1Timote 1:15 - Nouveau Testament en Guidar

¹⁵ Wən aŋka goŋgay, mogoni vi ko naway pak dətafə gəni məza də kuzuŋ ɓa, Zezu Krestu adek aka dəlva, vi kakoh git ɗii məɗɗaŋ mambraya. Əntə daya neti,

Bible en Guidar

¹⁵ Əpeliŋ gesiŋgi, aslək nawtaf təstəsə, Yesu Kristu adek aka dəlva, vi kakõhgit ɗiy məɗɗaŋ mambraya. Intə daabəŋ nereti,

1Timote 1:15 ပူးပေါင်းရင်းမြစ်များ

Matiye 1:21

watə wə wina, wakəlvan na Zezu. Vi wakohgit ɗii nan səka mbrayen neti.

Matiye 18:10

Məzi zukum kədawzeletin səmbet muzliyeɗ nawəŋ ko taka ɓa. Əntatə nah sukum: Maslayɗe net tahəŋ aba Affu na disiŋ ziw ziwi.

Matiye 18:11

[Wətən Ɗəf* ade na vi ka koh gən an dəzəyi.]

Matiye 20:28

Ko Wətən dəffa dəde vi ɗii dəɗɗaŋ sənəŋ gən wəza ɓa, amma vi dəgəɗ gən wəza sit ɗiiyi, apanək zeŋgillen vi kawkohgit ɗii diiɗa.

Matiye 9:13

Mədoŋ məɗumon an məs dəɗam də wənəska, ula səsah nəŋgələ wənna zəga mamaya mətaw wəlan nəŋgəl ɓa. Naw nəde vi kawye ɗiiyen məɗɗaŋ mogon ɓa, say məɗɗaŋ mambraya.

Markus 2:17

Adan Zezu apprəm vaska, apsit na: Ɗiiyen də zam na zit na, wəray net tay naŋgla zloktor ɓa. Say məs gbəgbaɗe. Nəde vi kawye ɗiiyen salala ɓa, say ɗii məs mbreyiti.

Luka 15:2

Farisiyenɗe* dit məsənaŋ zəga na ma henziŋ aɗɗaŋgək wərwər, aɓɗaŋ na: Ɗəffaŋka tay taf məɗɗaŋ mambraya, tay zəm dənɗaŋ.

Luka 19:10

Wətən Ɗəf* ade na vi kawkayani, kaw koh gən an dəzə.

Luka 5:32

Nəde vi kaw keyet ɗiiyen təstəssi ɓa, amma vi kawye ɗiiyen də mambray də tubiyaŋ gəni.

Yohanna 1:12

Amma ɗii meɓɓet aŋgluwənka, atafənka. Yaŋ net apsit sembe də kpaŋgaŋ gən kirtin Maŋgəlva.

Yohanna 1:29

Yaŋ vit pumpum nani, Zaŋ awlak Zezu dazan azani, amna: Andaki botol na Maŋgəlva naw gəm mambray na dəlva.

Yohanna 12:47

An ɗəf apprəmək wəpel nawa, ya dəsban ɓa, əntə nawtaw kita akan ɓa, vi nawkoh gən duniya nəde, vi kawtaw kita kani ɓa.

Yohanna 3:36

Ko naway dətaf Wətəni arahək wəkoho. Ko naway dətaf Wətən ɓa, arah na wəkoh ɓa, amma wəda gədəv na Maŋgəlva wasan akani.

Wəza net Masləŋɗe 11:1

Masləŋɗe dit ɗii na Maŋgəlva naka dələv na Zude pak apprəmənək na ɗii məza Yahudiyenɗe həŋ ɓa atafənək Maŋgəlva.

Wəza net Masləŋɗe 11:18

Adan apprəmən wənnani, aɓətaŋka agakdakanənək Maŋgəlva, aɓɗaŋ na: Mbaraka Maŋgəlva apsitik tive sit ɗii məza Yahudiyenɗe həŋ ɓa də tubiyaŋ gəni dərəhaŋ gən wəkoho!

Wəza net Masləŋɗe 3:26

Vaski bo Maŋgəlva awel gawla nan vikum dabəŋ ki wəslən sukum, dəgəɗ sukum gən zəzay kəkpaŋgaŋ gəni də wəppan mambray nokum.

Roma 11:14

Kuzuŋ wanərah wəsil gən kotorok azet əlfiŋgiɗwa ka nəkohgit gən ɗii meɓɓeti.

Roma 5:6

Gala məsam məza sembe azam naɗɗa zəga an dəslə ɓa, yaŋ Krestu amtə vimə, mənam məzu ɓoŋgoŋ aka Maŋgəlva, amtək də pay məs Maŋgəlva aɗiyə.

1Korintus 15:9

Əntə muzliya nambet masləŋɗe, vi nəzəm gitik saha net ɗii na Maŋgəlva. Nəgap nayu masləŋ kəta ɓa.

Efesus 3:8

Əntə dərɓe an faɗ azet ɗii na Maŋgəlva: Yas dərəŋ kana, Maŋgəlva awəl saha akawa apsuwək tive vi nəpel gən Wən Nenek nan sit ɗii məs dəsənən Maŋgəlva ɓa, vi nərban sit gən arya na Krestu diiɗayi ka səni ɓa.

1Timote 1:13

Lahəŋ na, nəpelik mbrayen akani, nəzəm gitik saha net ɗii nani, nərretike. Amma Maŋgəlva awələk saha akawa, vi əntat də wətaf ɓa, nəsən gabba məs nədaɗɗa ɓa.

1Timote 1:19

Arma wətaf nok də wəɗum nok də makrok taka. Ɗii meɓɓet awngereŋ wəsban wəɗum na makret ɓa, vini wətaf net azə.

1Timote 3:1

Aŋki wən mogoni: An ɗəf akayək wəza nawsan daya net kretiyenɗe na, akayək wəza mogon sawɓa.

1Timote 4:9

Ndəni kan wən an də goŋga vi ko naway dətafə gəni məza də kuzuŋ ɓa.

1Timote 6:13

Aba Maŋgəlva məs dəɗi zəga pak madarani, də Zezu Krestu məs dəgəɗ saydawa aka wənna taf mogon aba Pontiyu Pilatu, ndəni nədawɗi suk wənnani.

2Timote 2:11

Aŋki wən an gesiŋ: An məmtək dəndən waməsam madaram dəndəni.

Titus 3:8

Aŋki wəpel an fəkat van kana. Nəŋgələk kəsok gən də wənnəska, vi ɗii məs dətafən Maŋgəlva də ganən gən wəza mogon va adaɗɗaŋ, wənnəs mogoni, watər wəray azet ɗiiyi.

Ibriɗe 7:25

Vi vaski waɓap wəkoh git ɗii məs akə aza Maŋgəlva kakaŋka də an nawmbat abe ha faɗə, vi tay san madaran ha faɗə wakaman Maŋgəlva viti.

1Yohanna 3:5

Kəsənənka Zezu Krestu ade a duniya na, vi kaviyan mambray nami, nan mambray taya zan ko taka ɓa.

1Yohanna 3:8

Ɗəf məzəɗɗa mambray nan ava Satanni, Satan tayəɗɗa mambray daga wətən nani. Vini Wətən Maŋgəlva* ade vi kawzan wəza na Satan.

1Yohanna 5:11

Apprəm saydawa na Maŋgəlva kana: Apsəmək zeŋgille nasuwa ha faɗə, zeŋgille van səza Wətən ade.

Hənhən 21:5

Yaŋ ɗəf məs dəsan aka mazaŋga na məlĩ amna: Intatəɗɗa zigeɗ pak meleketeti! Apsu na: Aver wənnəŋka, vi wəpel nawəŋka, goŋgay təstəssi.

Hənhən 22:6

Yaŋ maslay nak apsu na: Wənnəs pak gesiŋgi, təstəssi wən vani, Maŋgəlva Ɗəfdaya, məs dəpsit Əmpəs nan sit məs kleŋɗe, aslinik maslayɗe nani, vi dərbanən gən an məs dədaɗɗa gu' gesiŋ.

Hənhən 5:9

Yaŋ adawyaŋ gəlya meleketeni: Əstə kəgap nawgəm ɗereweləŋka. Də wəhok tampoŋ nani, vi məbay kuwi də əmta noki kəmet ɗii sən Maŋgəlva sədəv ma əlfa pak sədəv ma pakə, də zemvit ɗii temtem səmba dələv pakə.