1Piyer 5:5 - Nouveau Testament en Guidar

⁵ Nokum tamə gewleɗi, məpprəm met ɗii gugiriɗ nokum. Məgəɗ wəza sən zukum, də əɓe sən zukum. Va məverin adəv ɗerewel anahə: Maŋgəlva tay bay gagay sit məzu gakdakanən ziti, amma wapsit mbəlembəle sit ɗii məzə ɓegənən ziti.

Bible en Guidar

⁵ Gewleɗi, nokum pak məprəm met ɗiy məsɓeti. Məɓe' sən zukum addəv ənziya a walaŋ zukum pakə. Va Əver anahə: Maŋgəlva tay əbay gagay sit məgagdakanən ki ziti, ya wapsit mbəlembəle sit ɗiy məɓe'gənən ki ziti.

1Piyer 5:5 ပူးပေါင်းရင်းမြစ်များ

Luka 22:26

Amma nokum, vaski ɓa, say an dəgəs suwalaŋkum ndəni dədawsan daya, daya bo dəsan məgəɗ wəza.

Roma 12:10

Məŋglu zukum, vi məlma kənanaŋ adəv wətaf nokum məs kətafən Krestu, məɓe sən zukum.

Roma 13:14

Amma mugul zeŋgille meleketen məs kərəhaŋ də Zezu Krestu Ɗəfdaya, kədapanən zukum sən əŋgla na zukum, dəday gən kikum ɓa.

Efesus 5:21

Məɗi ki zukum də geslne na Krestu.

Filipi 2:3

Ko mi adaɗɗa də wəgay ɓa, walla də wekaɓ ɓa, amma də wəɓegən ki zukum də ula ɗii meɓɓet day kiko.

Kolosi 3:12

Kəkpaŋgaŋgək ɗii na Maŋgəlva aŋglukumko, awelkumko. Vi vaski nokum bo məsoŋ də ula saha aket ɗii meɓɓeti, məzu ɓe'eŋ sitin ɗii yi, də wən mogoni, məzu ɓəsən wənna.

1Timote 5:1

Kədaw hayãn ɗəf metiŋ də hay ɓa. An wən tay nawhayãn akan na, say apel sən va affuko. Gewleɗ bo, ahayẽt va milmiŋgiɗko.

Ibriɗe 13:17

Məpprəm met ɗii gugiriɗ nokum də wəsban tive məs adarban sukuməni. Tahəŋ wəganən zeŋgillekum məza wəfet ɓa, vi waŋɗanən wəza net sən Maŋgəlva. An munokum tatəpprəmən meti, waɗɗanən wəza nan də zit neki, an tay vas ɓana, waɗɗanən wəza net də wərwər amekreti, ya an tay vas na, kərəhaŋ na riba ko suɗike ɓa.

Yakob 4:6

Amma sembe məs Maŋgəlva apsukuməŋka ndən dayki zəga pak də metiŋgini. Vi ɗerewel na Maŋgəlva anahək na: Maŋgəlva atokuk ki haran sit ɗii məzə gakdakanən ziti, amma tayəpsit sembe sit ɗii məzu ɓegənən ziti.

1Piyer 3:8

Aŋki wəgrak na wən məs nədaw ver sukum: Məsoŋ də maɗula taka, wəɗum taka, məwəl saha aka zukum də wəŋglu zukum va məlma, məbaah sən zukum, kədarbanən daya sit milmiŋgiɗkum ɓa.

1Piyer 4:1

Vaski bo, va Krestu azəm saha də gəɓa zən va ɗəffa, məsok zukum kəzəmaŋ gən saha vanani, ɗəf məs dədaw zəm saha də gəɓa zəni, awɗakək də mambraya.

1Piyer 4:5

Amma waŋɗanən an məs adaɗɗaŋ pak aba Maŋgəlva məs dədaw zaɓan zən nawtaw kita, aket ɗii maderet dit mimtiti.