1Timote 1:5 - Nouveau Testament en Guidar

⁵ Wətər wəray na wənnəŋka: Ndəni wəŋgla məs də makra ɗəf barə, də wəɗum də gəvuk taka, gəm wətaf məs tay də mataka taka ɓa.

Bible en Guidar

⁵ Wəray na wən məɗinəs na: Ndəni əŋgla məs də makra ɗəf barə, əɗɗum moggoni gəm ətaf məza matakataka ɓa.

1Timote 1:5 ပူးပေါင်းရင်းမြစ်များ

Matiye 12:35

Ɗəf mogoni wagilgit zigeɗ moget səkəti wəzaɓet mogoni, ɗəf mbrayen wagilgit zigeɗ mbreyit səkəti naw zeɓet mbrayen.

Matiye 5:8

Zəzay azet ɗiiyen məs mekret bar, net wawlanən Maŋgəlva.

Wəza net Masləŋɗe 15:9

Duɗakan walaŋgəm dənɗaŋ ɓa, atafənka aviyan sitik mambray neti.

Wəza net Masləŋɗe 23:1

Pol aziyək haran aket ɗii gugiriɗ neki, apsit na: Milmiŋgiɗwa naw əntatəpprəm ma Maŋgəlva məza də mambray ɓa daga wətəŋ nani ha dəpaŋka.

Wəza net Masləŋɗe 24:16

Ndəni naw bo nədawgay nəsaw gən təstəs aba Maŋgəlva də abet ɗii pakə.

Roma 10:4

Səza Krestu ade na, wənna ma henziŋ amtəka. Vi ko naway məs dətafa, wasan ɗəf təstəs aba Maŋgəlva.

Roma 12:9

Əŋgla nokum dəsan mogoni, məza də matakataka ɓa. Məzel wənna mambray pay pakə, məɗɗa mogon nokum pay pakə.

Roma 14:15

An kuguluk məlmuk adəv wəɗumo, vi wənna way məs kədaw zəma, asna nok kəsban əŋgla ɓa. Kədapan way məs kədaw zəməŋ dəzan gən məlmuk məs Krestu amtə vinəŋ ɓa.

Roma 9:1

An nədawnah kakaŋkəŋ na, gesiŋgi. Na Krestu nani, tepelke nədawa ɓa. Əmpəs Salala* tay zəm məlĩ aka wəɗum na makrawa, ndəni məzaw ku abe nəwə na tepelke ɓa.

1Korintus 13:1

An nəsənək zəga ha in əpel də ma net ɗii diiɗa gəm də met maslayɗe pakə, amma an əntat də əŋgla ɓa, naw nəgilik va matondoloŋ walla va wewewe məɗiyaŋ geŋgere ɗarə.

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

Galatiyen 5:22

Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

Galatiyen 5:6

Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

1Timote 1:18

Timote nawa, wənnəs nəppanək azoko. Aɗumon an məs kleŋɗe apeleŋ akok laŋka. Wəpel neti zəga nawgay noko, dəndən kadawziw ama wəgay nok məs kədawgaya.

1Timote 1:19

Arma wətaf nok də wəɗum nok də makrok taka. Ɗii meɓɓet awngereŋ wəsban wəɗum na makret ɓa, vini wətaf net azə.

1Timote 3:9

Say də ganən gən goŋga də wətaf məs Maŋgəlva arbani, dermanən gən də wəɗumon də makret taka.

2Timote 1:3

Intatəɗɗa soko sən Maŋgəlva məs nədawgəɗ sən wəza də makraw barə, va net dəhiŋgiɗu pakə. Intatə gəɗ sən soko pay pakə, kapay də dəfəɗ pakə əntatəɗum akok də wəzuli nawa.

2Timote 1:5

Intatəɗumon wətaf noko məs tay də matakataka ɓa, wətaf nan ndəni attuk Loyis dət mok Unike arəhaŋ dabəŋ. Nəsənka wətaf nan bo taya makrok gesiŋ.

2Timote 2:22

Nok ataɗ zuko də wəsim zəga də wənna gawla, akayan goŋga də wətafa də wəŋgla də zamə, issi dit ɗii məs makret barə wayanən Ɗəfdaya dəbaahsit gəni.

Titus 1:15

Zəga pak mogoni, azet ɗii məs də makret barə, amma azet ɗii mbreyiti dit ɗii məs dətafaŋ ɓa. Zəga pak taya zet salala ɓa. Vi maɗuleti də kpukpum na makreti arayka.

Ibriɗe 10:22

Vini kana say məzar səm aza Maŋgəlva də makram an də goŋga, də wətaf an də sembe, makram an salala səza mambraya, gəɓa zəm bo məslayni dit iŋkile məs salala.

Ibriɗe 13:18

Məkaman Maŋgəlva viyəm pay pakə. Məsənka makram barri, vi pay pak mamaka wəɗɗa an məs Maŋgəlva aŋgələ.

Ibriɗe 9:14

An vaski na mbel na Krestu dədawtəraŋ wəray day pakə. Də Əmpəs nasuwa ha faɗi apsən zeŋgillen sən Maŋgəlva va sazlaga məs tay də mambray ko suɗike ɓa. Mbel na Krestu waskoɓən makramə, waviyanən mambray namə, vi mədaɗɗa an naw kəm atəki namta ɓa, amma say mərah gən wəgəɗ sən wəza sən Maŋgəlva an də zeŋgille.

Yakob 4:8

Məzar aza Maŋgəlva nan bo wazar azokum. Məɗa vokum səza mambraya, məskoɓ mokrokum munokum muluvuluvuɗe.

1Piyer 1:22

Kəkpaŋganənək mokrokum salala də wəsban goŋga, də wiŋgliw milmiŋgiɗkum məs dətafaŋ, vini məŋglu zukum də mokrokum taka məza də mataka taka ɓa pay pakə.

1Piyer 3:16

Amma məzlan sit ɗii məzə sohokumən də wəɓe gən ziti də gakdakani, wəɗum na makrokum dəsan mogoni, vi an arokumənka, an apeleŋgək mbrayen aka wədaw nokum mogonəŋka, məs dəsap də Krestu wil wedenini.

1Piyer 3:21

Vasna iŋkileŋki, ana baptem adarbanəni. Məs dədaw koh gukum kakaŋka, də wəskoɓ haramba na gəɓa zə ɗəffi ɓa, amma adəvəni mədaw sler də Maŋgəlva, də viyan səmə gən mambray sə makramə, baptem wakoh gukum də wəsil gən Zezu Krestu sətəki əmta.

1Piyer 4:8

Amma an məs dəday pak na, məŋglu zukum, də wəŋgla ana makrokum, vi wəŋgla aviyan mambray diiɗa.

2Piyer 1:7

də əŋgla net milmiŋgiɗən də əŋgla na Maŋgəlva.

1Yohanna 3:10

Awla an məs duɗeket kirtin Maŋgəlva dit kirtin Satan: Ko naway məs dədaɗɗa an məs tay təstəs ɓa, walla aŋglu məlmən ɓa, nan wətən Maŋgəlvayi ɓa.

1Yohanna 3:23

Aŋki ma henziŋ nan vani: Mətaf səm iya na Wətəni ndəni Zezu Krestu, məŋglu səm zəmə va Krestu anah səm məɗɗa gəni.

1Yohanna 3:3

Ko naway məs dəŋgəl wəsuwa va Krestu, say duɗak də mambraya, va Krestu sən kiyən awɗak dəndən.