1Timote 1:16 - Nouveau Testament en Guidar

¹⁶ amma vi wənnani Maŋgəlva awəl saha akawa, vi Zezu Krestu dərban gən əŋgla nan diiɗa də ina, əntə daya net məɗɗaŋ mambraya, vi nəsaw gən dabəŋ aweleŋgit ɗii məs dətafəni, məs dədawrəhaŋ zeŋgille nasuwa ha faɗə.

Bible en Guidar

¹⁶ ya sən aski Maŋgəlva awəl sahã akawa, vi Yesu Kristu dərbangən əɓəs nan diyɗa akaw daabəŋ, vi nəsawgən nawsla ki van azaw a waleŋgit ɗiy məs nawtafəni, məs dədawrəhaŋ zeŋgile nassa hã faɗə.

1Timote 1:16 ပူးပေါင်းရင်းမြစ်များ

Luka 15:10

Intatə nah sukum, vaski bo maslayɗe na Maŋgəlva ada nekenən zit an məs mambray taka atubika.

Luka 23:43

Zezu azlan sənək na: Gesiŋ nədawnah suko, dəpaŋka wakəsok də in adəv məlĩ nawa.

Luka 7:47

Vi vaski əntatə nah sukum: Wəŋgla natəŋ diiɗaŋka ndən dərban mambray nat diiɗayi ya avika. Amma məs məviyan suɗike, wəŋgla nan tam bo suɗike.

Yohanna 20:31

Amma an məverit adəv ɗerewel nani, məverit vi də tafən gən na Zezu wi Messiya* Wətən Maŋgəlva*, vi kərəhaŋ gən zeŋgille də wətaf nani.

Yohanna 3:36

Ko naway dətaf Wətəni arahək wəkoho. Ko naway dətaf Wətən ɓa, arah na wəkoh ɓa, amma wəda gədəv na Maŋgəlva wasan akani.

Yohanna 5:24

Gesiŋ nədawnah sukum: Ko naway dəpprəm wəpel nawa, dətaf ɗəf də slənwa, warəh wəkoh ha faɗə, kita armana ɓa. Atoŋguk ki wəmta, ha gap atəki wəkoho ha faɗə.

Yohanna 6:37

An məs Affu avay pakə, wade azawa. Ko naway dəde zaw bo nəɓoŋsəna kpak ɓa.

Yohanna 6:40

Apprəm an məs Affu aŋgələ: Ko naway dula Wətən Ɗəffa* dətafa, warah zeŋgille ha faɗə, wanəsil gən səkəti əmta pay wəgrak dəlva.

Yohanna 6:54

Ɗəf məs dəzəm gəɓa zuwa, məs də sə mbel nawa, arahək zeŋgille ha faɗə, wanəsil gən pay wəgrak dəlva.

Roma 15:4

An məs məverin adəv ɗerewel məsvani, məverin na vi karban səm wənnani, vi məyagan gən wəɓəsən, makram bo də ziw gini. Vaski an məs mədaw ga wənnan dəsan gən də sembe.

Roma 6:23

Vi riba na mambray ndəni əmta, amma mbəlembəle məs Maŋgəlva adapsəmə, ndəni zeŋgille na suwa ha faɗə məs mərah də wəsler nam də Zezu Krestu Ɗəfdaya namə.

1Korintus 7:25

Yo aka wənnet gorɗeŋge nan nərah dawka akan səza Ɗəfdaya ɓa, amma əntatə pel an məs nəɗumu. Ɗəfdaya apsuwək mbəlembəle gəm mogon nani Ɗəfdaya aɗiwək ka ɗəf təstəssə.

2Korintus 4:1

Maŋgəlva awlak səsahmə, apanək wəzaŋ avamə. Vini kana geslne dəmna ɓa.

Efesus 1:12

Vini kana say məgakdakan səm gakdak nani, say mənam məs mədawga Krestu dabəŋgəŋki kaaka ɓa.

Efesus 1:6

Mə gakdakan səm mbəlembəle nan məs məsam gərəŋ akani, məs andol səm də Wətən an tabuwa nani.

Efesus 2:7

Vaski kan adarban mbəlembəle nan məs dədayki zəga pak də metiŋgini. Duniya məs dədazan pak wawla mogon nan məs agəɗ səm də Zezu Krestu.

2Tesaloniki 1:10

Wagəɗ vas pay adazan naka, an adek na vi ɗii nan wəgakdakanənni gəm wasan va sokene amaharet ɗii nan məs dətafəni vi pay nani. Nokum bo wakəsoŋ dənɗaŋ, vi kətafənək wən məs mərban sukum.

1Timote 1:13

Lahəŋ na, nəpelik mbrayen akani, nəzəm gitik saha net ɗii nani, nərretike. Amma Maŋgəlva awələk saha akawa, vi əntat də wətaf ɓa, nəsən gabba məs nədaɗɗa ɓa.

Ibriɗe 7:25

Vi vaski waɓap wəkoh git ɗii məs akə aza Maŋgəlva kakaŋka də an nawmbat abe ha faɗə, vi tay san madaran ha faɗə wakaman Maŋgəlva viti.

1Piyer 3:20

Va wənah na: Sit əmpəsɗe net ɗii məs dəsbanən Maŋgəlva lahəŋ ɓa, va Maŋgəlva aɓəs lahəŋka aga Nuwa pay adawzaɓ bəlay. Adəvən bo ɗii dədopoɗo kaaka də kohoŋ səret iŋkile.

2Piyer 3:15

Məsən na əɓəs na Ɗəfdaya akol sukumək ma tive ka kəkohoŋ gəni, va məlməm namakram Pol aver sukum də maɗulan məs Maŋgəlva apsəni.

2Piyer 3:9

Ɗii meɓɓet tahəŋ əɗumoŋ na Ɗəfdaya tay liya daɗɗa an məs annahə, amma vaski ɓa, awli gən ɓa. Amma tay ɓəs sukum vi dəŋgəl ko naway dəzə gən ɓa, say ɗii pak dəzoŋ gən də tubiyaŋ gəni, dəppanən gən mambray neti.