədaɗɗaŋ mambray ɓa yi. Amma an ko naway agəɗək mambraya, mərahək ɗəf na baah səm aba Affəni, Zezu Krestuwi tay də mambray ɓa təstəssi.

Hənhən 1:13

Awalaŋ zəga məlaw pitirleɗ nek bo, foto tayadaka, agilik va ɗəffa, aguluk lukut metiŋgin zezek nan ha aka gəɓa tələn, aynanək dadakən də kətu məɗɗan də təbəs na meleŋge.