1Timote 1:4 - Nouveau Testament en Guidar

⁴ Say dəppanən wəɗɗa wənnet ɗii laŋka də məɗama nani də zev ɗerewelɗe nawyan zit ɗar mekeleŋ. Vi wənnan wəbay ma adawki ɗarə, wənnan atərna wəray aza wəza na Maŋgəlva məs məsən də wətaf ɓa.

Bible en Guidar

⁴ Adappanən kiyit sən mamba gəm sən wən na mazlalwãh məza agrak ɓa ɓa. Vi wən nan əbayma adawki ɗar ki ədawgən wəza na Maŋgəlva məs naɗɗa də ətaf dərəŋgə.

1Timote 1:4 ပူးပေါင်းရင်းမြစ်များ

2Korintus 1:12

Aŋki zəga məs mədaw kaɓ dəndən. Wəɗum na makram agəɗ səmək saydawa aka wədaw nam a duniya, məs dəday pak na, ədaw nam nawaloŋkum, mədawək də goŋga də mogoni. Sembe nan pak səza Maŋgəlva ade. Məsban wəsən net ɗii ɓa, say mbəlembəle na Maŋgəlva.

Efesus 3:2

Kəpprəmənək wənnan na, Maŋgəlva avayək tive nərban gən mbəlembəle nan vikum,

1Timote 3:16

Gesiŋ aŋki məɗama na wən nəŋka, ndəni metiŋgini annan mədasba: Krestu arbanək zən va ɗəffa, Əmpəs arbanək wən akan na, askak wəlla zəga pakə. Maslayɗe awlanənka. Mərbani labara nan aweleŋgit ɗii məza Yahudiyenɗeŋ ɓa. Ɗii na duniya atafənka, Maŋgəlva aslanək a disiŋ adəv gakdak an dəday pakə.

1Timote 4:7

Amma wənna mamba ɗar mekeleŋ na, an va məs məduwilɗeŋge adawpeleŋ, say ataɗ zuk səzeti. Ataɗ zuk adəv geslne na Maŋgəlva.

1Timote 6:11

Amma is ɗəf na Maŋgəlva azar səza zəga vaska. Akayan goŋga də geslne na Maŋgəlva, də wətafa də wəŋgla də wəɓəsən də makrok zayə.

1Timote 6:20

Timote, arma wən məs nəpel sukəŋka. Azar səza wən məs ɗar mekeleŋ də wəbay ma net dərweŋge. Də an ɗii adawnahaŋ na ndəni wəsən an də goŋga.

2Timote 2:14

Aɗumon wənnəska, asəɓ sit ɗii na Maŋgəlva aba Maŋgəlva, adawgayaŋ aka wən ɓa. Wəgay nan bo atər na wəray ɓa, amma waray git ɗii məpprəmaŋ goŋga.

2Timote 2:22

Nok ataɗ zuko də wəsim zəga də wənna gawla, akayan goŋga də wətafa də wəŋgla də zamə, issi dit ɗii məs makret barə wayanən Ɗəfdaya dəbaahsit gəni.

2Timote 2:23

Kədawnger də wəssoh an na dərwa də mogoni ɓaɓa, as nan wəgay adawsil gən kaaka'ə.

2Timote 4:4

Wapanən wəpprəm goŋga, wakpaŋgaŋ kaɗumoŋ aket mambeɗi də məɗama.

Titus 1:1

Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

Titus 1:14

məza məɗumoŋ aka mamba net Yahudiyenɗe ɓa, dit ma henziŋɗe net ɗii məs na ɓoŋgitin ɗii səka goŋga ɓa.

Titus 3:9

Amma wəbay ma net dərweŋge, də wəŋɗan wənna əlfa net dəhiŋgiɗmə, wənna wəgaya, də wəbay ma aka wənna ma henziŋ, məzi zukum azani atərna wəray ɓa wən ɗarri.

Ibriɗe 13:9

Kədapetin ɗii dəzokumən gən səka tive na goŋga də zəga nawsən temtem məs dəde sə ma poho ɓa. Mogoni an zeŋgillem arahək sembe adəv mbəlembəle na Maŋgəlva məza də wəsban ma henziŋ net ɗii aka zəga nawzəm ɓa. Ɗii məzəsbanən ma henziŋ nani, dərəhən wətər wəray nan ɓa.

2Piyer 1:16

Də wənna labara net ɗiiyi ɗar mədarban sukum pay naziya na Ɗəfdaya Zezu Krestu məs də gakdak ɓa. Amma mulak gakdak nan də haramə.